أضف سؤال أو موضوع جديد          

قراند شيروكي 2017 والا برادو 2018

up 3 down 0
هاوي707 229
قبل 3 سنه و 11 شهر



السلام عليكم ورحمة الله وبركاته








يالربع ودنا نستفيد من بعض وناخذ الشور للي يفكرون مثلي بالجيوب
بدون عنصرية او تحييز لسيارة معينه ابي جيب يلبي متطلباتي استعمال يومي
راحة وفخامه ووسع ومنظر حلو وجودة

وفيه 2 من الجيوب المتوسطة الحجم مواصفاتها حلوة واسعار مناسبة جدا

الاول قراند شيروكي 2017 فئة اللمتد حصلته ب152
8 سلندر محرك هيمي وبانوراماا وجلد وحساسات اماميه وخلفية و8ارباق و5 وضعيات طرق الوعرة
وغيرها كثر من المواصفات الفخمه لكن مافيه صف ثالث مقاعد بس شنطته كبيرة تصلح تجهيز عزب
تقدرو تشوفوه بالنت وتجي عليه الوان حلوة


والمنافس الثاني برادو 2018 بالفيس لفت الجديد مواصفات جيدة وشكل احلى من قبل وثالث صفوف مقاعد
فئة الفي أكس ب171 من المعارض طبعا لكن دبله فقط ثقيل وخفيف مايجي فيه حتى الدفلوك



شوروا يا اهل الخبرة ودلو المحتار







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اذا تبي تقارن بين شركتين مختلفتين لازم تحدد مايهمك اولا 

اذا تهتم بسعر إعادة البيع البرادو افضل بلا شك
تتكلم عن سهولة الصيانة وتوفرها البرادو افضل

تهتم بالراحة والفخامة الشيروكي افضل بلا شك
الشيروكي سعر قطاعه هنا غااالي لكن تاخذه من امازون بأقل من نصف السعر

من وجهة نظري افضل الشيروكي ولكل منا ضروفه ومايناسبه ومالا يناسبه


up 2 down 3
دكتوراه في الحب 164
قبل 3 سنه و 11 شهر



الفرق الجوهري بين الموترين الارتفاع عن سطح الارض


up 0 down 1
مثقف سيارات 1143
قبل 3 سنه و 11 شهر



انصحك بالبرادو 


up 2 down 2
sam7srt 193
قبل 3 سنه و 11 شهر



الشيروكي : بيتغير شكله ووكيله سيء وعند البيع يطول معك

البرادو : شكل جديد بيقعد معك سنين ما تمل منها , وكيل بالصيانة كويس , عند البيع مرغوب , اوسع من الشيروكي

وجهة نظر/ البرادو ينتصر بشكل جديد وصيانة



up 5 down 1
الاحترافي 1437
قبل 3 سنه و 11 شهر



والله صراحه على حسب استخدامك

اذا انك راعي بر وكررف اكيد برادو

اما استعمال خطوط وبر خفيف ومحافضه اكيد الشيروكي

انا شخصيا لو يخيروني اكيد باخذ شيروكي بحكم اني مو راعي بر


up 0 down 1
محمد الوايلي 711 201
قبل 3 سنه و 11 شهر



شيروكي: اذا تبغاها اوف رود طرق صعبة وغير معبدة او في طرق سفر و وقوة في القومة و راحة و مواصفات مميزة.
و امان قوي و راحة وعزل افضل وبالنسبة للصف الثالث, انت كم مره في السنة راح يركب معاك ناس في اخر صف؟ انا كان عندي جيب 7 ركاب واتذكر في 8 سنين استخدام ما استعملنا المقعدة الاخيرة الا 3-4 مرات يعني ماتسوى. غير اذا انها تنطوي راح تطلع اصوات مزعجة لأانها مو ثابته.

برادو: اذا تبغى شئ عملي و تصليحه سهل واذا انك ساكن في مدينة صغيرة ماتتعب في قطع الغيار وطبعا ينفع حق بر, واذا يهمك سعر البيع



up 0 down 1
dell2012 1044
قبل 3 سنه و 11 شهر



السؤال الجوهري والمهم قبل الشراء ... انت جربت السيارتين قبل لا تشتري ؟! 

اهم شيء قناعتك انت في تجربة السيارة لانك انت اللي بتستخدم .. والشباب فيهم خير وبركة عطوك الزبدة 
لكن يبقى انك تجربه بنفسك وتشوف اذا يناسبك واحد منهم او ممكن تصرف نظر عنهم كلهم .

لكن البرادو يعتبر شعبي ومعروف في البيع والشراء وقطع غياره عند الوكيل او ياباني درجة اولى متوفرة وصيانته سهلة ومعروفة
وسعر اعادة البيع ممتازة جداً جدا اذا يهمك الامر ( وعلى فكره لست من محبي تويوتا ) لكن المنطق يقول ذلك .

والشيروكي تصنعه شركة JEEP العريقة والمعروفة .. لكن ظلمه وكيله عندنا والا هو سيارة لا يعلى عليها 


up 0 down 2
nasser1430 873
قبل 3 سنه و 11 شهر



قراند شيروكي موتر فخم وقوي ولكن قطع غياره غالية ولكني من عشاقه البرادو ماتحس انك متميز منتشر بالشوارع وعزمه حتى ٦ سلندر مايوقف جنب الشيروكي ابد الشيروكي طيارة وفيه تكنولوجيا متقدمة بالتالي اغلى بالصيانة وبالنهاية ارخص ب ٢٠٠٠٠ من البرادو

خلاصة الحديث تبي موتر صح وماتفكر بالبيع خذ شيروكي  




up 0 down 2
benz lover -78
قبل 3 سنه و 11 شهر



الجراند شيروكي تشتريه الحين ب150 الف وبعد ثلاث سنين وبعد سنتين تبيعه ب90 الف كحد اقصى اذا نظيف والداخليه نظيفه وشكله الخارجي نظيف مره ان حده 90 الف وبعد تعب يجبيها هذا الليتمد اما السوميت شفهم في قسمهم تحصله شاريها ب200 الف وبعد سنتين يبي يبعها ب130 الف ومو قادر مع ان السياره نظيفه وماشيه تحت الخمسين الف كم عكس بس عندك الدرنقو مرغوب اكثر عشان سعره رخيص ومنتشر اكثر من الشيروكي واسرع شوي في البيعه طبعا مايوصل مثل التويوتا في البيع بس افضل من الشيروكي


up 0 down 2
Pro rare 448
قبل 3 سنه و 11 شهر



^^ نفس القطع الدورانغو والشيروكي مايختلف شي 


up 0 down 1
benz lover -78
قبل 3 سنه و 11 شهر



الباترول .. تحصله ب ١٧٠ او اقل


up 1 down 2
.ابوظافر 52
قبل 3 سنه و 11 شهر



الشروكي لاسمح الله اندق صعب جدا تصلحه خصوصا من الواجهة ينشفك تنشيف وفالاخير يتوقف تنقص عليه قطعة تاخذ لها كم شهر حتى تجيك مطابقة

باترول بطل الدروب والبرادو سياراتين تنباع وهي مصدومة بأعلى من سعرها هي نظيفة والخيار عندك


up 1 down 1
عربة للسيارات 1665
قبل 3 سنه و 11 شهر



البرادو بالوكالة ب168000


up 2 down 0
abobndr3 2
قبل 3 سنه و 11 شهر



البرادو سعره حول ١٥٠الف الشكل الجديد تانكيين رح شفه بالمعارض
واترك الوكاله بس اهم شيء تاكد من الضمان كانه يشمل الي بالمعارض


up 0 down 1
d7ooom777 391
قبل 3 سنه و 11 شهر



اللاند كروزر gxr يجي اول فئة ب 170
http://www.toyota.com.sa/vehicles/models/suv/2018/land-cruiser/grades-and-prices#gradepanel_1


up 0 down 0
rashidy 354
قبل 3 سنه و 11 شهر