أضف سؤال أو موضوع جديد          

اقد اركب تبريد وتسخين المراتب؟

up 0 down 0
nizar 5023
قبل 11 شهر و أسبوع



السلام عليكم
سيارتي لانكروزر مقاعد جلد ، للاسف مافيها تبريد ولا تسخين ، ولكن الوارد مهيئ لها فتحات وكلش لتسخين والتبريد ، هل اقدر اركب عليهن تبريد وتسخين؟ واذا نعم ، وين اركبهن بالرياض؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تبي الشور والنصيحة مافيه ازين من الموتر بلد طبعاً بيجون ناس انت ماعليك والرجال هاوي وناوي ومدري ايش وسيارته وهو حر


فعلاً كلن حر بحلاله لكن فيه شي يدخل منطقي وشي غير منطقي


يعني بعض الترهيمات في السيارة مكلفة وغير مفيدة وفائدتها قليلة ويمكن اضرارها اكثر ومخاطرها اكبر


يعني لو تقول والله موتري استاندر بركب جنط فل مثلاً اتكلم بشكل عام لاي سيارة مافيه ضرر لأنه فك كفر وجنط وركب غيرهم وكفى الله المؤمنين القتال


لكن اشياء فيها ترهيم تفكيك تمديد هذي لو خربت عليك شي واحد لاقدر الله كرهتا الموتر بكبره والساعة اللي ركبتها فيها


وفوق كذا تكلفتها والفائدة ما تتجاوز 15%


يعني انا موتري تسخين تبريد والله العظيم نادر اشغله مهب اني ناسيه ولا ما اهتميت بالمواصفة لكن اعمل حسابها انها قد تضرني بعد


يعني التسخين الله يستر لو تخليها مدة تؤثر لاقدر الله على اعضائك التناسلية تكرمون ولا شي الواحد يحتاط


التبريد جيد نوعا ما بس المفترض ماتخليه يطول لأنه بيتعب ظهرك


يعني انا التسخين متى اشغله اذا المرتبة مثلجة مرة وانا مالبست زين شغلته شوي ونص بعد تدفى المرتبة اطفيه


التبريد بحكم اني اوقف في ظلال الحمدلله والموتر مظلل عازل ف نادر استخدمه وان استخدمته شغلته شوي تبرد المرتبة واطفي



يعني مهيب محتاج كل هالتضحية والترهيم


هذي وجهة نظري واحترم وجهة نظر البقية


وموفقين


up 5 down 3
a.ibrahem 3240
قبل 11 شهر و أسبوع



يارجال احسن ماتتخسر ذي الخساير كلها خلها للبنزين بس موترك يبيله ميزانية بلحالها الله يعينك 


up 0 down 0
benz lover -81
قبل 11 شهر و أسبوع



معاي سيارة تبريد وتسخين.. بصراحة نادر جدا استخدم التبريد وجوده كعدمه
ونظام التبريد هو اساسا سحب الهواء الي داخل السيارة وارجاعه عبر الفتحات الموجودة تحت جلد المرتبة
يعني اذا شغلت التبريد والمكيف طافي مابتستفيد من تبريد الكراسي
وبالنسبة للتسخين هي قطعه موجودة في نفس المرتبة تصير حارة اذا شغلتها
صدقني الموضوع مو مستاهل الخسارة
اهم الكماليات بالنسبة لي شاشة اندرويد وزنون ومراتب جلد وفتحة سقف وقير توماتيك ومثبت سرعة وجنوط.. اذا سيارتك بذي المواصفات راح تستمتع


up 1 down 0
saleh.as 36
قبل 11 شهر و أسبوع