أضف سؤال أو موضوع جديد          

حل رجة الكامري بدون خساير

up 13 down 7



السلام عليكم ورحمة الله وبركاتة
مساء الخير اخواني اعضاء منتدى حراج
جايبلكم موضوع بسيط حصلي وادوخني لي شهر
من شهر وانا اعاني من رجة في الموتر
وبديت في بعض الحلول
مثل ترصيص ارضي ولا فية فايدة
واليوم وصلت جدة وكشفت على العكوس
طلعت سليمة ونظيفه وسليمة من التهريب
ولا فيها فضاوة
كشفت على عظلات الموتر مقصات كراسي مكينة
كل شي سليم ونظيف .
شي يحير يخليك توسوس
قبل ساعتين مريت بنشري
ابي اغير الزيت والفلتر
عند واحد يمني الله يوفقة
وشرحتلة المشكلة
شاف الكفرات قال دقيقة اوزن الهواء
وجرب خط وارجع وقولي وش يحصل معك
فعلا لقى الكفرات الاربع الهواء ناقص
الي 30 والي 25
وزنها كامل 35 وربي لك الحمد اختفت الرجه كامل
طبعا الرجه ماهي في الطارة
الرجه في كامل الموتر وتجي على سرعات مختلفة
فحبيت افيدكم بهاذي المعلومة
نقص الهواء يسبب رجة
ولا جاء على بالي لاكن الحمدلله انحلت بدون خساير
لاحد يستهون في هواء الكفرات
شكرا للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ايضا للمعلوميه وقليل جدا اللي يعرفها الهوبات تسبب رجه بدون بريك على سرعه ١٤٠ وفوق الرجه تروح وتجي اللي تحصل معه يروح يخرط الهوبات على طول


up 7 down 0



صارت معي رجه غريبه من بعد سرعه ١٢٠
و كنت اظن السبب من الكفرات يبي لها تغيير
و جتني فكره سويت ترصيص ارضي عند العضيب ب١٢٠
و ضبطت لو اسرع اكثر ما في رجه
لكن باقي مشكلة انحراف الدرسكون سويت وزن اذرعة و لا نفع

على كل حال مشاكل الرحه و الاصوات كثيرة اسبابها اللي بيدقق كثير بيكره سيارت


up 8 down 0
1405-1985 1280
قبل شهر



والله انا دايم انتبه لظغط الكفرات.   وجنبي واحد ممتاز. امره بين فتره وفتره
يقولون في الشتاء ينزل الهواء اكثر من الصيف
ترى ساعة بعض البناشر قراءتها خطا
يحط ٣٥.  تكتشف انها ٤٠. 
اذكر في حارتي القديمه في الحاره واحد كذا
لدرجة اني اجيه اقول.  حطها على ٣٠ ادري انها بتصير ٣٥ 
الان.  جهاز البنشر متطور. 


ربي يسعدهم
للتوضيح الرجه من 100 وتحت
واغلب ساعات البناشر ماعندك احد مثل ماقال عبدالله
احمدالله طلعت بدون خساير
ووفقني الله مع راعي العكوس والميكانيكي
ماخسروني وقالوا الصدق ان كل شي سليم


up 3 down 3



الحمد لله انها انحلت بدون خساير واللي يبي يوزن الهوا بللملي يمر ون ستوب عندهم جهاز خاص للهوا وساعه رقميه ان بين فتره وفتره امرهم واحصل في نقص بسيط للهوا 


up 1 down 0
جنتل 07 75
قبل شهر



الله يوفقك دنيا واخرهـ  والله قريت موضوعك  وعندي 
نفس المشكله. ورحت شيكت على الهوا وطلع ناقص ببعض
الكفرات ووزنتها كلها 30 وراحت الرجه. 


يابعد حيي والله
ويوفقكم دنيا واخره لاهنتم جميعا


up 0 down 0



منتظر موضوع تجربة الزنون اخوي الرفاعي


up 2 down 4
fowad 57
قبل شهر



ابشر اخوي فؤاد مانسيت موضوعك
لايهمك


up 2 down 0



احسن شي سووه هيئة المواصفات والمقاييس اجبرو الوكلاء على طلب السيارات بحساس ضغط كفرات مهم جدا


up 3 down 2
benz lover 67
قبل شهر



حياك بنز
موجود ضغط الكفرات بس واحد من الحساسات خربان
عشان كذا ماعرف اذا واحد من الكفرات منسم
ولا هو فنان وينبهك


up 0 down 1



بارك الله فيك ع هالموضوع المهم  ،،ولا حد يتوقع انها بسبب نقص الهوا


الكامري لها وزن امامي وخلفي وللأسف الكثير مايدري عنه


up 1 down 0
has5san 63
قبل شهر



والله المعلومة جت في وقتها عندي الكامري 2012 فيها رجة بعد 100 ولا عرفت السبب ... بشوف ضغط الهواء في الكفرات كلها ان شاء الله


up 1 down 0
راكان 77 102
قبل شهر