أضف سؤال أو موضوع جديد          

فورشنير ديزل 2018 وش رايكم واقتراحاتكم

up 2 down 1
المحمد١ 67
قبل 5 شهر و أسبوع



السلام عليكم 

رايكم الان في سيارات الديزل من تويوتا
من الصيانة والقطع  والاستخدام

خصيصا
فورشنير ديزل





GX1 4X4 Diesel
بسعر 113,400
هذا سعره في الموقع


وش رايكم يا شباب

صلو على خير البرية محمد صل الله علية وسلم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليكم السلام بنظري غالي جدا ذا السعر على ٤ سلندر وماكينتهً D4D ماتنفع لجيب يلا توصل ١٠٠ حصان البنزين ٤ سلندر١٦٠ حصان ضعيفة مابالك بالديزل 

شوف الايسوزو mux جيب سعره معقول وديزل وعزمه ماعليه 


up 10 down 6
benz lover -117
قبل 5 شهر و أسبوع



بنزلوفر فيه تيربو
بالنسبه لسعره غالي بحكم متابعتي لاسعاره بالموقع
بالتحديد معرض الحسن واتوقع هذا انت الي شايفه
85الف بدون دبل
و95الف بدبل
بعدها ارتفع الدبل وصل اللى100الف
والان ماحاط سعر باعلانه شايفه امس
اتوقع انك كلمته بالخاص وقالك113الف
اشوفه غالي جدا ازيده عشر الاف اخذ برادو ديزل



up 4 down 2
d7ooom777 457
قبل 5 شهر و أسبوع



انا اذا صملت على الديزل مارح اتعدى اللاند كروزر V8 ديزل عزمه مجنون بالبر ولكن غالي للاسف


up 0 down 4
benz lover -117
قبل 5 شهر و أسبوع



الديزل راح يغلا قريب وأظنه مع بداية السنة القادمة، معلن هالشي في خطة التوازن المالي.


up 6 down 4
ابوريم2017 10
قبل 5 شهر و أسبوع



اتوقع بينزل برادو ديزل و لاندكروز هدد ديزل تيربو واحد مثل الشاص الديزل و يكون سعره معقول


up 0 down 1
1405-1985 1283
قبل 5 شهر و أسبوع



حياكم
انا شفت جدول لااسعار الوقود باالخليج 
اللي مستغرب من ان سعر لتر الديزل اغلا من البنزين
او حوله باالسعر 
بس مدري عن مصداقية هالجدول ياليت اللي من الاامارت يعطنا
الخبر او اللي زار الاامارات 


up 0 down 1
باترول 2020 2320
قبل 5 شهر و أسبوع



تسعيرة اللتر بالامارات اللتر بريالين


up 1 down 0
سرطوقا 74
قبل 5 شهر و أسبوع



تسعيرة لتر الديزل بعمان والامارات ريالين وثلاثين هلله  وهو اغلى من البنزين  


up 2 down 1
sam7srt 155
قبل 5 شهر و أسبوع



خذ كورولا ب 55000 ووفر 60 ألف للبنزين ، الي يريد الجيب يصبر على بنزينه


up 4 down 2
anosi 1158
قبل 5 شهر و أسبوع



الآن فيه ناس بحكم حالتهم المادية ما تسمح يشتري سيارة ديزل علشان يوفر بسعر الوقود .. صاروا يفكرون يغيرون مكاين سياراتهم 
ديزل .. اما بصراحة سعر فورتشنر ديزل 4 سلندر دبل فوق الـ 110 الآف ريال فاعتبره غبنه على هايلوكس مقفص .

سعره العادل ويكون في متناول الجميع من ٦٠ الى ٧٠ الف ريال ... غير كذا ضرب من الجنون .. وخير يا طير علشان غلاء البنزين 
يستغلونا ويعوضون من رفع الاسعار .. بأي قانون هذا .


up 2 down 1
nasser1430 856
قبل 5 شهر و أسبوع



والله انا اقول خذ اللي بدون دبل بنزين مثل ماقال الاخ بالرد الثاني بسعر ٨٥ الف

بدل ديزل ب١١٣ الف

وتوفر ٣٣ الف ريال

٣٣ الف تكفيك بنزين ٥ سنين قدام




up 3 down 1
ابوخالد1397 2419
قبل 5 شهر و أسبوع



باقي  ثلاث رفعات للوقود في السعودية  يعني السنة الجاية 19 وسنة 20 و21  لاتستعجلوون  


up 1 down 6
سالم السالم s 38
قبل 5 شهر و أسبوع



اذا كنت تتوقع انك راح توفر فأنت غلطااااااان

الديزل بيرتفع..وبيكون اغلى من البنزين..
مثل اسعار الامارات..الديزل اغلى من بنزين 95!!

اكتب بقوقل....اسعار بترول الامارات..يجيك اول خيار تشوف الاسعار

هذي نقطة

النقطة الثانية والمهمه...هل تعرف كم راح تدفع ع البنزين قبل وبعد الغلاء؟

لو معك كامري تمشي باللتر 15 كم

لو قلنا قطعة 300 الف كم

بالسعر القديم الي هو 0.75. بتدفع 15 الف
بالسعر العالمي الي هو ريالين للـ91 بتدفع 40 ألف

يعني الفرق 25 الف فقط لاغير

يعني خذلك سيارة موفره للبنزين...وقلل من مشاويرك...وامورك تمام ولا نكبر الموضوع زيادة

بالتوفيييييق


up 5 down 2
salih-m 362
قبل 5 شهر و أسبوع



شبعت  دسلايك  ياشباب  كثر الله خيركم كفيتوووو ووفيتوو ونا يوم اقول باقي  ثلاث رفعات للوقود بالسعودية ماصرف لكم من عندي كلام الحكومة ماهو كلامي


up 2 down 2
سالم السالم s 38
قبل 5 شهر و أسبوع



الديزل لو غلا اقتصادي


up 0 down 1
نواف الحربي4 340
قبل 5 شهر و أسبوع



لانه يمشيك حدود ١٠٠٠ كم اذا ما تسرع على ١٢٠ و اقل
لو يزيد يكون سعره بسعر بنزين ٩١ الان يبقى يطول بالمكينة

و الله يعين على هالسنتين الجايه ما في شي واضح نقدر نخطط عليه
اللي يشوف رفع الدعم يحسب كل الشعب ساكن بيوت ملك و وظايف حكوميه
و عيالهم كلهم ايفونات جديدة !!!!


up 1 down 0
1405-1985 1283
قبل 5 شهر و أسبوع



الله يهداكم كل مافتحت  المنتدي  طلع بوجهي  اشعارت دسلايك  تراني ماكفرت يوم قلت  قرارات الحكومة  ماهو قراري  الله المستعان علي ماتفعلون بي


up 2 down 0
سالم السالم s 38
قبل 5 شهر و أسبوع



المشكلة ان الديزل في المملكة غير نظيف ولايناسب السيارات الحديثة ، هذا كلام أرامكو وكفاءة الطاقة
وبالتالي فإن شراء سيارة ديزل قرار غير سليم لأن المبلغ الذي توفرة في الوقود ستصرف أضعافه على الصيانة .


up 0 down 0
مدرس 112 -7
قبل 5 شهر و أسبوع



نصيحة لا احد يشتري ديزل لانه بيرتفع سعره ووقتها دور احد يشتريه منك


up 0 down 0
الكاسر 1409 252
قبل 5 شهر و أسبوع



اخواني تعرفون كم تكلفة توضيب مكينة الديزل مقارنة مع البنزين؟
في احد عنده علم عن سعر طرمبة الديزل وخراباتها؟
في احد يعرف اسعار صفاية الديزل ومفروض تتغير كل كم كيلو؟
الديزل مو مووووووفر وعن تجربة
كان معي برادو ديزل موديل 2007 يوم جيت اوضب مكينته انصعت من المبلغ
ضعف تكلفة توضيب مكينة البنزين هذا غير دخانه الاسود وعزمه الضعيف مقارنة مع البنزين


up 0 down 0
asim1999 1
قبل 4 شهر و 2 أسبوع