مشكلة ف الهايلكس

وعليكم السلام
افتح غطاء الرديتر وانظر إذا كانت الموية تتحرك وتقلب فالطرمبة عندك سليمة ، إما إذا كانت الموية لا تتحرك فالطرمبة خربانة
أيضاً إذا فيه فقاعات مع الموية فإن المشكلة وصلت لراس المكينة ، مهم جداً أن الغطاء تغيره أصلي ونفس الرقم الخاص برديتر
سيارتك .

شيك على فحمات دينمو المروحة

^^وش دخل فحمات دينامو المروحة هو ماقال فيه حرارة !!!!

طرمبة الموية موب دايم تكون خربانة الصوفة هي اللي تخرب دايم وتطلع الموية برا  

وتبي طريقة سهلة حط موية خضراء ارخص شي يبان التهريب مباشرة زي عين الشمس

صارت لي في موتري وطلع من الحملات لأن المراوح تدور ببطئ ويوم غيرتها راحت المشكلة

وبلاش دسلايك

الحملات =الفحمات
المصحح مشكلة هههههه

ابدا بحل المشكلة بأقل الخساير
1 غير غطاء الرديتر بغطاء اصلي
2 تاكد من لي خزان الاديتر

الراس يبي مسح خفيف 

الرجال يقول مغير اديتر مع الغطاء اقروا الموضوع زين الله يعافيكم

نقص الماء بدون اي تهريب يعود الى ان الماء يختلط مع الزيت  او ان الماء يهرب مع داخل غرفة الاحتراق وهاذي ماتقدر تعرفها لان مع الاحتراق يتبخر الماء وزود عن ذلك الشكمان طويل ويتبخر بسرعة 


اذا الماء عندك ماخلط مع الزيت فهو يهرب مع غرفه الاحتراق ويبيلك تمسح الراس مسح خفيف وان شاء الله تضبط امورك 

انا كان عندي نقص وبدلت الغطاء ب غطا اديتر اصلي وامورها الحين تمام التمام

طيب السؤال هل الرديتر والغطاء اللي غيرتها أصلية .. لان التجاري او المقلد في كل شيء يعطيك نتائج سلبية 
اذا مغيرهن اصلي فمعنى ذلك لابد تتأكد فعلاً من ان رأس المكينة ما فيها شعر .. وتأكد من قبل كل شيء يمكن 
الليات أو الاهواز ما فيهن تهريبات او تشققات بسيطة لانها تسبب تبخير بدون ما أحد يلاحظه .
ومثل ما قالوا الاخوان احتمال كبير تكون طرمبة الماء فيها ضعف ضخ فتحتمي المياه وتتبخر بفعل الحرارة الثابته 

طلع فيه تهريب من طرمبة الموية

كيف شيكت عليها انا عندي 16 ومافية مساحه اشوف طرمبة

سيارتك جديده مأ شاء الله

وقف السيارة ف مكان مستوي واترك السيارة لمدة ساعة وشوف تحت للسيارة اذا فيه أثر تهريب
وأحاول تشوف تحت ثلاجة السيارة يمكن يكون عندك تهريب من الماصوره