أضف سؤال أو موضوع جديد          

هل طيبتي معاه غلط

up 11 down 13
mjnonko 2
قبل 10 شهر و 3 أسبوع



السلام عليكم
عندي استفسار شاغل مخي
قبل لحظات صدمني واحد من الجانب
هو راعي كامري وكبير شوي بالسن ومعاه اهله وعياله
نزلت اكلمه لقيته يهاوش ويسب ويلعن
اناظر فيه وساكت وعايش جوه يصور ويقول الشارع مو حق ابوك و و و وانا اذكره بالله تعوذ من الشيطان

يقول امي وابني الصغير ضربو راسهم بالقزاز وانت تقل حياء المهم قلته الحين وش المطلوب
قالي لا تناقش وشوي يمد يده مسكت يده وابتسمت ب وجهه قلته اخلاقك ي ابوي
ولا ترفع صوتك مو اصغر عيالك ومن هالكلامم
رحت ادق ع نجم م يردون الرجال انفعل وقال تدفع لي ميه وبروح واذا ما دفعت الله لا يبارك لا ابوك ولا امك ولا يوفقك وما احللك ، قلته ي الطيب انا للحين معيشك جوكك قال هذا اللي عندي امك وابوك لو يدرون ع سواقتك م خلوك تسوق - ااااخ ع الكلمه بغيت اتلاعن معه بس عمره عمره كبيير قلته توكل ع الله وامي وابوي متوفيين راح ويهددني بالمرور وتهديد بتهديد
ب الله شسوي فييه ذا م ودي ازعله او اغلط عليه واجرحهه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله انت م غلطت لونك مديت يدك عليه ويحصل له شي م تدري يمكن معه مرض او قلب وتزيد حالته 

وش يفيدك لو مديت يدك عليه 

بس انت غلطك انك دامك معاك تأمين لاتشيل همه بلغ نجم وإذا م شفت تجاوب بلغ المرور وان الرجال يتطاول 

صدقني لا يوقفون معاك المرور لانه واضح يدري انه غلطان وشافك صابر يحسبك خايف انك غلطان 

بالعكس امورك طيبـه والله يوفقك وتحصلها عند رب العباد أجرك 



up 0 down 0
كراش ءء
قبل 8 شهر و أسبوع



مره واحد صدمني من ورا على طريق الملك فهد وهو يخيط بين السيارات ويسوق بتهور
قلتله أنا مسامحك.
مرمطني حدود ساعه وجا المرور وقلت قوله إني مسامحه.

طلع الحبيب عليه الغلط يبيني أصلح له سيارته على تأميني


up 0 down 0
hemo1001 30
قبل 7 شهر و 3 أسبوع