أضف سؤال أو موضوع جديد          

لمبه البطاريه شغاله من شهرين وما طفت

up 2 down 0



عندي كورولا 2011 لمبه البطاريه
شغاله من شهرين ومو راضيه تطفي
طبعا شغاله والنور حقها خفيف ماينشاف
الا في الظلام يعني يوم اشغل السويتش
وتظهر في الطبلون يكون نورها طبيعي
وينشاف في النهار لكن اذا شغلت السيارة
نورها خافت البطاريه وفي النهار ماينشاف
بس ينشاف في الليل لانه خفيف طبعا الدنمو سليم
والاسلاك كلها سليمه وش تتوقعون سبب ظهورها
واللي مجنني ان اظائتها خفيفه مو الاضاءة الطبيعيه ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يا الديمنو أو البطارية أو كتاوت الدينمو لحق عليها و صلحها ترى ممكن توقف عليك السيارة وسط الشارع
فجأة و صارت معي زمان في أكسنت 2004 تجاهلت لمبة البطارية و السيارة طفيت وسط الشارع


up 1 down 0



عندك ضعف في شحن الدينمو في النهار ماتستهلك كهرب يكون النور طافي وفي الليل لما تشغل الأنوار تستهلك كهرب والدينمو مايعوض النقص والسبب ضعف شحن الدينمو


up 2 down 0
aliexendr_8 85
قبل 10 شهر



كانت تشتغل معي في الليل اذا تعديت 120 الاضائه خفيفه مره والنور يرمش وتجاهلت المشكله وبعد فتره السياره طفت فجائه علي والحمدلله اني على مدخل ديره غيرت فحمات الدينمو وانحلت المشكله


up 1 down 0
كارينو 544
قبل 10 شهر



حياكم الله جميع اللمبه شغاله في الليل او النهار
مع المكيف او بدونه مع الانوار والمسجل او بدونه
بس اللي اقصده ان اضائة لمبه البطاريه ضعيفه
ماتبان في النهار تبان في الليل فقط ولا هي
شغاله سواء ليل او نهار والدنمو فحصته سليم
واسلاكه سليمه واصابع البطاريه سليمه واللمبه
شغاله لها اكثر من شهرين وسويت برمجه وما طفت
وفصلت اصبع البطاريه وماطفت


هذي فحمات الدينامو متآكله مع الايام بوقف الدينامو عليك تدارك الموضوع افضل


up 1 down 0
benz lover -63
قبل 10 شهر



الفحمات جديده مغيرها قبل شهر


لمبة البطارية ما عمرها ولعن على غير سنع
نصحناك و انت بكيفك


up 0 down 0



دام الفحمات جديدة الدينامو ضعيف غيره ماهوب تمام لا تقنع نفسك بشي خطأ


up 1 down 0
benz lover -63
قبل 10 شهر



الحقيقه كنت اظن ان سبب الاضاءه دايم الدينمو.   الي ان ولعت عند احد الشباب
معه ددسن. ف ذهب لكهربأئي جيد. ووجد سلك طايح.       وبعدها ماولعت
فعليك بفحص الدينمو قبل كل شي.  لانه هو المتهم الرئيسي. ان كان سليم
شق يمكن سلك طايح


فحمات وكتاوت الدينمو


up 0 down 0
anosi 1165
قبل 10 شهر



الفحمات تجاريه الي مركبها عشان كذا ماتطفي اللمبه


up 0 down 0
d7ooom777 450
قبل 10 شهر



فحصت كمبيوتر ولا لا ؟ افحص وممكن يطلع لك الخراب


ما قصرتو جميع وتم حل المشكلة ولتعم الفائدة

طلع السير مرتخي شديته وطفت اللمبة الحمد لله .


جزاك الله خير على النصيحة 
لما تفكر بعض الاحيان تجد ان معظم المشاكل حلها بسيط جداً 


up 0 down 0
nasser1430 859
قبل 10 شهر