الي استخدم افالون من 2006الى2010 يعطينا تجربته جزاه الله خير

وعليكم السلام
الموديلات هاذي ممتازة وقوية وخدومه ومرغوبة
وصيانتها غير متعبة
والافضل تاخذ 2009 او 2010 النضيف منها خذة
قطع غيارها الوكالة عندك
البواجي سعرها 300 روديوم
فلتر الهواء 90 ريال
فلتر القير 150 ريال
فلتر المكينة 40 ريال
فحمات امامي 280 ريال
فحمات خلفي 220 ريال
الهوبات الواحد سعرة 350 ريال
مسامير التوازن الواحد 150
مساعدات kyb الواحد 210
هاذي اسعار بعض القطع
عموما من تجربة الموتر ممتاز اذا حصلت شي نضيف
ولا يهم امريكي او سعودي كلها من مصنع واحد
فرق اكسسوارات طبعا لصالح الامريكي

راي أنه موتر مر عليه زمن خلاص 2010 أنه يعني تقريبا ٨ سنين

وعليكم السلام ورحمة الله وبركاته إضافة لكلام الاخ الرفاعي 33
عذروبها القير بوكس ضعيف مايتحمل السرعات العاليه والمقاومات
وفي اي وقت ممكن يضرب عليك وسلامتك انت ومن يقرأ

اخوي الرفاعي انت متأكد من الاسعار ؟!
وهل القطع اصلية ولا درجة ثانية؟!
على كذا هيا ارخص من الكورولا

حياك بريك
القير مافية شي شفها معي لها اربع سنوات
مافية الا العافية وشد بلد حافظ على زيته وفلترة ولا بيجية شي
انت يابريك مخطي ماغطة سرعه فوق 200
وتحولة من التماتيك الى العادي وضرب معك
ومن بعدها اخذت فكرة ان قيرها مايجمل ولا يتحمل

متسوق حياك نعم متاكد من الاسعار
وممكن تحصل ارخص من كذا

ابقاك الله الرفاعي33 الفكرة مارح اغيرها حتى لوتغير زيته وفلتره بيضرب بيضرب
صح كلامك ضربَ معي وغيرته والان محافظ عليه اسايسه امشي 100 الى 120
واغير فلتر وزيت بس ما اوثق فيه نهائيا اما سيارتك ماشاء الله تبارك الله الله يبارك لك فيها لو تمغطها مثلي كان ضرب عليك
بس ماشاء الله عليك سواقتك هادئه

سيارة قيرها ضعيف و اي وقت يضرب عليك وما بتحصله مع التركيب بأقل من 10 الاف ريال مستعمل

قيمة سيارة ثانيه وش المميزات و الفخامه و الامان اللي فيها عشان اقول ماهو مشكله لو ضرب القير

اروح اغيره تشليح بـ10 الاف و يمكن يخدم كم شهر و يضرب مره ثانيه و ممكن سنه و اكثر ماله عمر

هههههههههههههه تبي العلم يابريك
والله لو معك حراثة ماتصبر عليك
ذيك الايام رجلك حارة وشغال سرعة ومقاومات
بس هالايام اشوفك مهدي ولا تنلام كلفك فوق 15 الف

عندي 2010 خدومه جدا مشاء الله لاكن با اذكر بعض العيوب
اول عبيب بالنسبه لي البصمه .
اذا ضاع الريموت الله يعينك سعره 950 لوحده بدون برمجه و المفتاح 250 وخذلك سطحه وقلت حيا فا انتبه للمفتاح وحاول يكون عندك
مفتاح اخر
العيب الثاني السياره نازل من الخلف بحيث اذا ركبت اشخاص معك بتحك بالمطات من الخلف وهذا ماهو عيب بحد ذاته عيب شوارعنا .
مع الاستخدام وهذا طبيعي الجلد خصوصا حق السايق يتقطع الحل توديه محلات المعالجه او تنجده
الشمعات غاليييه بالحيل غيرت وحده قبل كم سنه اذكر فوق ا1500 اصلي بدون المحولات
شمعات الزنون تحرق معك كل 3 او 4 سنوات هههه احس انه من الشركه اذا خربت وحده تخرب الثانيه الشمعات الزنون غاليه لاكن فيه جودات غير
الاصلي فيه نوع صيني مركبه من سنه تقريبا اسمه ياكي جدا ممتاز
فتحت السقف تصدر اصوات وهذي في اغلب سيارات تويوتا الحل اقرب محل يوزن لك التنده مع الوقت و المطبات ترتخي
بالنسبه لستاره الخلفيه تخرب مع الوقت او تعلق الحل تغيرها او تاخذ حق كامري glx من التشاليح
قطع الغيار فوق المتوسطه بشوي عندك فحمات وكاله مغيرها قريب 330 و 220 امامي و خلفي ذراع داخلي افتكر كان با 280 حولها
كرسي المكينه مغير قبل سنه وشوي اتوقع 560 حولها
الزيت الي استخدمه اما 5w30 ..10w30 كلها طيبه
السياره هاديه وراسيه جدا ولاكن فيه بعض الاشياء لو كانت موجود مدخل aux مافي الحل تغير المسجل بشاشه ولاكن جودة الصوت
ماتكون مثل المسجل الاصلي
نسيت اذكر بعد فتره الحساسات بتخرب عندك حساس الشكمان وتولع عندك لمبة التراكشن و المكينه الحل تغير الحساس مايحضرني
سعره .بالتوفيق

بانسبه لزيت القير غيرته عند 80 زيت فقط و 120 (ماني متاكد لاكن اتوقع 130)زيت مع فلتر مع تغير وجه كارتير وماشيه مشاء الله
تمام . القير ولله الحمد ماوجهة منه مشكله