أضف سؤال أو موضوع جديد          

شرا سياره الان ولا بعد 2018

up 2 down 1



السلام عليكم ورحمة الله

اخواني انا مقبل على شراء سياره

ومتردد اشتري الان ولا انتظر حول الشهر في ناس

يقولون تبي تنزل الاسعار

طبعا مستعمل بحول 50 الف




وشاكر ومقدر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


على حسب الي تبيها اذا 4 سلندر فالان هذا الاسبوع اخر اسبوع افضل وقت للشراء اما 8 و6 سلندر فبعد شهر افضل


up 3 down 1
Pro rare 438
قبل 6 شهر



هايلكس دبل الي ابي


up 0 down 0



هايلكس تشتريه الحين افضل لان ماظن بينزل سعره الى شوي غير ان سعر التامين بيرتفع 5 % والمكاتبه في المعرض يمكن فيها زياده


up 1 down 1
Pro rare 438
قبل 6 شهر



النزول ياخذ اكثر من شهر شهرين الى٣اشهر
ماهو بسهوله تنزل الاسعار
يوم يرتفع البنزين قبل سنتين مانزلت السيارات
نزول فعلي الابعد٣شهور وفي ناس هونت تبيع

ياانك تنتظر٣اشهر بعد رفع البنزين
او اشتر من الان
ودام فلوسك جاهزه ومبلغ زين وبتاخذ مستعمل لاتتردد انزل ودور السياره المناسبه
اذا تأجير تمليك او وكاله اصفار اقولك اصبر عشان العروض


up 0 down 0
d7ooom777 458
قبل 6 شهر



الحياه صعبه..
انا اخاف ترتفع اسعار السيارات خصوصا المستخدم
لأن الجديد بيطبقون عليه ضريبة القيمه المضافه..بالتالي الناس
ما راح تقدر على قيمة الجديد مع ضريبته

حتى المستخدم اللي واقف في المعارض عليه ضريبه..
الله يستر بس لا يطلعون قيمة الضريبه اضعاف مضاعفه من جيوبنا.


up 1 down 0
sultan-07 2431
قبل 6 شهر



اذا يهمك صرفية البانزين 
ترا الهايلكس من موديل ١٦ يصرف بانزين
اكثر من ال ٨ سلندر 
واغلب الناس ماخذين فكره ان ال ٤ سلندر مايصرف نفس ال ٨ سلندر
واصلا بعض السيارات ال ٨ سلندر صرفيتها اقل من سيارات ٤ سلندر 
مثال الجموس الجديده وغيرها


up 4 down 1
w.asa 2044
قبل 6 شهر



في ٢٠١٨ راح تدفع ٥٪؜ اذا جديدة 


up 1 down 0
ipiwrtusol 114
قبل 6 شهر



أشتر وانا اخوك ولا تتردد والمستعمل ماهو نفس الجديد واسعاره متفاوتة والهايلوكس ماراح ينزل سعره
الافضل انك تدور على مهلك واذا ليقت السيارة المناسبة اشتر وانت وشطارتك وصبرك دور اللي يبي يبيع وابعد عن الشريطية وعن المعارض وبتحصل سعر كويس بإذن الله

لو تبي فورد 8 سلندر او جمس او ماشابه قلت لك انتظر ولكن الهايلوكس ماراح ينقص سعره مع العلم انه يشرب البنزين شرب لكن الهايلوكس استثنائي بثبات السعر 

اذكر عام 2015 كان معي هايلوكس 2013 قير أتوماتيك عايدي ماهي دبل حرجت عليها وبعتها بسعر ولا أحلى من فضل الله 

تخيل تحرج على سيارة غير مرغوبة مايعطونها نصف حقها مع اني بعت سيارتي بأفضل من سوم المستخدمين في السوق واللي اشتراها مستخدم اصلا


اشتررر واستعن بالله


up 1 down 0
سرطوقا 76
قبل 6 شهر



يعني اللي كان بيشتري سيارة ب ١٠٠ الف. بعد الضريبة خلاص مابيقدر

هي الزيادة بتكون ٥٪‏.   يعني ٥ الاف

لكن المشكلة بالبنزين 


up 0 down 1
sell 212
قبل 6 شهر



إذا بتاخذ هايلوكس ديزل ممكن
اما البنزين معاد ينفع.. اللتر الواحد مايميز الا 10 كيلو أو أقل شوي
بينما السيرا مثلا 8 سلندر وقوله وطرب ومع ذلك يمشي اللتر 10 كيلو!!
انا مااشجعك تشتري سيرا ولكن طرحتها كمثال
شوف لك سياره توفر أفضل لك انا معاي هايلوكس ومحتار بصرفيته


up 1 down 1
saus 19
قبل 6 شهر