كيف يتم تغيير زيت الفرامل؟

عليكم السلام .. سؤال ليه تبي تغير زيت الفرامل ؟! 

زيت الفرامل لا تغيره ولا تلمسه لو موترك ماشي 400 الف والتجارب خير برهان التغيير بس لزيت المكينة والقير باقي الامورمالها ضروره انك تغير زيوتها

لو زيت الفرامل مايتغير مثل مايقولون كان مايقلب لونه اسود بعد كم سنه 

اتوقع مايحتاج تغيير 
طلبتكم ياجماعة عندي موضوع مهم بطرحة بالمنتدى لاكن نقاطي ماتسمحلي فلذلك أرجوكم صوتولي بإعجاب جزاكم الله خير 

زيت الفرامل يقفد خواصه بعد فترة من الزمن

انا اغيره كل سنتين او ثلاث و التغيير سهل اول مره رح لميكانيكي
و شوف طريقته و المرات الجايه راح تسويها بنفسك

زيت الفرامل تزوده فقط اذا نقص
لكن ما يتغير

الاخوة الكرام
المتعارف عليه زيت فرامل اسمه سائل فرامل وليس زيت
له خواص معينه منها تحمل الحرارة العاليه والمحافظة على اجزاء جميع ما يتعلق بالفرامل
طريقة التغيير وانا شخصيا اعملها كل سنتين الى ثلاث
اشتري 3 علب زيت اصلي يكون مصنف دوت 3 او اعلى لكن الدوت 3 كافي dot3
يتطلب وجود جحوش او ثلاث عفريتات لتقليل وقت العمل
بالنسبة لي عندي جحشين وعفريته كفرات زي حقت البناشر
رفعت الكفرات الاماميه وثبتها على الجحوش والخلفيه بالعفريته
طبعا لتقليل الوقت اشتر لك ابرة كبيرة تحصلها في صيدليه بيطرية وفك غطاء علبة زيت الفرامل واسحب وفرغة في علبة موية صحه للحفاظ على المكان نظيف
لين يبقى طبقة بسيطه الامهم فتحة نزول الزيت لا ينزل عنها الزيت علشان ما يدخل الهواء
صب علبة زيت جديده
واتجه لابعد كفر وهو الخلفي الايمن
وفك مسمار التنسيم وراقب الزيت وهو ينزل لين ينتهي الزيت الاسود وتشوف الزيت الجديد بداء يصب مع مراقبة العلبه في الكبوت لا تفضى ويدخل هوا
اذا معك شخص ثاني ممكن تسرع العملية بانه يدوس الفرامل تدبيل على خفيف بس تقفل غطاء العلبه
ثم تقفلها وتروح الكفر الايسر الخلفي ونفس الطريقة وزود الزيت في العلبه كل ما نقص
ثم الكفر الامامي الايمن ثم الامامي الايسر
وبعدها تأكد ان الزيت في العلبه عند علامة max
ان كان زايد اشفط شوي بالابره
الفرق جدا ملحوظ والبعض يغير فرامل ويخرط هوبات وتبقى الفرامل عنده غير جيدة ويروح الورش ويقولن له علبة وباكم وكلام كثير

بالتوفيق

سائل الفرامل يتبدل كل سنتين و الاخ علي ماقصر ^^

يوجد فيه خواص قابله للرطوبه و يفقد خواصه بعد فترة و خاصة ادا كان تجاري يخرب الفرامل و يحجر البريك و ضعف

بالنسبة لي ابدله كل سنتين دوت 3 و تبديله سهل و مو مكلف

غير نكك يبن الحلال ولك لايك ولا تزعل

عزيزي لا تغير زيت فرامل الا اذا جيت تغير فحمات امامية او خلفي عشان تقل عليك الكلفة

كتالوجات السيارات كلها توصي بتغيير زيت الفرامل
وطريقة الاخ ali400ali ماشاء الله طريقة مهندس واحلى لايك لك

https://m.youtube.com/watch?v=gJK8I-czzWQ

شوف هالمقطع للاخ المهندس عبدالحق ... وكذلك بعض المقاطع في اليوتيوب جداً سهلة بس لازم يكون عندك إلمام فيها 

انا عندي هايلوكس ولاحظ الباكم كانه محجر شوي والفرامل ماتمسك زين تضنون لو اغير الزيت بتضبط ؟ الموديل 2013

تحجيرة الباكم سببها الرئيسي في الغالب والأكثر شيوعاً انه فيه هواء بسيط في نظام الفرامل 
اذا لك نية تغير زيت الفرامل جرب الطريقة الموضحة بالشكل الصحيح .

وترا اغلب المقاطع ينصحون انه ما تبدل دعس على دواسة الفرامل عند تغيير زيت الفرامل يعني 
تخلي الزيت ينزل من نظام الفرامل على هون .. وان شاء تضبط معك .

تعديل ....
** وان شاء الله تعالى تضبط معك **

يعطيك العافية اخوي 

طريقه زيت الفرامل وقت تغيره لازم شخصين او 3 يغيروه
او بتخرب علبه الفرامل
والطريقه تاخذ اقل شي 4 علب صغيره او 5

والمهندس يروح عند الفكر
وانت جوه السياره وواحد يعبي زيت
انت تدبل وهوا يفك بلف الزيت 5 مرات تقريبا الين يطلع زيت جديد
ويمشي على كل الكفرات كفر كفر
اهم شي الي يعبي الزيت لايخليه ينقص ابدا
وتكون الحركه سريعه بينكم الثلاثه
سويتها مره والمكنينكي طفش مني لانه انا معلمه الشغله

لاكن ابري نفسي اذا ضربت عليك علبه الفرامل وموفق ان شاء الله

الاخوان اللي يفتو بدون علم
ترا تغيير زيت الفرامل جزء من الصيانه الدوريه في الوكالات
وانا غيرته لسيارتي كلفني ٥٠ ريال تقريبا
وطلبت جهاز لكشف لزوجه الزيت راح يوصل خلال اسبوعين اي واحد يحب يفحص زيته يجي مجانا حياكم

اللي حط لي ديسلاك
دسلكو لحيك يانفسيه
عندك اعتراض على كلامي رد مثل الرجال وصحح الخطاء
لكن شغل مبزرة ونسوان من وراء كيبورد الخلا بس