تم حل مشكلة الحرارة ولله الحمد...

بسم الله الرحمن الرحيم
اول شي حبيت اشارككم موضوعي يمكن حد يستفيد منه
انا متدرب فالكلية وبين المحاضرات اروح لسيارتي اجلس فيها
المهم اشغل المكيف تخبرون حر الله يعين ويبرد المكيف اموره طيبه ثلج
وبعد 10 دقايق الى ربع ساعه تبدا المعاناه ترتفع الحراره توصل نص وبعدها
يخف التبريد واطفي المكيف بس اذا مشيت تبدا ترجع ربع يعني مع الوقوف بس
المهم طفشت منذي الشغله واروح العصر لقطع الغيار واحصل مروحه صينيه مقاس 10
تركب ع الكرس خذيتها ب 60 ريال ههه المهم رحت لكهربائي بس للامانه شغله تمام
قال بركبها ب 120 قلتله انا ادرس يارجال ومن ذا الحكى وشوي وابكي هههه المهم النهايه ب 90 ريال
وركبها قدام الرديتر جهت الشبك الامامي وشبكها مع الكمبروسر يعني تشتغل مع المكيف بس وركب كتاوت
وفيزوات اشهد انه ممتاز المهم مصدقت يجي بكره عشان اجربها مع الظهر وللامانه وقفت ساعه كامله والحراره
واقفه ربع وارتحت والله ولهالحين قدلها اسبوع وكلشي تمام.التكلفه 150 ريال لاتروح تلعب فالطرمبه ولا فالبلف ولا شي
ودمتم بخير ان شاءالله ... هههه سلام