أضف سؤال أو موضوع جديد          

مشورتكم في كامري 2001 جراندي

up 4 down 1
ماجد الاحمري 154
قبل 3 سنه و 6 شهر



السلام عليكم
يا الربع مالكم بالطويله
انا ادور سياره كمستخدم 
لقيت كامري 2001 جراندي فل كامل لونين
السياره مرشوشه كامل للتجديد فقط بدون صدوم
المكينه متغيره
القير عادي
مواصفاتها جداً رائعه بالنسبه لـ موديلها
كم تسوى؟
وشكراً







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نصيحتي  لك خذ  موديل  احدث   اما  عن  سعرها  5 الاف  اذا  نظيفه   


up 1 down 9
سمرمد 234
قبل 3 سنه و 6 شهر



افضل ماصنعت اليابان افحصها اذا نظيفه وسالمه من الصدوم خذها بس بتتعب في توفر قطع الغيار واذا حصلت فالسعر دبل سعر مديل 2015


up 1 down 3
بريق الرياض 258
قبل 3 سنه و 6 شهر



هذا هو اللي مخوفني منها
قطع الغيار
ولّا الموتر كفو


up 0 down 0
ماجد الاحمري 154
قبل 3 سنه و 6 شهر



مواتر قوية حيل ومتوفره قطعها لكن الاصلي غالي 
لكن ال 6 سلندر يخافون منها 
واذا سعرها فوق ال 14 الف نصيحه اصرف النظر عنها 



up 1 down 0
شمهرووش 121
قبل 3 سنه و 6 شهر



بحكم تجربتي لكامري 99 4 سلندر 


up 1 down 0
شمهرووش 121
قبل 3 سنه و 6 شهر



الله يكتب مافيه الخير


up 0 down 0
ماجد الاحمري 154
قبل 3 سنه و 6 شهر



شراها رفيقي ورده ب23
لاكن موتر محافظ عليه من مستخدمه السابق
اخذت عليها لفه ماشاء الله متعه جوده مكيف ثلج تذكر الماضي الجميل
والان يتردد عليها
.. الكامري اللي حصلتها ياخونا ماجد اذا حصلت نظيفه غاليه . مع اني ماحب القديم
شوف لك 2006 نظيف اهم شي النظافه والمديل لو تنزل لدرجة الكورلا


up 0 down 1
امير الاصيل 1714
قبل 3 سنه و 6 شهر



قطع غيارها متوفره وبكثره 

اذا السياره نضيفه لا تضيعها 

النضيف منها بودي بلد يوصل ٤٠ 


up 2 down 5
الامير2007 40
قبل 3 سنه و 6 شهر



الكامري عموما جيدة الى موديلات حديثة.

ونصيحة 2001 اذا تبغاها خطوط وسفريات راح تتعبك الخرابات والصيانة.

دور لك موديل حديث افضل.


up 1 down 0
بوحمد4445 91
قبل 3 سنه و 6 شهر



المكينة وحدة من 98 الى 2006


up 0 down 1
النمر606 106
قبل 3 سنه و 6 شهر



اللي يقولك ال ٦ يتعبك وحق خرابان يتفي من راسه 

انا معي ٢٠٠١ امريكي مطلعها جمرك من ٢٠٠٤ ع يدي والى الان تكرف ومكينه وقير بلد والله اني اغير الاستهلاكيات و زيت فقط وجالدها خطوط كل اسبوعين اطلع تبوك وانزل جده 


up 1 down 0
الامير2007 40
قبل 3 سنه و 6 شهر



الموتر ممتاز وحق كرف ويستحمل

لكن موديل 2001 له 16 سنه مهما كان الموديل يحكم

الشي الثاني جير عادي وماحد يبيه في الوقت الحالي مع الزحمات

الشي الثالث 6 سلندر والبنزين بيرتفع بعد شهرين وبتتوهق في الصرفيه وحتى في بيعها

الشي الرابع اذا انك ماخذها عشان عزم

ترى المواتر الجديده 4 سلندر صار عزمها ممتاز

يعني المازدا 6 4 سلندر توصل 250 !!!

في النهايه اللله يكتب لك الي فيه الخير سواء شريتها او صرفت النظر عنها


up 0 down 0
العداد الرقمي 79
قبل 3 سنه و 6 شهر



والله يخوك موتر ممتاز كثير معهم قرانديV6
بالذات القير العادي افضل من التماتيك بالخرابات
وابعد عن ال4 سلندر ماتنفع للكامري


up 0 down 0
tttt35035 1050
قبل 3 سنه و 6 شهر



انا كان معي قراندي 2000 واذكر قطع غيارها غالية أغلى من الأربعة سلندر وكانت تصرف بنزين اكثر من الأربعة 


up 0 down 0
mamdoh2011 53
قبل 3 سنه و 6 شهر