أضف سؤال أو موضوع جديد          

نصيحة في سيارة بمبلغ 15 الف ريال

up 0 down 0
king.king 732
قبل 2 أسبوع و 5 يوم



السلام عليكم ورحمة الله وبركاته

لدي صديق ويرغب في سيارة بمبلغ 15 الف

هو ميزانيته 17 كحد أقصى الالفين هذي يقول للتأمين ونقل الملكية

يعني صافي المبلغ 15 ما يقدر يزودها اكثر من كدا..

وش الخيارات المناسبة له.. السيارة اللي يبغاها تكون صغيرة اقتصادية في البنزين

وسهلة الصيانة..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا تبعد عن الاكسنت واليارس واستخير قبل كل شيء


up 6 down 0
yahya alajlani 402
قبل 2 أسبوع و 5 يوم



طيب اليارس والاكسنت وش الموديلات اللي ممكن يحصلها بالسعر هذا


up 0 down 0
king.king 732
قبل 2 أسبوع و 5 يوم



معي يارس ٢٠٠٨ وبقولك تجربتي معاها 

اول شي لها ماشاء الله ١٢ سنه وممشاها ١٣٠ الف 

ولله الحمد ماشاء الله ماقد اخترب فيها شي فقط اشيا استهلاكيه 
بالنسبه للتوفير السياره قمه فالتوفير يشهد الله احيانا اعبيها ب ١٠ 
تضل اسبوع انصح بها جدا صبوره 
اما عيوبها اشوف فيها عيب واحد وهي اصوات الديكور (الهربده) 

وتحصل ب ذا المبلغ انضف يارس من 2007-2013 


up 1 down 1
محمد الوايلي 711 138
قبل 2 أسبوع و 4 يوم



النترا 2009 _ 2011 فل كامل مكينه 2.000

او سوناتا 2010 _ 2012 سياحي مكينة 2.400


up 1 down 1
ابو بدر للتقسيط 40
قبل 2 أسبوع و 4 يوم



زميلي في العمل اشترا النترا 2013 مكينة 2000 نص فل ب 16800 شامل النقل والتامين
الان له 6 شهور جدا ممتازة واقتصادية وشهريا يسافر فيها مرتين او 3 مرات والفل حقها تقريبا م يتعدى 30 ريال و يمشي 490 كيلو


up 2 down 0
its_o_o 234
قبل 2 أسبوع و 4 يوم



أنصحك باليارس تحصل بالبلغ اللي معاك موديل ٢٠١٢ او ٢٠١٣ نظيفة

مع واحد من الشباب ٢٠١٠ اخذها ب ١٣ الف قبل اكثر من سنة وكان يسافر عليها من المدينة الى الدمام والان من المدينة الى تبوك بحكم عمله وماشاء الله صبورة جدا


up 1 down 1
دكتوراه في الحب 259
قبل 2 أسبوع و 4 يوم



لو أنا مكان صديقك ماراح افكر بالسيارات الصغار نهائياً أمثال اليارس والاكسنت
صحيح سيارات صبورة واقتصادية لكن لاعزم ولاسلامة ولا حتى متعة قيادة وراحة

ولا سمح الله صدمتك سيارة عادية من فئة الكامري والأكورد صارت سيارتك عجينة

كمثال لا الحصر شوف كيف صارت اليارس بعد التصادم مع كامري وهن كلهن من شركة وحدة

https://www.youtube.com/watch?v=UaSrxIzPJd0

خلاصة الكلام تقدر تدور على سيارة أعلى فئة حتى لو بدرجة مثل الكورولا والالنترا والسيفيك بنفس السعر
اللهم يكون الموديل أقدم بسنة أو سنتين

لكن عليك بالنظيف مثل مهو متواجد المدمور بتلقى النظيف لكن الواحد يتعب شوي

وبالتوفيق




up 3 down 2
nader2002 1499
قبل 2 أسبوع و 4 يوم



والأهم طبعاً سلامتك انت ومن معك قبل سلامة السيارة


up 2 down 1
nader2002 1499
قبل 2 أسبوع و 4 يوم



ارشح لك التيما او اكورد ممكن مازدا 6 موديلات شوي قديمه
و اذا بتشوف سيارات اصغر و اجدد كل واحد و احتياجاته
المهم موتر تجديده متوفر و صيانته سهلة
و السوق واقف حصلت كورولا ٢٠١٣ ب١٥ بس مدري عن حالتها


up 2 down 2
1405-1985 1279
قبل 2 أسبوع و 4 يوم



بيض الله وجيهكم.. معظم الخيارات ترشح اليارس.. راح اطرح عليه الخيارات الموجودة وهو مو راعي خطوط كل استخدامه داخل المدينة

+1 للجميع


up 0 down 0
king.king 732
قبل 2 أسبوع و 4 يوم



انا انصحك بالاكسنت. بتحصل اكسنت 15 14 بالسعر هذا ورده ...

والله يوفقك ويرزقك ويفتح لك ابواب رزقه انت والمسلمين وتاخذ الوكاله حقت هونداي بس انتبه تصير مثل ابوجميل


up 5 down 0
كحيلان طال عمره 259
قبل 2 أسبوع و 4 يوم



اكورد ٢٠٠٤ ولا غيروو


up 1 down 3
nader_master -1
قبل 2 أسبوع و 4 يوم



كورلا 2007 جدأ ممتازه


up 1 down 0
ss0007 10
قبل 2 أسبوع و 3 يوم



يارس ٢٠١٠ مع اخوي ماشاء الله عمليه جدا خذاها قبل سنه ب ١٤ الف انصحك بها


up 0 down 0
يوسف 7001 60
قبل 2 أسبوع و 3 يوم