أضف سؤال أو موضوع جديد          

مكينة الكامري خبطت وش تنصحوني؟

up 5 down 0
abo_norh alotaibi 20
قبل 5 شهر و 2 أسبوع



السلام عليكم ورحمة الله وبركاته
يا اخوان مكينة الولد كامري ٢٠١١ خبطت وتوضيبها غالي وش تنصحوني ي اهل الرياض اشتري مكينه من التشاليح ولا ادور مكينة يابانيه مستورده 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياباني مستورد احسن و لا تنسى الضمان


up 4 down 0
bindakheel 902
قبل 5 شهر و 2 أسبوع



قريت موضوع طرحة الاخ (ابو حسين..........) كاتب ان المستورد عزمه ضعيف بسبب الحكومة تبي تقلل الانبعاثات في اليابان ولازم تتأكد من حجم المكينة مطابق او لا
ما ادري عن صحة الموضوع لكن ابحث وتأكد

https://nissan.montada.haraj.com.sa/78301/%D9%88%D8%A3%D8%AE%D9%8A%D8%B1%D8%A7-%D8%AA%D9%85-%D9%85%D8%B9%D8%B1%D9%81%D8%A9-%D8%A7%D9%84%D8%B3%D8%A8%D8%A8/


up 0 down 2
its_o_o 270
قبل 5 شهر و 2 أسبوع



كم اسعارها يابن دخيل ووين احصلها بتشاليح الحاير ولا الصناعيه القديمه


up 1 down 0
abo_norh alotaibi 20
قبل 5 شهر و 2 أسبوع



خذ العلم

مكينة مستورد..اهم شي تأكد انها وارد اليابان..وليس استرالي او امريكا

وسعرها من 3500 الى 5000...

نقطة مهمه جدا...قوله البلوف
واذا قال مايحتاج...خله يعطيك ضمان 3 شهور ع البلوف

لان البلوف مع النقل والاجواء تقل كفائتها...وبعد ممشى 5 الاف اذا شغلت السيارة تدخن شوي وتروح الدخنه

طبعا هذا حصل معي...والان المكينة لها سنة...لانقص ولا حرارة..بس تدخن او ما اشغل السيارة..خاصه اذا كانت واقفه 10 ساعات وفوق..تدخن ثواني وتروح

الزبدة...المستورد ولاتفكر بغييييره....


up 1 down 5
salih-m 362
قبل 5 شهر و 2 أسبوع



قوله يغير البلوف*


up 1 down 2
salih-m 362
قبل 5 شهر و 2 أسبوع



تلافيها بالصناعيه ماعليك من الكلام الفاصي انها قليلة العزم
اسأل مجرب بأكثر من سيارة
المستورد عزمه تمام و منشى قليل بحكم اليابان استخدام محدود
عشان البيئة

كل المكاين اللي ركبناها شغاله الحمد لله و مضبوطه


up 3 down 2
زاهد الاحمدي 372
قبل 5 شهر و 2 أسبوع



و بعد اذنك يا صالح تركبها مثل ماهي احسن لا تبدل بلوفها


up 2 down 0
زاهد الاحمدي 372
قبل 5 شهر و 2 أسبوع



ماقصرتي ياجماعه الله يجزاكم خير بس هل ياخذون الرجيع ينقصون في القيمه او وش وضعهم وياليت لو توصفون لي مكانهم بالتفصيل لاني برا الرياض وبجي بكره ان شاء الله 


up 1 down 0
abo_norh alotaibi 20
قبل 5 شهر و 2 أسبوع



ماقصرتوا يالربع*


up 1 down 0
abo_norh alotaibi 20
قبل 5 شهر و 2 أسبوع



الرياض ماعندي علم بس يخصموا لك قيمة الرجيع و انا انصحك بالمستورد


up 2 down 0
mustafa77 6103 291
قبل 5 شهر و 2 أسبوع



سلام عليكم ياخوي نصيحه وظبوها لو بمليون لان المستورد موضب يعني مفكوكه ثاني شي كيف تشتري مكينة ماتدري ايش القطع الداخليه يمكن يعطيك ضمان شهر  وبعد شهر تصلب وبكذا حطيت فيها دبل التوظيب 
التوظيب تنساها 4 سنوات 
المستورد توقع باي لحظه تفرط عليك الخيار بين يديك 


up 0 down 4
نواف الحربي4 340
قبل 5 شهر و 2 أسبوع



لا توضب ابدا للاسباب التاليه:
قطع توضيب المكينة الاصليه غالية جدا. 
شغل اليد غالي. 
قليل جدا اللي يظبط التوظيب . و حتى اللي يظبط التوظيب
مايظبطه 100%.
اي خطأ في التوظيب بيدخلك في مشاكل مستقبلا. و صعب تعديله.  
احتمال زيادة صرفية البترول . 
التوضيب ياخذ وقت طويل عند الميكانيكي. 

المستورد افضل للاسباب التاليه:
يوم بالكثير و المكينة راكبة عندك. و التركيب يكلف 500 ريال. 
السعر افضل. 
ضمان في الغالب لمدة شهر اي مشكلة سواء حرارة و دخان او اي ملاحظة 
بيغروها لك بثانيه بدون اي كلام. 
المكينة تكون في الغالب ماشية قليل و لا قد انفكت من قبل. 

اهم شيء في المكينة المستورده انك تتاكد من :
انها ما انفكت ابدا و بكذا تضمن انها غير موضبه من قبل. 
و اهم شيء انك تتاكد من حجم المكينة بمعنى كم CC . اذا حجم مكينتك 
مثلا 2500  لا تاخذ مكينة حجمها 2000 حتى لا يفرق العزم. 


up 4 down 1
amer ahmed 356
قبل 5 شهر و أسبوع



ركبت سابقا 3 مكاين استيراد اليابان

كامري 2000 قبل 4 سنوات للان تعمل
وكان سعرها مع التركيب 3000 الاف ريال
طبعا مكينه 2000 سي سي


وركبت مكينه لكامري 2004 ولان تعمل
ركبتها بشهر 8 من عام 2013
وللان تعمل والزيت يغير كل 10 الاف لانقص ولا تبخير
وايامهاوكانت غاليه ب 6500

وايضا ركبت مكينه لكامري 2007
ب 4500
ولها الان فوق سنتين





لذلك ركب مكينه استيراد اليابان
واذا انت حاط السياره بورشه
ورحت لمحلات المكاين والقيور الوارد
قلهم موترك 2007 ولا تقول 2011
بيرفعون السعر عليك

ن
مكينه الكامري من 2003 الى 2011 واحده
يجيهم زبون معه 2003 يقولون كمثال ب 4 الاف
وزبون معه 2011 يقولون ب 5500

لذلك انتبه لذي النقطه


up 5 down 2
مدرس عاطل 28
قبل 5 شهر و أسبوع



اشكركم جميعا ماقصرتو ابشركم اشتريت مكينه ياباني ب ٣٣٠٠ وعطاني ضمان شهرين والله يعطينا من خيرها ويكفينا شرها


up 1 down 0
abo_norh alotaibi 20
قبل 5 شهر و أسبوع



انتبه غير الزيت فقط الى 5w30
وبتعمر معك
وكل 10 الاف التغيير


up 0 down 0
مدرس عاطل 28
قبل 5 شهر و أسبوع