اين اجد زيت قير تويوتا عادي

شوف اي سي دلكو تلاقي عندهم زيت للقير العادي قريب من اللزوجه المذكوره 80 90

وفيه زيت بشركه هوندا للقير العادي لكن لزوجته غير معروفه للاسف

فيه زيوت بالسوق من بالبيد وفوكس لكن ماانصحك تستعملها لانها تفرق باللزوجه عن الاصلي وبتواجه صعوبه بالتعشيق ايام البرد

شوف الموضوع هذا يفيدك

https://toyota.montada.haraj.com.sa/43393/%D8%AA%D8%AC%D8%B1%D8%A8%D8%AA%D9%8A-%D9%85%D8%B9-%D8%AA%D8%BA%D9%8A%D8%B1-%D8%B2%D9%8A%D8%AA-%D8%A7%D9%84%D9%82%D9%8A%D8%B1-%D8%A7%D9%84%D8%B9%D8%A7%D8%AF%D9%8A-/

زيت اي سي ديلكو او gmنفس المواصفات واطيب من زيتهم ركبة مع علبة معالج حتى على الدفرنس نفس الزيت العلبه ب50 ريال ويمشيك 80 الف بالراحة

حط زيت فوكس او بترومين gl4 90 ممتازة ورخيصة انا استخدمها 4 لتر العلبة 35 الى 45

مساء الخير للجميع
انا توي اشتريته لسيارتي هيونداي قير عادي من محلات بيع قطع الغيار في تبوك العلبه فيها لتر صناعته ياباني اصلي بقيمة 45 ريال ومتوفر

ونصيحه لك فرغ الزيت القديم وعبي الزيت الجديد بنفسك لأني رحت للبناشر وقال نعبيه عن طريق المزيته يفرغ زيته ويصب زيتك الجديد في المزيته حقته وبكذا ماستفدت شي لأن كمية الزيت اللي تحتاجه سيارتك قليل فبيختلط مع زيته المتبقي في المزيته .
انا يوم شفت الوضع كذا غيرته بنفسي عند البيت ولله الحمد .
فكيت الصره من تحت وجبت لي جالون مويه وقصيته وفرغت الزيت القديم وشديت الصره .
وجبت لي الشفط اللي له راس لونه أحمر تلقاه في محلات ابو ريالين وقمع صغير ونزعت اللي اللي يجيك فيه كسرات من اللي الأساسي وركبت طرفه في فتحة الصره والطرف الثاني ركبت عليه القمع وعبيت حتى طلع الزيت من الفتحه العلويه وشديت الصره وانتهيت وبكذا ضمنت اني استفدت من كل قطره من زيتي الاصلي الجديد ماختلط مع زيت البنشري لو أني عبيت عنده وسلامتكم جميعا .

والزيت القديم وديته للبنشري علشان يتخلص منه بطريقه نظاميه وحفاظا على البيئه .