أضف سؤال أو موضوع جديد          

تجربة ضمان تويوتا الخليجي عند ابوجميل 0موضوع للافاده0

up 9 down 4
كحيلان طال عمره 283
قبل 5 شهر و 3 أسبوع



السلام عليكم

موضوعي اليوم هو السيارات الخليجية البريمي والفطيمي على وجهه الخصوص
نمتلك جكسار 17 فطيمي فل كامل شاشات خلفيه 4 كاميرات
خربت الكاميره الاماميه فجاه

مريت ابوجميل . قال ياهلا ومرحباء ومسهله ويالله حيه ومن هالكلام وبالاخير قال ماسويها لك؟

ياولد تعوذ من ابليس؟ قال ماسويه لك ضماني على مكينة قير ديفرنس ظفيره فقط ..
ياخوك تعوذ من الشيطان سوها لو بفلوسي ؟ قال ابشر على خشمي طقم كاميرات لكزس كامل+سستم =11الفف
وترى . ماقلتلك هات صيانات الموتر ؟ قلت 11 الف القح بها الجيب تفرخلي يارس

طيب والضمان والخرابيط . قال اذ هو فكساراو لكزس ومعه شهاده من وكيله اسويها لك اما جكساروالسيارات الباقيه لوتعلق
مدير تويوتا برقبتك ماسويته لنه اكسسوارات الوكيل ..تبي تسويه ببلاش دق سلف وشدحيلك على وكيل الامارات
وبندق عليه نتوسطلك

قلت هين اوريك والله لاسوي وافعل واقفل واشهره واطالب . شادن ظهري بوزارة التجاره . دقيت علمتهم المشكلة
قالو اكسسوارات مايضمنه لك الا اذ من مصنعها وفيه مايثبت ذالك. قلت افا وهياطي عليهم قال مشكلتك

المهم رحت احك خشمي وتعوذت من ابليس.ومريت الغرابي ركبت كامير امامية جديده بي 450ضمان سنة

يعني ضمان ابولطيف3سنوات على قير مكينة دفرنس ظفيره . يعني التصريفه جاهزه سو استخدام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت زين معك كتيب ضمان جاي مع السياره يضمن فيها المكينه واشياء كثيره بستثناء الاكسسوارات غيرك شرا سياره خليجيه بدون مايجي فيها كتيب ضمان وبلش فيها


up 1 down 0
Pro rare 438
قبل 5 شهر و 3 أسبوع



يب صحيح الضمان على القير والمكينه والكهرباء بس لانه خليجي


up 1 down 0
صاحب الاوريون 2017 110
قبل 5 شهر و 3 أسبوع



نعم الضمان على القير والمكينه
لان الموردين الخليجيين ومعهم عبد اللطيف جميل
الجي اكس ار خاصة يكون اكسسواراته من الوكيل نفسه
يعني صيني مشي حالك



up 0 down 0
البراق15 1689
قبل 5 شهر و 3 أسبوع



ضمان بس على المكينه والقير والدفرنس واذا خربت قالو
سوء الاستعمال


up 1 down 0
ابو بدر للتقسيط 33
قبل 5 شهر و 3 أسبوع



حجة وزارة ااتجارة ماعاد تفيد مع الوكلاء اللي هنا ظبطو امورهم وحمو انفسهم الله يخارجنا بس


up 0 down 1
benz lover -117
قبل 5 شهر و 3 أسبوع



نفس كلامه ايام ما طلعت الهايلوكس حقتي 2016. مشت 5000. وجيتهم. قال ندخلها الضمان. قلت وش يشمل

قالي القير والمكينه والدفرنس والكمبروسر قلت مع السلامة



up 0 down 1
جاي امس 417
قبل 5 شهر و 3 أسبوع