نستفيد من خبراتكم حياكم

اذا عندكم حراج. وقف فترات فراغك فيه
اكتب رقمك واكتب لنقل الاثاث على خلفية السياره.  محل الاثاث سوف يتصل بابن بلده الافغاني الباسكتاني
البندلاقيشي. ايا كان.  ولن يتصل بك.    الا اذا اغريته بنسبه. مثلا لك ١٠ بالميه او في ال ١٠٠ لك ٢٠
محلات الاثاث الفخمه لاتتعب نفسك هم يوصلون ويركبون مجانا
عليك بالحراج
مع اني اذكر مره شريت دولاب واكتشفت ان التركيب والنقل مدمج مع الفاتوره
لانه يوم قلت مستعجل قال شيل وركب انت ونخصم لك.   
اجتهد واعمل دعايه لنفسك.  لكن. لاتنسى تحط رقمك في مكان بارز خلف سيارتك به رقمك
والله يرزقك ويوفقك ويزوجك

مشكور اخ عبدالله

انت يبغالك توزع ارقامك على محلات الاثاث والبلاط وتفرفر بالشوارع ( اهم نقطه الفرفره ) وتلاقي احد يأشر لك . والشغل ماهو بيوم وليله . يبغالك كم شهر لين الناس تعرفك وتخزن رقمك وتتعود عليك .
لا تتحطم وتصير نفسيتك تحت . تحمد ربك ما عليك رسوم مكتب عمل وجوزات وتأمين وغيرها . والسوق واقف الان . انت بس بنزين وزيت .

اضيف . روح عند اهل الحلال والسودانيه او تعرفلك واحد عنده حلال يوزع رقمك عندهم ...بعضهم يكون مسافر لشغله او بعيد . يحتاج دباب ياخذ له برسيم وشعير من االحلقه للزربه . وانت تاخذ مشوارك سواء يحولك كامل المبلغ وانت تشتريه او يوم تنزل تاخذ حقك كامل .