أضف سؤال أو موضوع جديد          

محتار بين فورتشنر ٤ سلندر بدبل او بدون دبل؟

up 1 down 1
ez-gadget 209
قبل 11 شهر



السلام عليكم 

محتار بين فورتشنر ٤ سلندر بدبل او بدون دبل

طبعاً الجيب جديد موديل ٢٠١٨ والقير تماتيك

طبعاً عشان اختصر على الاخوان اللي يبي يقترحون الستة سلندر او سيارات ثانيه انا محدود بين هالسيارتين وماعندي خيار ثالث 

واللي حيريني اكثر الناس اللي تذم بالمنتديات فبعضهم يقول الفورتشنر ٤ سلندر كله سيء وناس تقول اذا لابد ٤ سلندر فلا تاخذ دبل لان الدبل يثقل السيارة وانا بصراحه طلعاتي للبر قليله وايام المواسم ومنب راعي سرعه فوش رايكم؟ وخصوصاً الاخوان اللي لهم تجربة وشكراً







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نصيحه اذا منت راعي بر..لاتفكر فيييييه

قاسي نوعاً ما
والاهم يشرب بنزين شرررب

التانكي يمشيك 430 وحولها..تخيل

مع ارتفاع البنزين مايجمل

والله اعلم واحكم




up 3 down 3
salih-m 367
قبل 11 شهر



بدون دبل اخف لك


up 2 down 0



بدون دبل شف لك راف فور بالمعارض دفع رباعي مستمر
ب٨٠ ممكن اقل و ٢٠١٨ نزل بمثبت سرعة
مكينة و قير كامري اقل صرف و اخف وزن
افكر اطلع لي واحد


up 1 down 2
1405-1985 1416
قبل 11 شهر



^
الراف فور الشمل القظيم يهون مع انه قبيح
اما شكل٢٠١٨اقبح من القبيح اخذ سيكل ولا اخذ راف فور شكل٢٠١٨


up 3 down 3
d7ooom777 428
قبل 11 شهر



الشكل القديم**



up 1 down 2
d7ooom777 428
قبل 11 شهر



متعود على القبح كان معي باجيرو قبل هههههه

المهم اللي معه كاش يلحق قبل الاسبوع الجاي
لان الوكالات بتوقف بيع على يوم ٢٥ ميلادي
بيضيفون الضريبه ٥% على الكاش و التقسيط


up 2 down 0
1405-1985 1416
قبل 11 شهر



اشتر دبل وماجاك عندي من مجرب


up 0 down 1



انتبه تصدق الي يقول 4 سلندر ثقيل مايمشي والخ
معانا برادو 4 سلندر وزنه حول 3000 كيلو
يعني اثقل من الفوتشنر بكثيير
وماشاء الله يمشي وخفيف وقومته جدا رائعة

دام منت راعي بر خذ بدون دبل فرق الفلوس انت اولى فيها


up 4 down 5
7ssom 414
قبل 11 شهر



ياحبيبي خذ الشور دام انك اخذت جيب لا والله لا تاخذ الا دبل صحيح مكينته ضعيفه لكن الدبل ازين سبحانه الله يمكن تحتاجه مره من المرات ضروري وتقول ياليت معي دبل


up 4 down 1
ziad34 13
قبل 11 شهر




اذا شريت اشتر ذهب واشتر الماس
والحاجة اللي ماش لا تشتريها

لا يضيع عمرك وانت تجمع لك نحاس
حوادث الايام لا تزدريها..


up 1 down 2
salih-m 367
قبل 11 شهر



لا تاخذه الا والدبل معه 4 ولا 6 اهم شيء الدبل ولا ما اعتبره جيب
ياخي تجيك مواسم الامطار وتكشت بالعيلة ينفعك ..
واحسن ما اخترت ..


وشوله تشري فورتشنر لامواصفات ولا راحه ولا توفير بنزين؟؟
أشور عليك تشتري سنتافي أو سورينتو 6 سلندر بنفس قيمة الفورتشنر ال4 سلندر أو جيب مازدا cx9
عقلك براسك وأنا أخوك مافيه شي واحد يشفع للهيلكس المصندقه (الفورتشنر)


up 2 down 1
الشمري_94 6
قبل 11 شهر



الله يعطيكم العافيه ماقصرتوا
لكن الحيره زادت هههه

بالنسبة للاخوان اللي يقترحون سيارات ثانية الله يعطيكم العافيه وارائكم على راسي لكن زي ماقلت لكم في بداية الموضوع انا محدود بهالنوع فورتشنر تماتيك 2018 جديد ولكني مخير اما دبل او بدون دبل




up 0 down 1
ez-gadget 209
قبل 11 شهر



حياك
خذ الدبل لك وللزمن والفورتشنر كل محركاته هايلوكس
طلبت الشور وجاك
وباالتوفيق


up 2 down 1
باترول 2020 2384
قبل 11 شهر



يعطيكم العافية جميعاً وماقصرتوا كفيتوا ووفيتوا


up 0 down 1
ez-gadget 209
قبل 10 شهر