استفسار عن الطرق الوعره والعقبات

وعليكم السلام ورحمة الله وبركاته
الفرق ماهو بسيط لو 50 كيلو ممكن
لاكن فرق 250 كيلو
بالنسبة للعقبة ممكن تاثر على الفحمات وتخلص سريع سريع
لاكن خل سواقتك هادية مع النزول وحاول ماتفرمل كثير
بشكل عام افضلك طريق العقبة بما انه فرق 250 كيلو
وكثير من الطلاب والموظفين عندنا في الباحه
يداومون مع عقبة المخواة وامورهم طيبة

الله يعطيك العافيه 
ماعلي من الفحمات انا شايل هم المحركات

و عليكم السلام و الرحمه

مشكلة قير الاكورد و الهوندا ما يجي تبترونك تقدر تتحكم بالنمر
و الجديد قيرها CVT

لاتشيل همها
وعقبة الصفيحه اذا تقصد حقت ثقيف
تراها ولا شي مع عقبات الباحه زي عقبة الابناء وعقبة حزنة
زي ماقلتلك خل نزولك بسلاسة ويوم بعد يوم
بتصير معك العقبة زيها زي اي طريق وتكون محترف
عندك عقبة المخواة اطول من عقبة الصفيحه
واصعب منها وخويانا لهم سنين يداومون معها
ولا واجهوا مشاكل الا الفحمات تخلص بدري
اما مشاكل قير مكينة مافيهم احد اشتكى

في النزول استعمل نمرة 2 في القير اذا قير موترك تماتيك 
وفي الطلوع برضه استعمل 2 او 3 على حسب سرعتك عشان القير مايسخن وهو 
يرجع ويقدم نمر واريح للمكينة حتى لو حنتها طالعة بتلاحظ
حتى الحرارة تنخفض

الفرق ماهو بسيط افضل طريق العقبة وان شاء الله مايكون فيه أي مشاكل عادي جدا 
واكيد ماراح تنزل الا في الاسبوع مره يعني مامنه ضرر ومختصر 

الله يعطيكم العافيه جميعاً ماقصرتوا 

اشور عليك شور يا طيب
اشتر لك سياره لو حوض مثلا هايلكس ددسن
او متسوبيشي واتركها للكد والدوام اذا تسمح ظروفك
الماديه ....واذا ما فيه امكانيه العقبه امرها سهل مع الوقت
تتعود ....نزولك في القير 2 وطلوعك في 2 وعلى مهلك
وشيك عل الفحمات كل فتره لانك تحتاج تغيرها بدري
وحاول تداوم مبكر شوي ...وفقك الله ...وجميع الاخوان

العقبة بسيطه ولا تشيل هم اروح واجي معها بالفورد والا العافيه
في النزول عطها 2 ولا تمسك فرامل الا في المنحنى
الطلوع حاول ما تخلي القيثر يغير نمر باستمرار وقفل الاوفر درايف