اهل الخبرة محتاجكم

وش الصوت طق او احتكاك

ي عيني
اترك كلام ناس وقيل وقال
تاكد بنفسك لورشه وشف السبب
هذا راي

الرد الاول : طق 
الرد الثاني ذولا حقين الورش رحت لهم يقولو كدا

اعتقد مسامير توازن اذا مجرد صوت وتقدر تتأكد من شكل الجلدة تبع المسمار
يكون متقطع أو انك ترفع السيارة ويكون هناك شخصين واحد يهز السيارة بقوة لفوق وتحت والثاني يتتبع مصدر الصوت.
طبعا هذي الحركة تحاكي وضع السيارة وهي تمر على المطبات

اتفحص السياره من تحت رح لغيارالزيوت وقف السياره على حفر
الزيت وشيك على جلدالمقصات اوجلدالمساعدات تتاكل ويطلع
هالصوت

هزالسياره من جهة المساعدفوق الكفرالامامي اذطلع صوت جلد
مساعد

كان عندي صوت طقطقه بكفر الكامري اللي قدام يمين 
وكل ماروح لواحد يقول كلام غير عن الثاني
اخر شي طلع فيش الظاهر حق اي بي اس 
اذا ماني واهم ورجعه لمكانه واختفى الصوت 
كان يضرب بالجنط من داخل مدري بالهوب 

تاكد من بطانة الكفريمكن طايحه من محلها لانها قد حصلت لي وطلع ذا السبب البسيط

رح للعضيب وقلهم المشكله يشيكون عليها مجانا 

مجانا يطلع لك بلاوي مالها اخرماهو مجاني لعيونك انا كان عندي صوت بعد الكشف باحد المراكز طلب تغيير اربع مساعدات
واربع مسامير توازن المشكله طلعت من مساعد واحد فقط

بالنسبة لمسمار التوازن واضح قدامك تشوف جلدة متقطعه

والذراع اتوقع والله اعلمم اذا لفيت الدركسون وطق او نزل تحت وهزه وتلاحظ لو فيه فراغ

والمساعد لو طلع الزيت او تك عليه واظغط وتلاحظ الصوت وممكن يكونن من كرسي المساعد

ذكرتني بصوت كان يطلع عندنا في سيارة قديمة نوعاً ما ... نفس الصوت اللي عندك بس اقوى مع رجه قوية
المهم رحت لورشة كلها فلبينيين على اساس فحصهم وشغلهم ممتاز ولا يعلى عليه .. المهم فحص السيارة اي كلام
وعطاني كلمتهم المشهوره ( اوووووووه مشكلة كبيرة يا أخوي ) .. قلت سلامات وش المشكلة ؟! قال لازم تغير 
المقص والذراع والجلد كلها واتوقع قال المساعد .. طيب كم تكلف كلها قال تقريباً ٩٠٠ ريال .
المهم عطيته ذيك الابتسامة وقلت شوي وارجعلك .. وانا في خاطري ان كلامه مو صحيح .. لان فحصه سلق بيض 

واتركه واروح لورشة صغيرة بسيطة ما فيها الا عامل واحد وكشف على السيارة وبدون مبالغه خلال دقيقة طلع 
ومعه جلده عمود الشاص متقطعه وهي سبب الصوت والرجه قال جيب اصلية تراها بـ ٤٠ ريال وركبها وأنا واقف 
قلت له كم حسابك يا صديق قال اللي تجيب أنا من غير منه ولا فضل الا من رب العالمين عطيته ٥٠ ريال لامانته .
يعني المجموع ٩٠ ريال بدلاً من ٩٠٠ ريال ... لاحظتوا الفرق ؟!؟!

الشاهد من القصة القصيرة اللي قلتها لا تستعجل في تنفيذ كلام الورش .. تاكد قبل تغير اي شيء .

وقت الشتاء لاتدقق نصيحة