أضف سؤال أو موضوع جديد          

كم يكلف رش رفرف كامري

up 3 down 1
عبد الله ابو خالد 29
قبل سنه و شهر



سلام عليكم صباح الخير 
صباح اليوم يالغالين حكيت لي لموزين وقلت له بصلح موترك قالي يكلف الف خمس مية ريال
؟؟؟؟ المهم قلت له انا بمشي معك الظهر وازين موترك 

وشوروا علي الله لايهينكم كم يكلف الرش ووين الورش اللي شغلها زين ورخيص لاني مالي خبره ابدًا بهالمجال 
وشكرًا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليكم السلام صباح النور
غير صحيح مايكلفك ٣٠٠ ريال بالكثير
انتبه منهم بعضهم يستغل ظرفك .. يقول دام انه مستعجل خلني استغله


up 0 down 0
اليابان 2302
قبل سنه و شهر



انا رشيت رفرف امامي اكورد كامل  
له اكثر من سنه نفس اللون تبطي تعرف انه مرشوش يعني شغل توب
و ب ٥٠ بس 
انت عطهم وضعية انها ماتفرق معك ترش ولا لا
وقتها تلقى السعر الصح


up 2 down 0
علي لشهري 2
قبل سنه و شهر



عزيزي



انت روح كذا ورشه وشوف السعر المتوسط واتفق مع الورشه مو مع ابو بكس

وسلمه سيارة

ولي خلص منها قل لاتسلمها الين ما اجي اشوفها

وذا تاكدت من التصليح عطه فلوسه واكتب بنفس الفاتوره قيمة تصليح رفرف بسبب حادث واحتفظ فيها عندك




up 0 down 0
aboahmed2014 775
قبل سنه و شهر



الله لا يهينكم يالربع مالي خبره بالصناعيه ابد 
وين مواقع الورش اللي ترش رصتهم وين يعني 
ومشكورين


up 0 down 0
عبد الله ابو خالد 29
قبل سنه و شهر



روح وخذ تسعيرة ٣ ورش وقسمهم ع ٣ يطلع المتوسط عشان لا تظلمه ولا تنظلم انت


up 0 down 1
benz lover -82
قبل سنه و شهر



ابو خالد اكتب في "قوقل ماب" -الصناعية القديمة- ويطلع لك الطريق المؤدي للورش في حال كنت ساكن حولهم..
اما اذا ساكن شمال الرياض اكتب -صناعية ام الحمام- وبيظهر لك الطريق ، وسوي مثل طريقة الاخ -benz lover-
سعر في ثلاث ورش واقسم الناتج ع 3 والله يسهل امورك .. بالنسبة لورش الرش الكويسة معظمهم في الصناعية القديمة
اعتذر عن الإطالة .


up 2 down 0
alsamer3600 205
قبل سنه و شهر



1500 ترش الموتر كامل بالفرن مو رفرف


up 0 down 0
كارينو 549
قبل سنه و شهر



^^ رشة شارع ذي عاد لا تخربها


up 0 down 1
benz lover -82
قبل سنه و شهر



نصاب وين 1500 شافك على نياتك وطيب يستغلك مايكلف رش الرفرف كثير 1500 ترش نصف السياره الله يهديه ويصلحه والحمدلله والله على السلامه ماتشوف شر انتبه ولاتسرع السرعه ماوراها إلا الخساير ياخوي


up 1 down 0
نواف الحربي4 335
قبل سنه و شهر



benz lover

أبشرك رشينا ونيت هايلكس 1999 رشة كاملة بـ 500 ريال

طبعاً الرش علشان الفحص فقط ونجحت والحمد لله

عموماً يا صاحب الموضوع رش رفرف كامري لون أبيض ما يزيد عن 300 ريال وممكن يصل 600 ريال لو بترشه فرن


up 1 down 0
مفقود 763
قبل سنه و شهر