أضف سؤال أو موضوع جديد          

سيارة باسمي لاخي اجر منتهي بالتمليك ولم يسدد

up 2 down 2
techno4com 118
قبل 11 شهر



السلام عليكم 
طلعت لاخوي سيارة باسمي من عبد اللطيف جميل وكمل ٧ شهور وهو يسدد ورفض يسدد الباقي او يعطيني السياره علما اني قلبت الاستمارة باسمه عشان المخالفات من اول شهر والشركه ازعجوني اتصال ولاني قادر اخذ السياره من اخوي وارجعها لهم او اتنازل ماهو الاجراء النظامي بهالحالة عشان ماتتراكم علي الاقصاد وش السوات يالربع 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك
سيارة منتهيه باالتمليك تبقا الااستمارة بااسم الشركة
وانت تقول حطيت الااستمارة بااسم اخوك
يمكن تقصد مسوي له تفويض
على العموم تلغي التفويض 
والشركة تسحب السيارة
بطريقتهم 
كان الله بعونك


up 1 down 0
باترول 2020 2404
قبل 11 شهر



اذا اخوك مسويها عباطه فيك
ضارب بعرض الحائط لفزعتك معه واخوتك
وانت بالاخير المسئول أمام الشركه ماديا وكل شي
واخوك مجرد مفوض بقيادتها انصحك بالتالي ..

تكلمه وتبلغه ان بتلغي التفويض وتعمم على السياره انها مسروقه او
خارجه عن مسئوليتك ...
وهو يتحمل كافه الامور المترتبه..

والله يعينك .


up 7 down 4
مدرس عاطل 25
قبل 11 شهر



اتصل علي وابشر ٠٥٩٤١٧٨٥٤٠


up 6 down 3
نظره امل 396
قبل 11 شهر



ليه دسلايك ابي اساعد الرجال وجع


up 8 down 2
نظره امل 396
قبل 11 شهر



اخوي الغي التفويض وكلم الوكاله تسحب السياره والله يعينك بس قبل كل ذا كلم اخوك وسو نفس ماقال مدرس عاطل


خيرا تعمل ، شرا تلقى ، كان الله في عونك


up 3 down 0
anosi 1184
قبل 11 شهر



وش سبب رفضه ؟ اذا هو مزنوق وله شف بالسيارة ادفع عنه قصد اذا أمورك زينه لين يدبر أموره لا تخليه،،
تزهلت بالأوله فكمل معروفك وأنا أخوك..


up 7 down 7
qefari2 40
قبل 11 شهر



بلغ الشركة بموقعها وخلهم يسحبونها 


up 2 down 1
mamdoh2011 42
قبل 11 شهر




قبل كل شي اذا انت تعرف موقع السيارة رح الوكالة لانه عندهم سبير واظن يعرفون يحددون موقع السيارة حسب ماسمعت مدري من عندهم والا من الشرطة
واذا مالقو شي سوي بلاغ والله يعينك
لكن لاتعلم اخوك بشي خل كل شي يتم من سكات


up 2 down 1
chevrolet zr1 585
قبل 11 شهر



كان الله في عونك 
وفعلاً احياناً فيه اخ يشطح من باقي اخوانه ويقلبها دشره ع حساب اخوانه واهله ويجيب لهم مشاكل ولكن الله يعينكم  انت اذا بلغت في اخوك انها مسروقه راح يمسكونه وصعبه يمكن يلحقه محكوميه سرقة سيارة او من هذا القبيل ومشاكل و شرطه وووو الخ واذا طنشت وتقول اخويه ماابي يلحقه مشاكل وما ابي اورطه فأنت اللي تاكل الاقساط والمديونيه في ظهرك الحل كالاتي 
انك تترصد للسيارة والمفتاح الين تلاقي فرصه وتلقط المفتاح وتاخذ السيارة وتوديها في مكان مايتخيله ولا يعرف يوصل لها وتوقفها وتقفلها مزببوط وتروح للشركه وتشوف اش الاجراءات اذا لقيتها معقده مره حاول تعرضها للتنازل وتتحمل المتأخرات الله يعينك واذا لقيت شخص يتقبلها تخلص امورها سريع سريع وتبلغ اخوك انك.رجعت السيارة للشركه وتخليه يهجد وانت اعتبر هذا درس وتوبه لك وعسى الله ييسر امرك 


up 4 down 0
yasser alyasser 502
قبل 11 شهر



ياشباب ابي الموضوع نظامي انا ماهي اراء هل اذا بلغت الشركة بتفيدني وعلمتهم مكان السياره عشان لا تتراكم الاقساط وفعلا انا سويت له تفويض والمشكله الان الثاني ارسلوا لي رساله عشان يستلم التامين الجديد للسياره يعني هي بدون تامين حاليا 


up 0 down 1
techno4com 118
قبل 11 شهر



ياعزيزي
تفاهم مع اخوك بكلام واضح
إما انه يسدد اللي عليه
او انك بتلغي التفويض وتعمم على السيارة انه ماسلمها
لك وهارب بها او سارقها او اللي يكون
هذا على فرض اذا انه ضارب بك عرض الحائط
وبيعرضك للغرامات والمخالفات والبلاوي

انت الان مسئول عن السيارة ماديا من ناحيه اقساط وخلافه
وراح تتسجل بسمه وتتعطل مصالحك

اما نظاميا فالسياره تحت استخدام اخوك وخارج مسئوليتك
بما إنك مسوي تفويض وساري مفعوله

لكن حقوقيا انت مطالب بكافه المبالغ والمستحقات



up 0 down 2
مدرس عاطل 25
قبل 11 شهر



السياره اذا تاخرت عن ثلاثه اقساط متتاليه يرفعون عليها طلب 
واذا حصلوها في اي مكان يتم سحبها من قبل الشركه واما تسددوتاخذها او تروح عليك 
واذا ماعاد تبيها انت ولا فخل الشركه تسحبها والله يعوض عليك ويرزقك


up 0 down 2
aa.ali 43
قبل 11 شهر



ان كانك معاد تبيها خل الشركة يسحبونها وبلغهم بموقعها وان كانك بتكمل اقصاد السيارة رح الشركة وعطهم الموضوع وخذ اسبير وشف لك طريقة , مع احترامي لك ان كان اخوك مو مقدرك ولامحترم المرجله الي سويتها له بلغ بأن السيارة مسروقة ورفع البلاغ للشركة عشان يوقفون الأقساط


up 0 down 0
مالكab 34
قبل 11 شهر



الله يعينك
خير تعمل شر تلقى


up 0 down 0
hadi1434 22
قبل 11 شهر



كان الله في عونــك


up 0 down 0
aboahmed2014 765
قبل 11 شهر