سيارة باسمي لاخي اجر منتهي بالتمليك ولم يسدد

حياك
سيارة منتهيه باالتمليك تبقا الااستمارة بااسم الشركة
وانت تقول حطيت الااستمارة بااسم اخوك
يمكن تقصد مسوي له تفويض
على العموم تلغي التفويض 
والشركة تسحب السيارة
بطريقتهم 
كان الله بعونك

اذا اخوك مسويها عباطه فيك
ضارب بعرض الحائط لفزعتك معه واخوتك
وانت بالاخير المسئول أمام الشركه ماديا وكل شي
واخوك مجرد مفوض بقيادتها انصحك بالتالي ..

تكلمه وتبلغه ان بتلغي التفويض وتعمم على السياره انها مسروقه او
خارجه عن مسئوليتك ...
وهو يتحمل كافه الامور المترتبه..

والله يعينك .

اتصل علي وابشر ٠٥٩٤١٧٨٥٤٠

ليه دسلايك ابي اساعد الرجال وجع

اخوي الغي التفويض وكلم الوكاله تسحب السياره والله يعينك بس قبل كل ذا كلم اخوك وسو نفس ماقال مدرس عاطل

خيرا تعمل ، شرا تلقى ، كان الله في عونك

وش سبب رفضه ؟ اذا هو مزنوق وله شف بالسيارة ادفع عنه قصد اذا أمورك زينه لين يدبر أموره لا تخليه،،
تزهلت بالأوله فكمل معروفك وأنا أخوك..

بلغ الشركة بموقعها وخلهم يسحبونها 

قبل كل شي اذا انت تعرف موقع السيارة رح الوكالة لانه عندهم سبير واظن يعرفون يحددون موقع السيارة حسب ماسمعت مدري من عندهم والا من الشرطة
واذا مالقو شي سوي بلاغ والله يعينك
لكن لاتعلم اخوك بشي خل كل شي يتم من سكات

كان الله في عونك 
وفعلاً احياناً فيه اخ يشطح من باقي اخوانه ويقلبها دشره ع حساب اخوانه واهله ويجيب لهم مشاكل ولكن الله يعينكم  انت اذا بلغت في اخوك انها مسروقه راح يمسكونه وصعبه يمكن يلحقه محكوميه سرقة سيارة او من هذا القبيل ومشاكل و شرطه وووو الخ واذا طنشت وتقول اخويه ماابي يلحقه مشاكل وما ابي اورطه فأنت اللي تاكل الاقساط والمديونيه في ظهرك الحل كالاتي 
انك تترصد للسيارة والمفتاح الين تلاقي فرصه وتلقط المفتاح وتاخذ السيارة وتوديها في مكان مايتخيله ولا يعرف يوصل لها وتوقفها وتقفلها مزببوط وتروح للشركه وتشوف اش الاجراءات اذا لقيتها معقده مره حاول تعرضها للتنازل وتتحمل المتأخرات الله يعينك واذا لقيت شخص يتقبلها تخلص امورها سريع سريع وتبلغ اخوك انك.رجعت السيارة للشركه وتخليه يهجد وانت اعتبر هذا درس وتوبه لك وعسى الله ييسر امرك 

ياشباب ابي الموضوع نظامي انا ماهي اراء هل اذا بلغت الشركة بتفيدني وعلمتهم مكان السياره عشان لا تتراكم الاقساط وفعلا انا سويت له تفويض والمشكله الان الثاني ارسلوا لي رساله عشان يستلم التامين الجديد للسياره يعني هي بدون تامين حاليا 

ياعزيزي
تفاهم مع اخوك بكلام واضح
إما انه يسدد اللي عليه
او انك بتلغي التفويض وتعمم على السيارة انه ماسلمها
لك وهارب بها او سارقها او اللي يكون
هذا على فرض اذا انه ضارب بك عرض الحائط
وبيعرضك للغرامات والمخالفات والبلاوي

انت الان مسئول عن السيارة ماديا من ناحيه اقساط وخلافه
وراح تتسجل بسمه وتتعطل مصالحك

اما نظاميا فالسياره تحت استخدام اخوك وخارج مسئوليتك
بما إنك مسوي تفويض وساري مفعوله

لكن حقوقيا انت مطالب بكافه المبالغ والمستحقات

السياره اذا تاخرت عن ثلاثه اقساط متتاليه يرفعون عليها طلب 
واذا حصلوها في اي مكان يتم سحبها من قبل الشركه واما تسددوتاخذها او تروح عليك 
واذا ماعاد تبيها انت ولا فخل الشركه تسحبها والله يعوض عليك ويرزقك

ان كانك معاد تبيها خل الشركة يسحبونها وبلغهم بموقعها وان كانك بتكمل اقصاد السيارة رح الشركة وعطهم الموضوع وخذ اسبير وشف لك طريقة , مع احترامي لك ان كان اخوك مو مقدرك ولامحترم المرجله الي سويتها له بلغ بأن السيارة مسروقة ورفع البلاغ للشركة عشان يوقفون الأقساط

الله يعينك
خير تعمل شر تلقى

كان الله في عونــك