شراء سيارة وصاحبها مسافر

وعليكم السلام
خلة يسوي وكالة خاصة للولد اذا معه هوية
طبعا الوكالة يجيلها رقم
بالرقم هاذا يقدر الولد يطبعها وتمشي الامور
يعني الوكالة والبيع والشغل كلة ماياخذ وقت
قبل العصر بكرة وانت منتهي اذا اوراق السيارة جديدة

وعليكم السلام ورحمة الله وبركاته

لو انتم في جده كان نقلتها لكم

اكيد في معارض في الرياض تنقل بدون كفاله

انا اقدر اطلع جدة لكن راعيها بالرياض والسياره عادي تطلع جده معاي انا وولده 

انا اقدر اطلع جدة لكن راعيها بالرياض والسياره عادي تطلع جده معاي انا وولده 

تواصل مع معارض مكة وكلمهم تلفون وقولهم السالفة لأن بعضهم يقولك خلي المالك يرسل فاكس بصورة الهوية ويكتب تحتها لامانع من نقل ملكية للشخص الفلاني

اذا المعرررض ضمن الشاري والبايع ينقلها
يعني لازم معرفه من المعرض
لان المعرض يخاف ينقلها ولاحقا يشتكيه البايع انه نقلها بدون موافقته
عندها يروح المعرض بعرض البحر
غرامه
قفل المعرض
بختصار
زي ماذكروه الاخوه
يا وكاله للولد بالبيع
او معرض يعرفكم ويثق بكم
او معرض ينقلها ويخاطر فيها

لازم وكالة من المحكمة للبيع

ترا الدعوه بسيطة كلم ابو الولد يروح الصبح لاقرب كتابة عدل ويكتب لولده
وكاله بيع وشراء نص ساعه وهي خالصه ويرسلها لكم وبكذا يكون كل شي رسمي
وترتاحون من مشورة المعارض والمطالب فيها عشان يمشيكم وانت تضمن حقك وهو يضمن حقه

السلام عليكم
بصوره الاستمارة يقدر أبو الولد يبيع السياره من الرياض
يعني انت أمن عليها وارسل له صوره هويتك وهو ينقل الملكيه من الرياض

لازم وكاله او معرض يعرف صاحبها

اذا مانقلت تواصل معي خاص بساعدك

كيف اقدر اتواصل معاك ؟؟ 

انا سيارتي شاريها من ولد عمي وهو سافر خارج المملكة
بعد كم شهر قررت انقلها ع اسمي
بالواسطه عمي كلم واحد في الرياض رسلت له الرخصة والاستمارة و الفحص الدوري
نقل السيارة خلال يومين من دون حضوري انا ولا حضور ولد عمي
انا في المدينة و هو في الرياض وولد عمي خارج المملكة