أضف سؤال أو موضوع جديد          

قطعة اشارة وابي اسال

up 1 down 2
moath 5997 18
قبل 3 شهر و 4 أسبوع



انا يالربع قطعة اشارة ومسكن دوريه كان عند الاشارة اشر لي وانا نزلت ورحت للخياط يوم رجعت لقيت عند موتري دوريه واشحذه وقال خلاص بنزل اكلمه وراح ورجع وقال خلاص مافيه مخالفه بس انا شاك احسه مدري موب صادق لكن السوال هل يقدر يعطيني مخالفة بدون استمارة لانها موب معي عطيته بطاقتي بس فهل يقدر يعطيني مخالفة على اللوحه مثلا؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


دامك عطيتة البطاقة
ممكن عطاك على السجل المدني
لاكن تفائل وان شاءالله يكون صادق معك
واذا انزلت الله يعينك 3000 الحد الادني
والحد.الاعلى 5000


up 2 down 1
الرفاعي33 13774
قبل 3 شهر و 4 أسبوع



لاهين اما البطاقة ماسجل عليها شي انا متاكد ١٠٠٪؜ بس اخاف قبل لا اجي سجل شي على اللوحة


up 1 down 4
moath 5997 18
قبل 3 شهر و 4 أسبوع



يقدر يسجل المخالفة باللوحة
ويقدر بالسجل المدني
عاد انت وحظك ممكن صادق وممكن يبي يفتك
عشان تمشي ويمشي هو مايصير مفاوضات


up 0 down 1
الرفاعي33 13774
قبل 3 شهر و 4 أسبوع



ايييه .. انا بعض الاحيان اقول لو انه معطيني مخالفة ليه طلب البطاقة والاستمارة وعقب نزل كلم خويه اللي وقفن ومشاني وقال لاتعيده


up 2 down 1
moath 5997 18
قبل 3 شهر و 4 أسبوع



نزل كلم خويه قال ابحاول فيه عشان يمشيك .. والله اني شايل هم ٣٠٠٠ موب هينه


up 1 down 0
moath 5997 18
قبل 3 شهر و 4 أسبوع



يقدر يعطيك مخالفه ع الوحه فقط

اكثر المخالفات حالياً

ع تصوير الوحه فقط

صارتلي قبل موقف بموقف غلط وانا بسياره ما نزلت كنت انتظر واحد

والله اني شايف المرور السري وراي بس ما دريت انه مرور

كنت مستغرب وش عنده ذا ملحم بسيارتي

ما كلف ع نفسه ونزل

طق الوحه بصوره

ربع ثلث ساعه وجاتني رساله بمخالفة اني موقف غلط






up 3 down 0
3abdulrahman 35
قبل 3 شهر و 4 أسبوع



انا قصدي لو عطاني مخالفة على اللوحه كان ماشي مايحتاج ياخذ اوراقي بس هو خذاها وقلت مامعي استمارة وحاولت فيه لين نزل وكلم خويه اللي مسكني ومشاني مدري يصرفن ولاصادق


up 0 down 0
moath 5997 18
قبل 3 شهر و 4 أسبوع



يعني والله ما دري وش أقولك يا معاذ
انت عارف انك قاطع إشارة وتعرف أن المخالفة ب3000 واشر لك العسكري وسحبت عليه ورحت الخياط
ولا تبي مخالفة !!

لكن نقول ان شاء الله ما تنزل وان شاء الله يكون درس لك


up 2 down 0
فورد530 1252
قبل 3 شهر و 4 أسبوع



مصيبة تقطع اشارة عيني عينك !!!


up 1 down 2
benz lover -112
قبل 3 شهر و 4 أسبوع



ليه أغلبهم يقطع الاشاره ولا كأنه سو شي قطع الاشاره جريمه المفروض مايتركون الي يقطع كم من ناس أبرياء راحو فيها بسبب واحد متهور بيلحق مطعم ولا سباق ولا إلخ... الله يهديك ياخوي انتبه تقطع اشاره لو انا العسكري ماترك الي يقطع اشاره ابدا ممكن يتغاظى عن الحزام أو التظليل لكن سرعه جنونيه أو قطع اشاره!

أن شاء الله ماعطاك مخالفه واعتبره درس لك وموفقين جميعا


up 4 down 0
صاحب الاوريون 2017 103
قبل 3 شهر و 4 أسبوع



بيعطيك غرامه ٣٠٠٠.  مهوب فاضي.  عجل.صور اللوحه
انا ذاك اليوم قعدت اضحك. واحد مسفط خطا.  عند بوقية عمر.  معروفه
المهم المرور واقف.     وطلع راعي السياره.  قبل لايركب.  يأشر للعسكري يقول لاتصور
فطول ماركب.  يراقب العسكري    والعسكري قدصور وخلص بس يبيه يمشي
طيب.   انا ملبق زين وجاي بكل ثقه ومنشط دورتي الدمويه
ولاعلي منه.     انت لاتحتاج لأحد ولاتشحذ احد.  ولاتترجى.  امشي عدل يحتار المرور فيك
مدري وش اقول لك.  اقول تستاهل وانا مدريعن ظروفك صعبه وصعبه اشجعك تقطع الاشارات
بس ٣٠٠٠ ولاحادث قوي يكلفك اما حياتك وحياة اخرين
او تخيل صافق في لكسز. اخر موديل طبعا تأمين مايشمل قطع اشاره
يعني مصايب اخف من مصايب لاعاد تعودها


up 3 down 1
عبدالله الشفيعي 1450
قبل 3 شهر و 4 أسبوع



صحيح حالياً المخالفه تجيك على اللوحه بدون لا يوقفك او يكلمه يصور وهو ماشي حصلت لي مخالفه وقوف خاطئ محد كلمني او وقفني صور ومشى


up 0 down 0
car.10 207
قبل 3 شهر و 4 أسبوع



تقريباً صار لي نفس موقفك والعسكري قال لي انه غلطان يبي يعطي المخالفة غيري .. نفس موتري ونفس الموديل واللون 
وآخرتها ما دريت الا المخالفة متربعه في حسابي تقول ( سدد الله لا يهينك ) .. عاد انت اضرب حسابك بـ ٣٠٠٠ ريال 
وممكن تزود لعدم وقوفك للعسكري يعنس توقع انها توصل الى ٥٠٠٠ ريال هروب وتوقيفك ممكن ٢٤ ساعة وحجز مركبة 


up 0 down 1
nasser1430 838
قبل 3 شهر و 3 أسبوع



اقول قاطع إشارة وشارد عن العسكر وماتبي المخالفة عني ماتنزل عن 5 آلاف الله يعينك ولا عاد تقطع اشارة


up 0 down 0
نواف الحربي4 432
قبل 3 شهر و 3 أسبوع