أضف سؤال أو موضوع جديد          

زنون الG5 والعضو فؤاد

up 9 down 7



السلام عليكم ورحمة الله وبركاتة
مساء الخير عليكم اعضاء منتدى حراج
اليوم ياخوان جايب موضوع
اقدم فية شكر للاخ العضو فؤاد
والشكر واصل لكم جميعا على ماتقدمون علية من فعل الخير ومساعدة اخوانكم الزوار في منتدى حراج
من حلول واستشارات وجميع مايتعلق بمشاكل السيارات
المهم ياخوان بداية ......

اخونا فؤاد ماقصر معي من ناحية الزنون
خرب عندي الزنون قبل شهر في الواطي
جلست الشمعه ترمش اسبوع وبعدها طفت
كنت افكر الخراب من نفس محول الزنون
ولاكن طلعت الشمعه محروقة
واستعجلت وركبت طقم جديد محولات + لمبات
ولاكن ماعلينا بستفيد من المحولات القديمة
المهم اتجهت لمحلات الزينة بالباحه
ماحصلت زنون نفس القديم الي هو X55
ولمبات ياكي
بحثت في موقع حراج طلع زنون X55
مقطووع من السوق بتاتا البتة
ذكرت ان الاخ فؤاد مختص في الزنون وعارف البير وغطاها ..

فكلمتة ويعلم الله ماقصر الرجال ابن حلال
ويهتم ويقدملك نصايح ويعطيك الافضل
ولاهمته الفلوس
همة تمشي من عندة وانت مبسوط ويعطيك ظمان
يعني شغلة للامانة لايعلى علية
نصحني بلمبات ياكي لوون 5500
ومحولات G5 خفيفة على الكهرب
وتحمية سريعة وممتازة لها شهر الان
انا يعلم الله ماسوق بضاعتة ولا يحتاج تسويق
لانة معروف بالسوق وشغلة ماشي
وبعد مقارنة اسعارة مع اسعار غيرة
فرق بينة وبين السوق اقل شي 80 ريال
توجهت لجدة عندي شغلة وقابلتة مع انة كان مشغول
ترك اشغالة ولا قصر وجاني وسلمني الطقم
الى الان الطقم ممتاز ولا فية اي مشكلة من ناحية الكهرب او يرمش او اضائتة سيئة
تقدر تقول انها افضل المحولات بالسوق الان•••••

فاالي ناوي يركب زنون او عدسات او لمبات
علية بالاخ فؤاد ولا بيقصر مع جميع اعضاء المنتدى
يستاهل الشكر والتقدير والاحترام
ولي الشرف بمعرفتة ومعرفة الطيبين شرواكم
وموفقين جميعا.

اخوكم/* الرفاعي33







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام و الرحمة
مساك الله بكل خير انت و فؤاد و بقية أعضاء المنتدى

الله يبارك لكم الاثنين و ان شاء الله كثير اللي بيستفيدون من تجربة الزنون
و يا ليت تتفعل امكانية تنزيل الصور بالمنتدى
الوضع هادي الفتره هذي خرب علينا كلنا اللي حاول يشوه سمعة صاحب الموقع



up 3 down 0
أبو نجوى 2446
قبل سنه



الشهادة فيه مجروحه

قد اخذت منه لمبات ياكي لمحولاات الهيلا القديمة

يعلم الله صبرت معي لين بعت السيارة 

ماشاءالله لمباته ممتازه جدا




up 2 down 0
coco13 832
قبل سنه



بيض الله وجهك. ماقصرت اخوي الرفاعي والله يسعدك ان شاءالله
و جزاك الله خير اخ ،coco13


up 6 down 4
fowad 129
قبل سنه



تحمست اركب زنون هههههه
بس ليت تعطينا الاسعار التقريبيه
بغض النظر عن نوع السياره وبدون التركيب
واذا السياره عواكس لازم توليف عدسات ولا مايحتاج


up 1 down 1
d7ooom777 421
قبل سنه



حياكم جميعا
السعر كامل الطقم اخذته ب330
عند غيرة يبيعونة فوق ال400
بالنسبة للعواكس والعدسات يفيدك فيها اخونا فؤاد
واي احد يبي شي هاذا رقمة ابد قولة جايك من المنتدى
ولا بيقصر مع احد 0571053098


up 2 down 4



والله سعر طيب توقعته من٨٠٠الى الف ريال عشان كذا شايل الفكره من راسي
ان شاءالله اتواصل معه اذا فضيت


up 0 down 2
d7ooom777 421
قبل سنه



ياليت الاخ فؤاد يقول افضل زنون للاسكاليد.         اوسرام.   او فيلبس.         او اي نوع. بدون محولات لمبات بس


ماشاء الله تبارك الله توني ادري ان الرجال يشتغل بالزينون منحتاجه اكيد ماقصرت ياحبيبنا 


up 2 down 5
benz lover -82
قبل سنه



هلا ب عبدالله ان شاءالله يفيدك الاخ فؤاد
ابو لوفر حياك ياغالي الرجال شغال له سنتين
ونزل موضوع قبل سنتين اول مابدأ في الشغلة
وماشاءالله علية ابدع في الشغلة
وقدر يحصل على تقييمات تجاوزت ال50 تقييم
وشغلة مو بس زنون حتى العدسات وتركيبها يبدع فيها
طموح الله يرزقه وصار مشهور لدرجة كلمت ناس في الرياض
تعاملوا معه وهو في جدة


up 2 down 7



فؤاد من الشباب العصاميين الله يرزقه يستاهل كل خير
و كل واحد على نيته الطيبه يلقى توافيقه



up 3 down 1
1405-1985 1269
قبل سنه



هلا اخوي عبدالله بالنسبة لي. حاليا ابيع لمبات ياكي فقط
لايوجد لدي اوسرام او فليبس. سعرها غالي و بدون ضمان و جودة الياكي مثل الاصلي
ف افضل ابيع الياكي
و جزاكم الله الف خير


up 3 down 3
fowad 129
قبل سنه



عندي لمبات زنون الي يسموها النسخ مدري احد سمع عنها

المهم واحد منها يطفي اكون في الخط وفجاة يطفي اطفي النور واشغله يرجع يشتغل

هل المشكله منه ؟
علما المحولات دينسو الفضية والظفير تمام مافي مشكلة

لها الان 4 سنوات ع السيارة تقريبا هل من الممكن تكون خلاص لازم اغير شمعات غيرها
المحول معزول تمام وما اضن المشكلة فيه
اللمبات الي عندي 5500كلفن




up 1 down 1
honda 2014 372
قبل سنه



اخوي اذا تبي تعرف المشكلة من الشمعة او المحول
فك الشمعه الخربانة او شمعة الجهة الطافية
وركبها على محول الجهة الشغالة
اذا اشتغلت معناتة المحول خربان
واذا زي ماهي طافية معناتة الشمعة محروقة


up 2 down 1