صوت خشخشة عند تشغيل السيارة لثواني وتناقض بالكلام بعد الفحص

ورشتين مايكفي.  قل وش السبب اعرف المشكله
بضرب لك مثل بسيط.     لي المكيف يخرب.  يقول لك واحد اكبسه نكبسه لك.  هل هذا حل.   لا.  
لانه الكبس مؤقت. وش الحل.    تغيير اللي وارتح خلاص 
لانك بتكبسه مره مرتين ٣ وتضيع وقتك.      
هذا مثال.  فاعرف البلا من ١٠ ورش  عشان تقرر.   احيانا علاج مؤقت. احيانا تشخيص خاطئ.     الافضل.  حل المشكله
من جذورها.       ف مر كذا ورشه وافهم كيف وليش  ووش الافضل بين هال١٠ ورش اكيد بتطبح في واحد فاهم السبب والحل
ومنها تعرف التكلفه.  هذا ما افعله.  بس انا الصباحيات غالبا فاضي.      مناوبات مختلفه
اروح الصباح القاهم مصحصحين  وفاضين. ولا عندهم زحمه ٧/٣٠ وانا محضر عندهم

اشترط على الميكانيكي اذا ماراح الصوت. يتحمل القطع وشغل يدة.

ماودي احطمك لكن صوت احتكاك شي مو سهل انا كان عندي احتكاك كذا مثلك بعد ربع ساعة من ايقاف المحرك ويروح 
بعد اشهر صار الصوت معاد يروح عموماً لا تسافر على السيارة لين تتاكد
من الخلل 

نفس الوضع كان بسيارتي كورولا 2012
عرضتها لكم ميكانيكي اللي يقول كمبرسر واللي يقول سير واخر واحد قال شخال كنداسه
تركتها على الصوت وفجاه وانا امشي طاح العزم يالله تاصل 120 وزاد صوت الحكحكه
وشافها ميكانيكي محترف وقال الجنزير لكن ماغير الا تكايات وشداد وصوفه على كلامه يقول لو تركتها اكثر يخرب عليك البلوف
وصلحها وضبطت الحمدلله
بس كلفتني حول 1400 ريال القطع 600 وشغل يده 800

وش هي السيارة اتوقع سيارتك كامري

الكامري من موديل ٢٠١٢وطالع طبيعي الصوت

عبدالله الشفيعي:
هذا الله راح اسويه ان شاء الله 

احمد-حائل:
قالي الي يفحص ان اكثر السيارات الي يجيها هذا الصوت هي الكامري والكورلا وتقريبا هم قالوا لي نفس القطع الي ذكرتها لكن هل يضر فتح المكينة وهل العزم خف بعد ماغيرت او بس راح الصوت؟

2alool :
سيارتي كامري، ونعم بحثت بمواقع كثيرة ولقيت ناس كثيرة سياراتهم كامري او كورولا وعندهم هذا الصوت لكن الخوف تجيب العيد فيك اذا استمريت عليها 

لاوالله رجعت طبيعي والصوت اختفى
وراني تكايات الجنزيره بلاستيك وهذا عيب تويوتا الجديد
حوالي ميتين الف كيلو لازم تغير
هو مايفك المكينه كامل بس يفك الصدر

ياطيب بلنسبه لصوت الخشخشه بعد الوقوف الطويل والمكينه بارده
هذا طبيعي لان الزيت ماطلع واول مايطلع الزيت ثواني فقط يختفي الصوت ولونطفي وتشغل مره ثانيه ماتسمعه فقط عند الوقوف الطويل وبرودة ابمكينه وكلها موجوده بسيارات تويوتا بنواعها
واما صوت الطقه من النمره الاولى الى الثانيه فهي ليس الثانيه بل في الاولى وهي ليس القير بل صوت التراكشن عند بدايه الانطلاق ولو قف بعدها ومشيت لاتسمعها موترك مافيه غير العافيه وسباكين الورش والوماله خلهم عنك 
وخذ العلم من خبره في الكامري وشغلي بمجال السيارات