أضف سؤال أو موضوع جديد          

خرط الهوبات وما أدراك ما خرط الهوبات

up 8 down 4
nasser1430 775
قبل 3 شهر و 2 أسبوع



السلام عليكم 
قبل شوي جيت من ورشة بصناعية الخليج شرق الرياض 
غيرت فحمات امامية وخلفية السيارة كورولا ٢٠٠٨ الفحمات الامامية منتهيه تماماً لدرجة تسمع صوت 
الفحمات وهي تحك بالهوب على بعد ٦٥ كيلو <<< امزززح .. بس الصوت واضح فاضح وبصراحة خطير .

اما الفحمات الخلفية فيها تقريباً ثلث عمر لكن قلت دام اني رايح للصناعية خلني اغيرها مره وحده و أرتاح 
الشاهد في الموضوع اول ما فك ابو فلبن الكفرات على طول قال ( اووووووه مشكلة كبيره لازم هادا مخرطه ) 
قلت له يا بعد شرايين قلبي انت سوي صنفره وبس بلا مخرطه بلا كلام فاضي .. طبعاً ما قلت هالكلام الا بعد 
ما شفت الهوبات وفحصتها وعرفت انها سليمه بس يبيلها صنفره بسيطة وتنظيف وبس .

وقام يطلع لي مشاكل بالسيارة يبيلها ويبيلها شككني اني شاريها من سكراب او تشليح .. قلت بالله روووقني 
رح شف شغلك او شف لك انسان جايب فلوسه من الشارع .. موتري وفاكه وكالة وعارفه مسمار مسمار .
طبعاً صيدتهم الدسمه اذا شافوا انسان عليمي او جاهل او صغير سن او شايب لعبوا فيه لعب ما يطلع من 
عندهم الا نافضين محفظته ومنظفينها من الفلوس تماماً .

وابشركم بعد ما ركبنا الفحمات الجديدة لفيت نص الرياض لا رجه ولا اصوات والحمد لله .
فانتبهوا من لف و دوران ونصب الورش والله لو تجيب لهم سيارة طالعه من الوكالة حطوا فيها بلاوي الدنيا كلها . 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صدقت 

المشكلة عند بعض الورش المخرطة الصغيرة يسويها لك وتخرب الهوب وتحتاج تروح به للمخرطة الكبيرة

الغالب مع تغيير الفحمات مايحتاج خرط هوب الا اللي واضح انه يحتاج


up 1 down 0
سرطوقا 79
قبل 3 شهر و 2 أسبوع



هذا شيء معروف من زمان يبونك تصلح لأنه يأخذ نسبة على كل تصليح خاصة ( فلبينو ) . . . .

لأنه يعمل حسب النظام ويعمل براتب ولا يعمل لحسابه الشخصي مثل بقية الجنسيات . . . .

يعني لو موديها لهندي أضمن لك ماقام وقال لك هذا خراب وهذا خراب لأن قيمة التصليح الأول كلها بمخباته

ولا هو بحاجة لزيادة شغل على نفسه لأن الورشة كلها له . . . . .

لكن الفلبيني زي ماقلت لك ماله إلا راتب ويآخذ نسبة على كل تصليح والباقي لجيب صاحب الورشة . . . .

فهم مثلنا في التفكير ماهم راعين تجارة ومخ ومسؤولية . . . . .فلذلك ممكن يخترع لك خرابات عشان تزيد نسبته . . . .

فلبينو والله لو هم راعين تجارة ومخ مثل اليمني والهندي شرط ياورش السيارات يسيطرون عليها سيطرة . . . . .


up 0 down 8
خارج الوسط الرياضي -7
قبل 3 شهر و 2 أسبوع



صحيح في الغالب ما يحتاج خرط هوبات خصوصاً اذا ما فيه رجه اثناء السواقه او استخدام الفرامل والوقوف المفاجىء 

المشكلة دبلوا اسعار شغل أو أجرة اليد  دبل وثري ... يعني قبل سنة ونص غيرت الفحمات تقريباً بـ ٨٠ ريال اما هالحين 
يكلمك من طرف خشمه ويقول ١٩٠ ريال ومن ورشة للثانية يالله حصلنا واحد بـ ١٤٠ ريال ونفسه خايسه كأنه يشتغل ببلاش 



up 0 down 4
nasser1430 775
قبل 3 شهر و 2 أسبوع



شكله ضاحك عليك سلامات 190ريال
وحتى ابو 140غالي
توني مغير طقم امامي شغل يده50ريال
والخلفي نفس الشيء المجموع100ريال
وفلبيني بعد لو مكاسره كان 80ريال خلفي امامي


up 4 down 2
d7ooom777 812
قبل 3 شهر و 2 أسبوع



تعرف على ورشة وخليه صاحبك وكل مرة تروح لعنده يراعيك وتستفيد انت وهوا
الحمدلله ربنا وفقني في معرفة ميكانيكي ابن حلال وكل ما اصلح سيارتي اروح لعنده ومرات اروح له كذا بس ادردش معاه واشرب شاي
وكم من مرة صلحت سيارتي عنده وهو عارف انا باحث عن عمل ما ياخذ مني فلوس بشرط اشتغل انا بنفسي ^^ وغير اذا كنت طفشان اروح له واجلس اتعلم منه حاجات خفيفة


up 2 down 0
ryyan555 589
قبل 3 شهر و 2 أسبوع



انتبهوا من الاسعار حتى لو ماتحتاج خرط هوبات تغيير القماش من 50 الى 80 ريال فقط

غير كدا غالي و لا تعطوا مجال للنصب لان فك و تركيب و تنسيم
مافي شغل زايد في تبديل القماش


up 2 down 0
mustafa77 6103 197
قبل 3 شهر و 2 أسبوع



لا والله مو ضاحك علي ابو فلبن ولا غيره لكن السيارة لاخوي وقلت له بندور ورشة اقل سعر 
قال ما ابي ادور قلت ذولا حراميه وانا عارف ان السعر ما يتعدى ٨٠ ريال ان طق بوزه 
لكن اخوي من الناس اللي عجل على ايش ما ادري ؟!؟! 

لكن ما طلعت الا وهو مشيك على الفحمات وتركيبها مو يسويها سلق بيض ويقضبك الباب 
واخذت فاتوره على شغله علشان لو يصير شيء ( لا سمح الله ) اسحبه من خشمه .

وابشرك خبرتي في الميكانيكيا والكهرباء حلوه .. لكن ما عندي العده الكاملة بحيث افك واركب 
بسهوله وفوق ذلك عندي انزلاق غضروفي في عدد من الفقرات ولا اقدر اطووول في اي شغله .
والا الشغله بسيطه ولا فيها صنع صواريخ او اختراع ذره .


up 1 down 1
nasser1430 775
قبل 3 شهر و 2 أسبوع



طبيعي ترتفع الأسعار بعد فرض الضرايب على العماله

صاحب المحل ما راح يدفعها من جيبه وكذلك العامل فما قدامهم إلا سلخنا


up 5 down 0
saadsmb 114
قبل 3 شهر و 2 أسبوع



وحبت اذكر حاجة اذا الورشة مو للعامل نفسه او اصحابه وشلته راح يرفع السعر علشان يطفش الزبائن 
اما اذا كانت له فتلقاه يعطيك سعر حلو .. يعني غبن الصراحة .. تشوف بام عينك انه اذا كانت الورشة 
للسعودي خسروه بتطفيش الزيائن والعملاء برفع الاسعار والنفس الخايسه والتخريب .


up 1 down 0
nasser1430 775
قبل 3 شهر و 2 أسبوع



فرض الضرائب على الاجانب استفادت من الدولة ( الحكومة ) 
واصحاب الشركات والمحلات وقس على ذلك والعمال الاجانب بيرفعون الاسعار ويعوضون من ظهورنا 
يعني حنا صرنا بين المطرقه والسنديان .. والجاي ابشركم اعظم .. بس شويت صبر 


up 2 down 1
nasser1430 775
قبل 3 شهر و 2 أسبوع



صادق ياخوي 

هذا طبع اغلب الورش كذا. اي شي تجي تغيره 
يطلعون لك مشكله ثانيه. مثل ماقلت خرط هوبات. 

ولو تروح تغير زيت مكينه في بترومين. يجيك العامل. 
يقولك. زيت القير يحتاج تغيير. حتى لوكان جديد. 

ولو تروح تغير بواجي. يقولك غير اسلاك وفلتر هواء وسوي
تصفيه ومن هالكلام. وهي سليمه مافيها شي. 

هذا اغلبهم. كذا. 


up 1 down 0
سبحان الرازق سبحانه 2382
قبل 3 شهر و 2 أسبوع



خرط الهوب كذبه ابكترها اصحاب الورش الهوب يتغير فقط اذا صار فيه اعوجاج او شرخ او كسر اما الخرط مامنه فايده يضر الهوباكثر من انه يفيد

وفر دراهم وغير الفحمات والفحمات الجديده تضبط الهوب


up 1 down 0
ابو عزوز8 401
قبل 3 شهر و 2 أسبوع



اخي الكريم صاحب الموضوع حفظك الله

في بداية موضوعك تقول الموتر لك وفاكه وكالة وبعدها احد الاخوان رد عليك وقال ضاحك عليك صار الموتر لأخوك

ممكن توضيح بارك الله فيك


up 0 down 0
مليحي 163
قبل 3 شهر و 2 أسبوع



7 أشخاص مسوين لي ديس لايك . . . . . شكل خوالهم فلبينوا ههههههههههههههههههههههههههههه


up 0 down 0
خارج الوسط الرياضي -7
قبل 3 شهر و 2 أسبوع



معروف الخرط اعدم هوبات الكابرس عندي وشريت من التشليح والواحد يصير يغير الفحمات اول مايطلع الصوت على طول وهي تصنفر الهوب وتضبطه مايحتاج خرط لعبوا علينا


up 0 down 0
فيصل طلال... 155
قبل 3 شهر و 2 أسبوع



الاخ مليحي بارك الله فيك .. ولا يهون باقي الاخوان 
انا لما قلت الموتر فاكه وكالة وانه لاخوي القصد اني انا واخوي اشترينا الكورولا على وقتها موديلها ٢٠٠٨ 
واستخدمتها انا واياه بحكم قرب عملنا من بعض لين الله سبحانه فرجها وانعم واكرم علينا من واسع فضله 
وشريت لي موتر ... ويوم اقول اني اعرف الموتر مسمار مسمار لانه استخدامي انا واخوي وصيانته عارفينه 
جميع من الصدام للصدام .
اما مسألة رد احد الاخوان بالضحك .. فهو يقصد ان عمال الورشة اللي غيرنا عندهم الفحمات ضحكوا علينا 
بالسعر .. ويخسون الا هم انهم يضحكون علينا بس رأس اخوي يابس اقول له تراهم غالين ونصابين قال ابي 
اصلح الموت. وافتك لو غالين .. عاد وش اسوي اخوي ولد امي وابوي ولا قدرت اجبره وخفت يزعل مني .


up 0 down 0
nasser1430 775
قبل 3 شهر و أسبوع



تعديل ^^^^

قال ابي اصلح الموتر وافتك لو غالين **


up 0 down 0
nasser1430 775
قبل 3 شهر و أسبوع