أضف سؤال أو موضوع جديد          

حل سهل ورخيص لمشكلة ليات الظغط الطالعة من مضخة زيت الدركسون.

up 6 down 4



السلام عليكم ورحمة الله.وبركاتة. 
مشكلة تسريب الزيت من ليات الدركسون مشكلة مزعجة وهذي المشكلة كثير تكررها في الكوامري القديمة 2002وتحت 
فانا شخصياً عانيت منها فرحت للوكالة سألت عن (اللي) الاصلي فكان السعر مبالغ فيه قال يمكن يكون ب700الى 800 ريال (ماكان عندهم متوفر ذاك الوقت) فرحت التشليح ادور فكانت لياتهم كلها على وشك ، فقررت اكبس (لي) عند المخرطة ، كبست واحد وركبته على السيارة واستمرت طيبة اسبوع لكن للاسف عاد التسريب ومن نفس المكان (اعلى اللي الراكب في مضخة الزيت العلوية) فحاولت اجيب حل بسيط ورخيص فبفضل الله حصلت حل.   قمت باصلاح (اللي) التالف كالتالي 
الادوات:1-اثنين شطرطون سباكة حجم كبير
2-واحد شطرطون كهربة
3-اثنين قفيز ليات
الطريقة:
اولاً قمت بفك اللي وقمت بلف الجزء اللي يطلع منه التسريب بكامل شطرطون السباكة الابيض
ثانياً زيادة على الشطرطون الابيض حق السباكة  لفيت شطرطون الكهربة
ثالثاً واخيراً حطيت القفيز على مكان التسريب من فوق الشطرطون ثماً شديت بقوة
النتيجة :
توقف التسريب بفضل الله واستمرت السيارة سليمة الى ان بعتها وهي سليمة (اكثر من سنة) والحمدلله وماكلفني هذا الحل
 الا تقريباً 25 ريال. 
اتمنى من من يعاني من هذي المشكلة ان يستفيد من هذي التجربة والسلام عليكم. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


انا ما احب الترهيم خاصة بليات الضغط العالي زي علبة الدركسيون ممكن ينشق اللي مع تقدم العمر وانت شاد عليه بذي الطريقة يتكسر كانه بسكوت ويتفتت وتكون بتهريب بسيط وتنحد على تغييره غصب عنك جديد 




up 3 down 1
benz lover -81
قبل سنه



انا خربت عندي الليات الاثنين في سوزوكي جيمني

ورحت لحقون كبس الليات قالوا لي لو كبسنا او غيرنا ماراح يصبر على الحراره لانه هالنوعيه مخصصه لتحمل درجات عاليه لانها بجوار المكينه

المهم ماكان قدامي الا اروح الوكاله

واشتريت من الزكاله اصلي اصلي

واحد ب 70 ريال
والثاني ب 48 ريال

والحمد لله


شكراً يااخوان على التفاعل وعلى التنبيه ، فانا انتبهت لعدة اشياء باضيفها ان شاء الله في رد تحت هذا الرد. 


up 2 down 0



الاخ بنز بالنسبة للسيارة استمرت مثل ماقلت سليمة اكثر من سنة وانا مارضيت اكتب هذي التجربة في منتدى حراج الا بعد تجربتها فترة طويلة
الاخ حكيم انا ماقصدت الليات اللي تركب في علبة الدركسون البلاستيكية  قصدت ليات الظغط العالي وهذي اسعارها مرتفعة 


up 4 down 0