أضف سؤال أو موضوع جديد          

ملخص استخدام 4 سنوات حياكم

up 50 down 25
الرفاعي33 13680
قبل 3 شهر و أسبوع



السلام عليكم ورحمة الله وبركاته
ارحب باعضاء منتدى حراج
اعزائي المتابعين ناس كويسين
جايبلكم اليوم ملخص استخدام الكامري على مرور 4 سنوات منذ شرائها الى يومنا هاذا الاربعاء 19/2/1439
المواصفات مايحتاج اذكرها ولا بقول فل الفل
عشان بعض الاعضاء مايزعل ولا ياخذ في خاطرة
وبعض الناس مايعرف معنى استخدام امريكي
ومستحقرها واذا ماشاف علامة ابو لطفي على الشنطه
GLX ابدا مايرتاح ولا ينبسط
ويقول خايسة ولا لها قطع وحرارة ولا تخدم وتصرف بنزين وتنقص زيت
يعني بالعربي بمجرد تطريلة استخدام امريكي
يسب فيها وهو لاستخدم ولا جرب
ولا عمرة لف طارتها ،،،،،،،،،

نبدا في الاستخدام 4 سنوات
الموتر الان ماشي 400 الف كيلو عدا ونقدا
يوميا استخدمه من 150كيلو الى 200 كيلو استخدام بين محافظات الباحه
بالشهر من 5000 الى 6000 كيلو متر
نوعية البنزين استخدمت احمر وقلبتة اخضر
والحمدلله الصرفية هي هي والعزم افضل من الاحمر
وكلة نشاط وحيوية ؛؛؛؛؛؛؛؛؛؛؛؛؛؛؛؛؛

الزيت اغير كاسترول ماجناتيك 5w30
كنت اغيرة عند البنشري العلبة 33 ريال
لاكن بطلنا من البنشري
وتوجهنا للجملة واخذنا كرتون جملة 12 علبة
سعر الكرتون 225 ريال
يكفي تغييرتين كل تغييرة 6 علب مع السيفون لازيادة ولا نقصان
والفلاتر رحت الوكالة واخذت مجموعه 5 فلاتر
الفلتر ب40 ريال
الزيت من فضل ربي امشي علية من 10000 الى 12000
ولا ينقص ملي ماشاءالله الى يومنا هاذا ماتنقص المكينة
ومن الثقة ماشيك على الزيت الا مرتين على 6000
وعلى 9000.
واغيرة عند صاحب لي شغل يد 10 ريال فقط
والتوفير طيب؛؛؛؛؛؛؛؛؛؛؛

الحرارة هاذا اخر شي افكر فية
عقبات خطوط نزول طلوع ولا عمرها طلعت ماشاءالله
لاكن غيرت موية الرديتر قبل فترة بجالون اصلي
وبشكل عام امور الحرارة ممتازة ::؛؛؛؛؛؛؛؛؛::


القير ناس كثير تشتكي من القير سواء افالون او اوريون او نفس موتري
طقة ~~~حنة ~~~تفويت نمر ~~~ تخبيط
والله يالعالم ياسوء استخدام او اهمال
وعدم الانتضام على تغيير الزيت والفلتر
من فضل ربي القير مافية اي مشكلة
وممشى 400 الف يثبت ذالك
منتظم كل 70000 الف
فلتر مع جالون زيت مع وجه كارتير
وغيرته 4 مرات ..
واحد الله يذكرة بالخير اشترى نفس موتري جمرك
ورجلة حارة دعس مقاومات سرعه عالية
كان مايرتاح الا يشوف العداد على الفصلة
كان موترة ماشي بالميل 160 الف
ويوم من الايام عطاة سرعه الرجال على الفصلة
طبعا يفصل على 230 الف
جاء على بالة فكرة وحولة من التماتيك
الى العادي على سرعة 230
يعني يبي يوصلة 260 بالقوة
وضرب معه القير وبعدها اخذ فكرة ان القير مايتحمل
وجاني يقول اصبر بيضرب قير موترك
وبتبدا المشاكل معك واذكرك كان وقتها موتري ماشي 165 الف ميل
قلت طيب الوعد قدام
الحين ماشي 400 الف وقير شد بلد وكالة
مع احيانا ازر علية واسرع لضروف العمل
ولا مشاكل ولا حاجة : : : : :

بالنسبة للفلاتر محافظ عليها في وقتها
اما المكيف ربي لك الحمد
4 سنوات ماجيتة ولا قربته ولا صيانه ولا شي
تكييف ثلاجة وامورة طيبة وعال العال
والحوادث ياربي لك الحمد ولا صدمة
بودية زي ماطلعته من المعرض وكالة ؛--؛
اما تكاليف صيانتة كفرات زيوت من الى
اطلعها من قلبة الحمدلله يوميا اخذلي مشوار ابو 150
في الشهر اطلع 4000 نعمه وبركة ....

والله يكفيني وياكم شر الحديد
عموما استخدم الموتر واجلدة وعطه حقة ومستحقة
لاكن حافظ على زيوتة وفلاترة
اهم مافي الموتر الزيوت والفلاتر وبيعيش معك
حبيت اعطيكم ملخص سريع عن الموتر
وتستاهلون الطيب
ونشوفكم في مواضيع اخرى
في امان الله .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


أيضاً النافارا دايم يشكون من تخبيط المحرك...
وأنا شفت واحد في الإنستاجرام معه نافارا 2012 ماشي بها 494 ألف والمكينة شد بلاده.

يعني المحافظة بتخلي أي سيارة تخدم معك.


up 1 down 0
2007gx 201
قبل 3 شهر و أسبوع



ماشاء الله تبارك الله
اذا تسمح لي الاجواء في الباحة تساعد اي سياره انها تعيش دبل مدة سياره المدن طبعنا اكيد المحافظة لها دور
شخصيا 400 الف كيلو طيبه مقارنه بالتكاليف للي ذكرتها لكن ماهو غريب وهذا ما هو ترى استنقاص من موضوعك
يعني شيء طبيعي ولا هو مستغرب على سياراة تويوتا
واتمنى لك كل التوفيق


up 0 down 0
سلطان عصره
قبل 2 شهر و 2 أسبوع