استفسار بخصوص استخراج رخصه بعد التصريح

ما اتوقع فيه غرامه لان الرخصه مفصوله عن التصريح يعني الرخصه شي والتصريح شي ثاني تماماً
حسب ما اذكر تاخذ صور شمسيه 4*6 اربع وتصور اثباتك وتاخذ ورقة من عندهم فحص نظر وتروح لمستشفى حكومي تفحص
وعينة دم وتدفع رسوم الرخصه بس

انا طلعت تصريح عام ١٤٢١ الله المستعان
و نسيت اذكر الوالد على وقتها مرت اكثر من سنة
مريت المرور طلعت رخصة بدون اختبار
لكن اذكر فرضوا علينا غرامة تطويف سددها الوالد مع رسوم تجديد الرخصة

مدري كان النظام تغير مالك الا تجرب من ابشر كل شي الكتروني الحين
وقت الدفع يبين مع الرسوم اذا في غرامة تطويف

قصدي رسوم اصدار رخصة خصوصي لعمر ١٨

تسدد رسوم الرخصه وتروح المرور وتعطيهم التصريح ويعطونك الرخصه في خمس دقايق الصوره يحطون الصورة الي في بطاقة الاحوال

يعطيكم العافيه
ما قصرتم
شكرا لكم

اخوي بسام الله يسعدك عطنا خطوات تخريج تصريح وبكم سعرها السنه

ابشر بسعدك يا صاحب الاوريون
اولا جب معك ١٠ صور شخصيه حديثه
صوره من الهويه وخل معك الاصل
روح لاي مركز تدريب مثل مركز الشميسي عندنا بمكه
المهم روح لهم تاخذ ورقه تعبي بياناتك وتروح المستشفى او اي مركز صحي قريب من المركز وتسوي فحص نظر +فصيله الدم
والدكتور يكتب في الورقه الفصليه والنظر
المهم تخرج تروح ترجع للمركز تعطيهم الاورواق يعطونك ورقه تروح الميدان يشوفونك تعرف تسوق الموتر ولا لا كبدايه يعني مثلا قير عايدي تقدر تحط بالاول والثاني تعرف تقوم الموتر يعني بدائيه
اذا شافوا وضعك تمام ترجع تعطي الورقه للعامل اللي على الكمبيوتر يقلك تبي دوره تدريبيه في الصباح ولا في العصر ؟ طبعا هذا شيء راجعلك
المهم اذا اخترت تقوم تدفع من ٣٠٠ الى ٣٨٠ تقريبا ماني متذكر بالضبط المهم ما تتعدا ال ٣٨٠ ريال تدفها يقوم يعطيك ورقه هذي الورقه لا تضيع منك ابدا حافظ عليها
المهم تجي على الموعد اللي اخترته انت يا صباح يا عصر المهم الدوره ذي مدتها اسبوع كامل وبعد اسبوع من الدوره يا يوم الاحد او الاثنين يسون لك الاختبار
الدوره هي يومين داخل الغرفه تتعلم الاشارات المروريه ويعطونك ورقه مكتوب فيها كل الاشارات المروريه مع الاسم الخاص بها و٣ ايام ميدان تتعلم القياده وتتعلم كيف تاخذ الاكس والثمانيه
وبعد اسبوع يقولون لكم تعالو مثلا يوم الاحد اختبار تعال بدري ومن ذاك الهرج المهم انت يوم تروح لهم روح متأخر شوي لكن اذا جيت بدري الله يعينك عالزحمه اذا جيت متأخر يمشونك على طول يبغون الفكه منك المهم يوم تجي تاخذ السياره وتاخذ الاكس والثامنيه وراح يعلمونك بذي الاشاء في الدروه *حزام +اشارات + لا تركب رصيف + لا يطفي عليك الموتر .
انتبه لذي الاشياء
تخلص من الموتر تروح للعسكري يقلك روح اختبر كمبيوتر تروح لغرفه كلها كمبيوترات تروح للعسكري اللي برا يقلك تروح لاي كمبيوتر وتختبر فيه الاشارات المروريه كل الاسئله اختيارات و ٢٠ سوال لا تغلط اكثر من ٥ غلطات عشان لا ترسب ولكن ترا الامر جدا جدا اسهل مما تتوقع وبالعكس خذ السالفه كانها وناسه لا تشد على نفسك ومدري ايش المهم اذا نجحت في الكمبيوتر والميدان
يعطيك ورقه يقلك روح للعسكري اللي بالغرفه تروح للغرفه تعطي العسكري الورقه تدفع مسه ريال رسوم استخراج تصريح تدفعا وبالكثير نص ساعه والتصريح عندك
الوضع جدا سهل اتمنى اني وصلت لك صوره شبه عامه
والله يوفقك

الله يسعدك ويرضى عليك ياغالي عطيتني العلم تسسللم

ويسعدك ربي ويسلمك ربي