استفسار لمن يمتلك فورتشنر الشكل الجديد

اخوي نصيحه من اعماق قلبي من سابع المستحيلات ان تاخذ من الناس معلومه صحيه ١٠٠%
اراء الناس واختلافاتهم كثيره ومختلفة للغاية افضل شي لك انك تجربها بنفسك انت هنا تقدر تحكم عليها ١٠٠% اخوك نواف الحربي

موتر كرف و كفو
لكن ارتفاعه عن الارض و على شاصي بكب هايلكس
فهو غير مريح و من تجربة شخصية لموديل ٢٠١٠
و الجديد ما تغير الا القير انشطو المكينة اقوى عزم شوي

الراحة 70% ومع الخط الطويل فوق300 ماينفع وضيق الموتر حق بر وكرف

لو راحة ٧٠% كويس

ان تبغى موتر كرف ويتحمل شوارعنا وترتاح من الورش فعليك به
وهذي الراحة الحقيقية اللي اشوفها .
ومثل ما قالك العضو نواف جرب الموتر قبل وبعدها قرر .

تبي الزبده .. استاجر وجرب .. وبس 
اما شريت او تشوف غيره 

وعليكم السلام

الفورتنشر من السيارات القاسيه والعزل لاتدور عزل

لكن مثل ماقالوا الاخوان لابد من تجربه بعض الناس متعود على عزل ممتاز وراحه مستحيل بيتحمل قساوة لو كانت بسيطه
وبعضهم يسافر فوق 1000كيلو على هايلوكس غماره وماعنده اي مشكله

جرب قبل تتورط ممكن مايناسبك وتكون دافع فيه مبلغ مو سهل

الفورشنر مسافر على 6 سلندر خط 800 كيلو قاسي جدا وصلت ظهري كان بينكسر وفيه ألم لمده شهر ماراح .. الموديل 2016 كان إيجار وجديد كان توها 3 الف كيلو

الله يبيض وجيهكم عموماً وفيتو وكفيتو وجزاكم الله خير ع الاجابات