الحل مع مكتب تاجير

المفروض مايتصرف في سيارة غيره 
كان لمع الحكة  وراحت او قلم بوية 
بس الحين المكتب يحق له يطالب انك صلحتها بدون ورقة اصلاح

اذا ماقفلو العقد. بيسوون له مشكله. 
يخلونها تحسب اجار عليه 
ويطالبونه بالمبلغ. 
ويرفعون عليه دعوه بالمحكمه ويسوون له ايقاف خدمات
واستدعاء. 
ياخي مكاتب التاجير مشاكلهم كثيره. مع الناس 
ومعقدين ويرفعون عليك دعوه بالمحكمه ويوقفون 
خدماتك عشان 200ريال او300ريال. اذكر قبل 
كم يوم واحد نزل موضوع عن مشكله مع مكتب تاجير 
رافعين عليه قضيه والمحكمه وقفت خدماته. 

الحل  يدفع لهم. ويقفلون العقد ويقول حسبي الله ونعم الوكيل
لان الحين هو غلطان يصلح  السياره. لوكان عطاهم وافتك 
شرهم. لان مكاتب التاجير حقين مشاكل. لايعلم فيها الا لله 

والله يكون بعونه عليهم 

مشكله الباكستاني اذا شغل مخه
لازم يجيب العيد لو انه دافع لهم وساكت ابركله
بدل فلسفته رايح يرش باب سيارتهم

هو يقول سويت لها بولش بس مو صبغ
يقول هي مرشوشه من اول مو معاه الرش
لكن حكتها سيارة سودا بالمواقف وصار عليها سواد منها بس

اقص يدي اذا مايحط المصري القروش بمخباه عشان كذا دايم ياشباب عليكم بالتامين الشامل الفرق ١٠ او ٢٠ فقط ماتسوى ادفعها وارم المفتاح بوجهه لا جاها شي

قبل فتره خربت سيارتي واستاجرت افيو من مكتب زباله لمدة يومين وانا راجع من
الدوام سمعت صوت طقطقه بالمكينه ومباشره اتصلت بالمكتب وكلمت المصري وقالي مرني وشافها 
وكلم صاحب المكتب قال صلحها انت او ما راح نقفل العقد وبنصلحها وبنطالبك بقيمة التصليح والله ورحت للورش اغلبهم قال توضيب 
المكينه وبعد ما فقدت الامل مريت اخر ورشه وقالي المكينه مافيها شي هذا رمان الدينموا عطلان شريته ب ١٥ ريال وشغل يده ب١٧٠ 
وصلحتها ومباشره رجعتها للمكتب مع ان كان باقي لي يوم وتعلمت من بعدها ان لو اروح امشي لدوام ولا استاجر سياره من محل زبالة وابتلش فيها 

كم سمعنا مثل هذي القصص من مكاتب التأجير الغير معروفة والي مالها اسم في السوق, فنصيحة لاحد يستكثر عشرين ولا خمسين زيادة
عشان مايستأجر من شركة معروفة ولها اسمها في السوق بدون ذكر أسماء اعتقد الكل يعرف الشركات الكبيرة
الحين مثل ماقال اخونا بيخلي العقد مفتوح والتفويض مفتوح وتحسب على الرجال اذا ماحل الموضوع معهم وفالنهاية بيدفع اكثر
الي هو قيمة الاصلاح وقيمة الايجار في الايام الي فيها العقد مفتوح

الله يعين 
اذا جيت تستاجر سيارة
احرص ان يكون تامينها شامل وتاكد بنفسك من التامين
وثاني شي تاكد ان المكتب معتمد من وزارة النقل 
وقدر الاامكان انك تقراء شروط العقد قبل التوقيع
وباالتوفيق

الله يفرج كربتك ياصاحب الموضوع
ياخوان نصيحة مجرب لانستاجر سيارة الا اذا مرة محتاج ومن شركات كبيرة زي لو كنت في المطار واحتجت سيارة غير كذا انتبهوا انتبهوا تتورطوا مع ذولا المكاتب النصابين حسبنا الله ونعم الوكيل فيهم

نصيحة مجرب لا تستأجر الا مكاتب معروفة تخاف على سمعتها 
وتسعى لرضا العميل مثل بدجت وذيب ..الخ
المكاتب المغمورة ما عندها شي تخسره
ممكن يمرمطوك على شي ما يستاهل ولا تستغرب يوصلوها محكمة 
ومطالبات مالها آخر 

مره جلست اسولف مع عامل بمكتب تاجير يقولي اذا حقدت على واحد لانه مثلا ما بخششني بفلوس او كان اسلوبه مو حلو معي
اخذ السياره وقت تسليم السياره عشان افحصها قبل اقفل العقد يقول اخذها وادخلها الحاره واحك فيها سياره او جدار وارجعها
واقوله انت حكيت فيها يالله ادفع ولا ما اقفل عقدك !!!

اللي يبي يستاجر ياخذ من محلات معروفة زي ذيب ، بدجت ، الافضل ، المفتاح ، إلخ .

او خذها من المطار ارخص لك واضمن موديل السنة وحطها تامين شامل بزيادة 15 الى 20 ريال يومي.

لازم يتفاهم معهم ويقفل العقد لان العداد ماشي عليه وكل يوم تزيد
ولو صار اي مشكله في السياره تحت مسؤوليته
لازم ينهي العقد ....