هل توظيب كامري 2013 ناجح ام تغيره افضل

وعليكم السلام ورحمة الله وبركاته

كم ماشية السيارة؟

وايش سبب التخبيط؟

عموماً التغيير أفضل من الورش لأن الورش الصغيرة غير مضمونة والكبيرة أسعارها غالية فخذ مستخدم نظيف أحسن لك وربي يعوض عليك

الله يعافيك ابو عباده
ماشيه160 الف
ماغير زيت القير
وطلع بها ثقل بالتبديلات الاخيره
وكشف طلعت طنجره حسب كلام مهندس اصلاح تماتك
وغيروها وكاله ب3000
وكلفة اجمالي4000
ونفس المشكله
وقاله قيرك ممممخبط
ويكلفك 7000 غير اللي قرقشت قبل ونخصم شغل يد
هل هذا يعقل
طبعا الطنجره مغيره اجباري عطلانه
هل تغيره ناجح ام توظظظظظيب

إذا هذا حال الوكالة فالتغيير أفضل من اجتهادات الورش وأهم شيء تاخذ فاتورة مكتوب عليها الضمان

تغيرة وكالة انت سعرتة وكالة غالي بالحيل
والتوضيب مانصحك
شوفلك موتر مصدوم مامشى حتى لو قير 2015 نفسة يركب
لو موترك قديم قلتلك خذ مستورد
بس 2013 بتحصل نضيف تشليح مع الضمان
ولاهو بشرط تاخذ قير 2013
14و15 يركب نفسة

الله يكون بعونك وتتسهل لك انشالله

عليكم السلام ورحمة الله
سلامات يقول لك غير طنجره وتدفع قيمة طنجره وتخسر 
ومايظبط ويقول لك قيرك مخبط لو منك والله لادفعه ال ٤٠٠٠ 
ريال ريال وهو مايشوف قدامه ... 
واذا تبي تغير القير ركب الطنجره الجديده على القير اللي تبي تركبه 
لاياخذها التشليح مع القير الرجيع 

شف لك قير من التشليح مع الضمان ازين اهم شي الضمان اقل شي شهر
اخوي معه 2009 كامري خرب القير وغيره 3500 وضمان 40 يوم والحمد لله الحين له اكثر من 6 شهور ما اشتكئ منه

شف لك تشليح من موديل 2012 الى 2017 نفس القير والمكينه

اسأل قبل لتلافي الخساير

الله يعوضك

غير تشليح فقط ويفضل مستعما وارد وتحديدا اليابان

معي قريبي كامري 2013 وممشاه قريب من ممشاك وخبط القير

وغيره ب٣٥٠٠ مع الرجيع ضمان شهر او شهرين

والحمد لله اموره ماشيه تمام

أمير الأصيل ممكن ترد علي عندي نفس مشكلتك ؟

يعني تشتري قير افضل من التوظيب ؟؟؟؟؟؟