أضف سؤال أو موضوع جديد          

انت تحدد اقتصاد وقود سيارتك

up 12 down 8



السلام عليكم ورحمه الله وبركاته 
الله يصبحكم/يمسيكم بالخير

مع ارتفاع اسعار البنزين قررت ان اقتصد في الوقود واجرب القياده مسافه طويله 
بسرعه محدده 
امس كنت مسافر من وادي الدواسر الى تهامه الباحه بكامري ٢٠١٦

اول شي عبيت فل واللمبه واللعه ب٦٩ ريال بنزين اخضر اول مره افلل مع ارتفاع البنزين توقعت بتاخذ اكثر
طلع لي في العداد ان السياره بتمشي بالتانكي ٥٣٥ كيلو
توكلت على الله ومشيت وثبت السرعه على ١٣٥ تقريبا علشان لمبه توفير الوقود ماتطفى 
ما تعديت السرعه الي محدده ابدا الين وصلت العقيق والباحه هديت السرعه الى ١٠٠/٩٠ علشان ساهر
خلاصه الموضوع بالسابق كنت ما اوصل منطقه اسمها جرب قبل العقيق ب٤٠ كيلو الا والسياره فاضيه لان كنت امشي بسرعات عاليه
اما امس وصلتني الى باب بيتنا ولله الحمد مسافه اكثر من ٥٩٠ كيلو كله بفضل وزن الدعسه وعدم السرعه الزايده







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بس المفترض تمشي اكثر من 535 بالخطوط ؟!


up 1 down 0



وعليكم السلام
حياك الله
لو دريت بتمر العقيق ماخليك تروح الا بعد مانقوم بالواجب
لاكن ابشر بالعوص
ثانيا انت متاكد عبيت ب69 للكامري 65 لتر
انا عبيتها قبل يومين بحول 85، ريال
اما الصرفية اشوف موتري صرفيتة اقل من موترك
يمشيني خطوط 750،كيلو بالراحة
مع ان موترك 4 سلندر وموتري 6سلندر



up 12 down 11
الرفاعي33 13818
قبل 11 شهر



حيا الله الرفاعي
تفرق وانا اخوك عدد السلندرات بالصرفيه
انت٦ومرتاحه المكينه بالخط واتوقع عدد النمر عندك اكثر لانها قير لكزس
ام صاحب الموضوع٤سلندر محشوره المكينه بالسراعات الي فوق ال١٠٠



up 8 down 2
d7ooom777 426
قبل 11 شهر



اما انك عبيتها٨٥ وهو اقل ٦٩ريال
ماعندي علم


up 1 down 2
d7ooom777 426
قبل 11 شهر



ابقاك الله يابعدي داري انها تفرق
بس حبيت المح من بعيد
فية ناس معها 6 سلندر ومن يوم سمع البنزين ارتفع
عرضها اليوم الثاني للبيع ويبي يفتك منها
مادرى ان بعض السيارات ال6سلندر من نفس فئة ال4 سلندر
صرفيتها اقل من ال4 سلندر بكثير


up 3 down 4
الرفاعي33 13818
قبل 11 شهر



اتفق مع يالرفاعي33
6 سلندر من نفس فئة 4 سلندر صرفيتها اقل في الخطوط الطويله فقط
ولكن داخل المدينه العكس صحيح وكلامي هذا من تجربه


up 4 down 3
ابوليان1431 360
قبل 11 شهر



الكامري  احمر عبيت 115   اخضر 80   85 


up 1 down 0
سمرمد 200
قبل 11 شهر



معاي فورد فيكتوريا 2011 عبيته مرة السنة الماضية في الصيف قبل الارتفاع عبيته كنت في الطايف وكتب لي في الشاشة التانكي يمشيك 834 كم ومن الطائف للقدية بتانكي واحد ماشالله الله اكبر والسرعة 110 طول الطريق تقريبا, اول امس عبيته فل كتب يمشيك 700 اللهم لك الحمد


يا عزيزي صاحب الموضوع تعبت وانا اقول قبل الارتفاع خففو السرعة ترى السرعة مابها خير وعينك ما تشوف الا النور ديسلاكات من كل حدب وصوب , للاسف جاء الوقت اللي غصب عليهم جماعة ابو صاجة يخففو من سرعاتهم او يحركو مخابيهم هم احرار بس ياريت لو انهم التزمو بانظمة المرور قبل الارتفاع في سعر البنزين


الرفاعي الله يكثر خيرك
انا توقعت اعبي ب٨٠ لاكن اول ماولعت اللمبه عبيت ٦٩ ريال المره الجايه بجرب لين تفضى واشوف كم


قبل شوي وصلت الخبر طالع من الرياض عبيت فل ب ٩٧ ريال ٩١ طلع حوالي ٧٠ لتر وهي فيها ٢٠ لتر من الاول الربع

ماشي ١٣٠ مثبت كل الخط سواهرررررر ماهدئت ابدددد ماتقدر تسرع ولا حتى كيلو سواهر تصور قدام وورا وسيارات مخفية وامن طريق طلعت عيوني لين وصلت 

عموما الصرفية الفل طلعلي٨٥٠ كيلو على سرعة ١٣٠ وصلت وفيه بين النصف وثلاث ارباع التانكي 


up 2 down 3
benz lover -81
قبل 11 شهر



الرجال حذف الاعلان


up 1 down 1
xya96ionyx 28
قبل 11 شهر