الفحص الدوري

ارحب تراحيب
اية بالراحه يمديك ولا قية اي مشكلة

لا مايمديك ياخوي طلبون الاثبات والاستمارة ويقارنها بالبيانات المسجلة عندهم بالرياض ماتمر مافي امل 

بالرياض ماتقدر متشددين
غيرها ماحد يكلمك
جربتها كنت بشتري سياره ورحت بفحصها 
قال اثباتك قلت السياره اشتريتها
بفحصها وبقابل صاحبها ونسوي مبايعه
قال لازم المالك يجي
قال الا اذا معك مبايعه نمشيك

فحصت موتري في شهر 8 ولا طلب اثبات
عطيته الاستمارة وال72 ريال ومشيت
الا اذا فية تشديد هالايام على الاثبات
لاكن روحلهم مابتخسر شي ولا فيها تحقيق
مشت كان بها مامشت يجي راعيها

فجدة تمشي فحصت سيارت خويي ولاسائلوني عنه اهم شي ال٧٢

ياشباب في جده وكل مكان عادي

انا بنفسي جربت بالرياض وطلبوا الاثبات ورفضوا بحكم اني مو مالك السياره

مكتوب في مدخل الفحص الدوريه - لابد من حضور المالك او موكل منه او مكفوله
ولكن في الرياض لم يتطلب سوي الاستماره
وفي في معارض النسيم والشفا شخص ياخد السياره ويفحصها ب 100 ريال
الزبده جرب ما انت خسران شئ

مكتوب في مدخل الفحص الدوريه - لابد من حضور المالك او موكل منه او مكفوله
ولكن في الرياض لم يتطلب سوي الاستماره
وفي في معارض النسيم والشفا شخص ياخد السياره ويفحصها ب 100 ريال
الزبده جرب ما انت خسران شئ

فحص جنوب الرياض طريق ديراب دخلت موتر مب باسمي وفاضي جيتهم على الظهر والساعة 1:30 وانا ماشي من عندهم

بالنسبه للفحص الدوري بالرياض 

مره يفحصون حتى لو ماهي باسمك ومرات يرفضون 

لاكن اذا بتروح لهم روح وتكون الاستماره معك وقول لهم
انا شاري السياره توي الحين وجاي افحصها عشان 
أمنها وانقلها بسمي .. قول لهم كذا وراح يدخلونك الفحص
حاول تتكلم مع واحد سعودي داخل بالمكاتب عندهم. 
قوله انا شاريها وجاي افحصها عشان انقلها 

صارت قبل فتره لواحد من زملائي بالعمل راح لهم ورفضو
يفحصونها الا بوجود المالك وقال لهم انا شاري السياره 
من المعرض وجيت انقلها بسمي قالو لازم الفحص الدوري
وجيتكم افحصها لاتعقدوني عشان فحص انا خلاص شريت
السياره ودافع عربون باقي افحص وانقلها 

وواحد سعودي هناك قاله خلاص دخلها 
وفحص وخلصها.  
هم احياناً يعقدون واحياناً يمشون ولايدققون وراك 
بس اذا عقدوك كلمهم على انك مشتريها وقول لهم صاف سرى. 
من الصباح وبالاخير ترجعوني تكلم معهم وبيمشونك ان شاء الله 

بتاريخ 1/11/2017 رحت الفحص الدوري في الدمام والسيارة باسم اخوي وعادي مشت الامور تمام

لكن اللي يقهر رسبوها وهي مابها شيء سليمة من الصدام للصدام

اللي رسبت ان الاصطب الزاوية الامامي يتحرك حركة بسيييطة مرة

يعني بالله عليكم علشان اصطب يرسبوها !!!!

كاتبين في التقرير تثبيت اصطب زاوية + وزن النور الامامي !!!

وهي سليمة وموزونة لكن هم هدفهم يسحبون 24 ريال غصب عنك

طبعاً ديورت ورجعت مرة ثانية ودفعت مبلغ اعادة فحص ونجحت

ولقيت ناس كثير اعادو الفحص للأسف نصب واحتيال غصب تطلع وانت دافع 97 ريال

فحصت سيارات جدي امس في الرياض ، ولاكن هويته معي ،

اذا تفحص وهويه صاحب السيارة معك يمشونك عادي 

فحصت سيارة خويي الاسبوع اللي راح في الرياض .. ونجحت بدون مشاكل

بالدمام مافي مشكلة
دخلت سيارتين هالشهر ماهي بسمي ولا احد درا عني

عندنا في الدمام عادي,

فحصت سيارة اخوي و سيارة البيت. لا اثبات ولا شي بس الاستمارة علشان يدخل بياناتها عند الكابينة برا و تدفع 73 ريال.

الاخ Dark evil اي والله الفحص يستقعدون للواحد.

في 2009 والله الباث حقي رسبوها مرتين علشان وزنية فرامل مع انه فراملها كويسة مو ماسحة و ما تطلع اصوات.

مريت الورش اللي جنب الفحص واحد يمني ظبطها و خساير على الفاضي.  بس لو كنت ادري انهم انذال كذا كان والله ماسويت
شي غير اني بس اغير السرا.  لا بارك الله فيهم ثلاث مرات لين عدت وكل هذا في نهار واحد.