أضف سؤال أو موضوع جديد          

اللي له خبره في قضايا عبداللطيف جميل والمحكمه التنفيذيه يخش

up 7 down 2
سكودر 14880
قبل 2 شهر و أسبوع



السلام عليكم ياشباب

ابن عمي اخذ من عبداللطيف جميل كامري 2013 وباقي على السياره حوالي 26 الف وله 4 شهور ماعطاهم قسط

واشتكوه بالمحكمه وراح يبيع السياره بالحراج ودفع لهم 26 الف وقالو ماعد يلحقك شي وقفلو العقد

لكن استغرب تجيه رساله من المحكمه التنفيذيه بعد مادفع لهم كامل المبلغ بعدها بااسبوعين والشكوه من عبداللطيف جميل يطالبونه بمبلغ 5000 ريال والتهمه انه تاخر وهذي اتعاب المحامي حقهم

هل في هذي المسائله يلحقه شي مع انه دفع مبلغ السياره وخلص اللي له خبره يفيدنا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هالنصاب الحرامي ابو مصير ما يكفي انه زارف الشعب .. والله قهر 
لعنبوه ابن ٦٦ كلب اجل المحامي الحرامي الثاني اللي شغال عنده 
ما له راتب يعني لازم يزرفون ويسرقون عيني عينك .

قل لولد عمك يشتكي على ديوان المظالم بتهمة انهم يتلاعبون بالقانون 
وخله يطالبهم بتعويض بهالسرقة ... لعنة الله عليهم هالحرامية ما لهم نيه ينقرضون 


up 13 down 12
nasser1430 775
قبل 2 شهر و أسبوع



العقد راجعه وشوف التفاصيل
اكيد حاطين بند بخصوص المرافعه واتعاب المحامي
او قدم للمحكمه ما يثبت انهم لا يطالببونك بشي قبل
وانك اعطيتهم كل مستحقاتهم



up 9 down 0
لا للغلاء 391
قبل 2 شهر و أسبوع



قل لا اله الا الله 
هم.  يقلدون اهل بطاقات سوا او اهل بطاقات سوا يقلدونهم
كيف.    تاخذ ١٠ الاف تحسب عليك ١٥٠٠٠.  وفي حال تأخرت.  تصير ٢٠ 
سألت احدهم ليش قال اتعاب المحاماه.  مع انه هو بنفسه. يراجع المحكمه حتى تم توقيف خدمات الخصم
فأتوقع.   فعلا سواها بو جميل.    اعذرني الخطأ خطأ ابن عمك لتأخره
بس عنده فرصه يقول استاذنتهم ان عندي ظروف وبتأخر عليهم.     ولايحتاج محامي ولا دفعوا لمحامي
الشركه عندهم محامي براتب يافضيلة الشيخ.    فهم غير فائدتهم مني يبون ينصبون
فيافضيلة الشيخ يكتفون بما مصوه مني من فوائد وارباح.   قف مع الحق ومع الضعيف يافضيلة الشيخ
يمكن ينفع.    مع ان الشيخ بيقول العقد شريعة المتعاقدين.  وليس امامه مفر من دفع ال ٥٠٠٠



up 3 down 3
عبدالله الشفيعي 1278
قبل 2 شهر و أسبوع



السلام عليكم
هذا معمول فيه بكل بلد الخسران عليه مصاريف القضيه لانه هو السبب
لكن عندنا اول مره اسمعها
مثلا عندك مستاجر طلع روحك ولا يدفع اذا رفت عليه قضيه يحسبو اتعاب
المحامي وكافه مصريف القضيه عليه عشان كذا ما يتاخروا بدفع الايجارات
وحقوق الناس
وكذالك شركات التامين برا اذا ما صلحو بسرعه ترفع عليهم قضيه وتحملوا
كافه المصاريف يعني يكون المبلغ الف يصير عشرة الاف وعشان كذا شركات
التامين ما تماطل عندهم


up 2 down 1
ra3d777 304
قبل 2 شهر و أسبوع



مسوينها كانها عقوبة تاخير عندهم محاميين وعندهم كل شي يحسسونك انهم مستاجرين محامي من الشارع قمة النصب والاحتيال ابو مصير وتنمرد حلها عاد 


up 3 down 2
benz lover 68
قبل 2 شهر و أسبوع



مشكله لاحديت على الأقساط كل رواتبنا تروح بيوم وليله والمشكله الواحد اول مايتوظف يزنق نفسه بمتاهات مالها داعي الله يعينه ولد عمك خله يراجع العقد للعلم انا ماخذ اوريون من ابو لطفي أقساط وتالف اليوم الحمدلله على كل حال والخطأ على الطرف الآخر وبيعوضوني بوحده جديده اكمل الأقساط بس زادو 5 الف بالدفعه الاخيره وانا محتار أو يعطوني تعويض الدفعه الأولى 37 الف يعطوني منها 9 الف وش الحل ياشباب


up 1 down 1
صاحب الاوريون 2017 140
قبل 2 شهر و أسبوع



وانا دفعت 7 أقساط منها وقالو تكمل على أنها 7 أقساط بوحده اصفار نفس القسط بس زياده 5400 بالدفعه الاخيره

والدفعه الاخيره الاساسيه هي 31 الف ومع الزياده تكون 36 الف وخمسميه




up 0 down 1
صاحب الاوريون 2017 140
قبل 2 شهر و أسبوع



مرحبا سكودر

تبي العلم من وخبرة وتجربة؟؟
الفيصل بينكم العقد والعقد فقط

اذا مكتوبة في العقد نعم راح يلحقه وراح يحكم عليه بسدادها او ينسجن للأسف

اذا ماهي مكتوبة بالعقد خل ولد عمك اذا حضر هو وخصمه عند القاضي يكون محضر رده ودفاعه عن نفسه بشكل ممتاز ويتكلم بثقة وان شاء الله مايلحقه ولا ريال والاهم يذكر للقاضي أنها غير موضحة بالعقد

ومرحبا بك مرة ثانية


up 3 down 2
دكتوراه في الحب 247
قبل 2 شهر و أسبوع



المحامي مارفع القضية الا ودارس البنود وعارف بالضبط وجود الثغرة وين


up 2 down 1
يارب توفيقك 2014 1391
قبل 2 شهر و أسبوع



اكثر مااسمع من قصص رفع قضايا في المحاكم هو من شركات السيارات يعني الي ياخذ سياره اقساط من الوكيل سواء من شركة عبداللطيف جميل او هونداي او اي شركه اذا مادفع او تاخر عن الدفع تروح الشركه تشتكيه في المحاكم
اما الي يطلع السياره من بنك فاذا تاخر عن السداد فالبنك يجي يسحب السياره ويبيعها ويحط اسمك في سما يعني ياخذ حقه بيده
عكس الوكالات تاخذ حقها بالقانون والمحاكم


up 0 down 0
Pro rare 420
قبل 2 شهر و أسبوع



السلام عليكم
حبيت افيدك انه الشركات تتعاقد مع مكاتب محاماة عقود سنويه بمبلغ معين زائده نسبه على القضايا والمرافعات ولا اذا على كلامكم بمرتب ماتخارج معاهم

شوف عقدك ركز فيه وولد عمك هو اكثر واحد يدري بالموضوع وربنا يكون في عونه وعون جميع المسلمين


up 1 down 0
المدينه 300 719
قبل 2 شهر و أسبوع



المشكلة الاكبر ماهي الشركات ولا البنوك

المشكلة الناس مازالوا يأخذون تأجير منتهي بالتمليك

وأكثرهم ماهي ضرورة إنما رغبة

بعض الناس دوامه جمب البيت تكفيه سيارة ب 20 الف ويروح ياخذ سيارة فوق 100 او 200 الف فقط رغبة وحب كشخة ومظاهر

قبل فترة شفت جيب لكزس 2016 معروض للتنازل قسطه 5200 شهري واجمالي قيمته 520 الف!!!!

أليس هذا ضربا من الجنون؟!


up 8 down 1
دكتوراه في الحب 247
قبل 2 شهر و أسبوع