السلام عليكم تنبيه للإدارة بسبب إعلان

سبق ذكرت لكم قصة الرجل اللي راح يشتري من مزاد جموس شركات بحفر الباطن
وشاف واحد يعرفه شريطي.  مايشتري الا اللي ماشيه ٣٠٠ الف.  اللي ممشاها واجد ارخص طبعا
قال ليه يافلان.  قال حبيبي انزل العداد.  والمعها ب ٥٠٠.  وشف كم المكسب.     يعني ماشيه الطريقه
ومعروفه.   المشي الطبيعي كل سنه ٢٠ الي ٣٠ الف.     الا اذا سيارة سفريات.  
اذكر جمس عند مطوع.  شايب.  مهوب راعي غش.   ٩٦.  موديله.   ماشي ٨٥٠٠٠ 
وفعلا. مخليه للعمره والسفر.   وباقي السنه.  مسفطه في البايكه مافيه خدش
بااااعه ب ٣٥٠٠٠. ويستاهل اكثر.   وكاااله.   حتى المراتب جديده

صادق يادكتوراه وهذا اللي ابي اقوله لكن تعال فهم اللي فوق كأني قاصدهم بالإسم هههه

معروف أغلب الشعب إلا من رحم الله وخصوصاً الشباب لفلفة بالشوارع بسبب وبدون سبب
حتى لو كانت سيارة أبوه هذا غير اللي راجع لديرته من المدينة بشكل أسبوعي أو يومي
واللي موظف ونقلوه من من مدين لمدينة ثانية ولاتنسى انه البلد ماشاء الله تبارك الرحمن قارة

اذكر كان فيه لكزس LS430 موديل 2005 كانت معروضة للبيع بموقع حراج
ويقول راعيها مخزنة ونظيفة مرة ماسية 130 الف كم لما فحصها واحد شراي اكتشف انه عدادها منزل
واعترف راعيها انه ممشاها مو حقيقي لكن يقول مهو اللي نزل عدادها راعيها اللي قبله

حسب بحثي واطلاعي كل سيارة فيها كمبيوتر يوجد ذاكرة في العداد وذاكرة أساسية في كمبيوتر السيارة
لو نزلت العداد من الطبلون يبقى الممشى الحقيقي في ذاكرة الكمبيوتر

لكن مايكشفه إلا جهاز متخصص واحترافي لفحص الموتر
وعشان تعرف تخمينياً عدد السيارات المنزل عدادها

قريب من بيتي ورشة كبيرة ومتخصصة ومعروفة بتنزيل العداد بشارع الإسكان وقريبة من حراج السيارات
جيت بسأل العامل عندكم جهاز يكشف السيارات المنزل عدادها ؟ قال لا في تنزيل بس ههههههه

والناس ماسكين سرة عنده ،، يقول المثل : إذا عُرِفَ السبب بطل العجب

وحتى عندنا هنا عضو قدير هنا بالمنتدى وقابلته لقيته شرا هيونداي I10 قلت لو اخذت بقيمتها سيارة اكبر واكثر امان
قال مستحيل اشتري مستعمل وبصراحة ماينلام من كثر الغش

وفيه شخص مستلمني ديسلايك الظاهر اوجعته بالكلام لأنه عارف نفسه غشاش ومنزل عداد سيارته
اقوله مثل اعلان وليد الفراج >>الحقيقة بتوجع ههههه