أضف سؤال أو موضوع جديد          

اهل الخبرة محتاجكم

up 3 down 1



سلام عليكم ورحمة الله وبركاته 


اخوان الكرام انا عندي مشكلة في الكامري 
لما اكل مطب يطلع صوت من جهة الكفر 
رحت للورش ناس قالو اذراع وناس تقول مساعدات وناس تقول مسمار توزان 

ماعرفت اصدق مين 

بس بعرف كيف اعرف اذا الخراب من مساعد او ذراع او مسمار توازن 
وشكرا لكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وش الصوت طق او احتكاك


up 0 down 0
يوسف 7001 59
قبل 7 شهر



ي عيني
اترك كلام ناس وقيل وقال
تاكد بنفسك لورشه وشف السبب
هذا راي


up 0 down 0
mjnonko 2
قبل 7 شهر



الرد الاول : طق 
الرد الثاني ذولا حقين الورش رحت لهم يقولو كدا


اعتقد مسامير توازن اذا مجرد صوت وتقدر تتأكد من شكل الجلدة تبع المسمار
يكون متقطع أو انك ترفع السيارة ويكون هناك شخصين واحد يهز السيارة بقوة لفوق وتحت والثاني يتتبع مصدر الصوت.
طبعا هذي الحركة تحاكي وضع السيارة وهي تمر على المطبات


up 0 down 0
caprice-ss 165
قبل 7 شهر



اتفحص السياره من تحت رح لغيارالزيوت وقف السياره على حفر
الزيت وشيك على جلدالمقصات اوجلدالمساعدات تتاكل ويطلع
هالصوت


up 1 down 0



هزالسياره من جهة المساعدفوق الكفرالامامي اذطلع صوت جلد
مساعد


up 1 down 0



كان عندي صوت طقطقه بكفر الكامري اللي قدام يمين 
وكل ماروح لواحد يقول كلام غير عن الثاني
اخر شي طلع فيش الظاهر حق اي بي اس 
اذا ماني واهم ورجعه لمكانه واختفى الصوت 
كان يضرب بالجنط من داخل مدري بالهوب 


up 1 down 0
w.asa 2044
قبل 7 شهر



تاكد من بطانة الكفريمكن طايحه من محلها لانها قد حصلت لي وطلع ذا السبب البسيط


رح للعضيب وقلهم المشكله يشيكون عليها مجانا 


up 0 down 0
علي لشهري 3
قبل 7 شهر



مجانا يطلع لك بلاوي مالها اخرماهو مجاني لعيونك انا كان عندي صوت بعد الكشف باحد المراكز طلب تغيير اربع مساعدات
واربع مسامير توازن المشكله طلعت من مساعد واحد فقط

بالنسبة لمسمار التوازن واضح قدامك تشوف جلدة متقطعه

والذراع اتوقع والله اعلمم اذا لفيت الدركسون وطق او نزل تحت وهزه وتلاحظ لو فيه فراغ

والمساعد لو طلع الزيت او تك عليه واظغط وتلاحظ الصوت وممكن يكونن من كرسي المساعد


up 0 down 0
abo3edh 307
قبل 6 شهر و 4 أسبوع



ذكرتني بصوت كان يطلع عندنا في سيارة قديمة نوعاً ما ... نفس الصوت اللي عندك بس اقوى مع رجه قوية
المهم رحت لورشة كلها فلبينيين على اساس فحصهم وشغلهم ممتاز ولا يعلى عليه .. المهم فحص السيارة اي كلام
وعطاني كلمتهم المشهوره ( اوووووووه مشكلة كبيرة يا أخوي ) .. قلت سلامات وش المشكلة ؟! قال لازم تغير 
المقص والذراع والجلد كلها واتوقع قال المساعد .. طيب كم تكلف كلها قال تقريباً ٩٠٠ ريال .
المهم عطيته ذيك الابتسامة وقلت شوي وارجعلك .. وانا في خاطري ان كلامه مو صحيح .. لان فحصه سلق بيض 

واتركه واروح لورشة صغيرة بسيطة ما فيها الا عامل واحد وكشف على السيارة وبدون مبالغه خلال دقيقة طلع 
ومعه جلده عمود الشاص متقطعه وهي سبب الصوت والرجه قال جيب اصلية تراها بـ ٤٠ ريال وركبها وأنا واقف 
قلت له كم حسابك يا صديق قال اللي تجيب أنا من غير منه ولا فضل الا من رب العالمين عطيته ٥٠ ريال لامانته .
يعني المجموع ٩٠ ريال بدلاً من ٩٠٠ ريال ... لاحظتوا الفرق ؟!؟!

الشاهد من القصة القصيرة اللي قلتها لا تستعجل في تنفيذ كلام الورش .. تاكد قبل تغير اي شيء .





up 0 down 0
nasser1430 856
قبل 6 شهر و 4 أسبوع



وقت الشتاء لاتدقق نصيحة


up 0 down 0
بريق الرياض 262
قبل 6 شهر و 4 أسبوع