أضف سؤال أو موضوع جديد          

لمبة البطارية تولع وتطفي هنا الحل

up 10 down 0
ابو علي 912 102
قبل سنه و شهر



السلام عليكم
من فتره عندي لمبة البطارية تولع واذا دعست بنزين تطفي
وماكنت فاضي اروح للصناعيه
المهم شيكت على البطارية واصابعه مربوطه زين
قلت بكيفه يافضيت اروح
اليوم الصباح من شغلت السياره وهي مولعه وادعس بنزين ماتطفي
قلت اجل للصناعيه اخلص المدارس واروح
فيه كهربائي اعرفه من زمان بس كان مسكر
قلت ابي امر محلات ثانيه واشوف فحصهم
اول محل جيته على طول قال الدينمو خربان ولازم تغيير ؟
الثاني قال لازم افك الدينمو واسويله لف واغير الكتاوت
وعندي مستعمل نظيف اذا تبي اركبه قلت شكرا
الثالث قال ياصديق هذا فحمات دينمو ، طيب كم شغل يد قال 100 ريال
قلت شكرا
انتظرت صاحبي الين فتح وعلمته المشكله
قال هذي فحمات دينمو سعره اصلي 50 ريال
وتركيب 50 ريال
والحمدلله تيسرت الامور وانحلت المشكله
طبعا الموتر فورتشنر
اسف ع الاطاله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شكرا يبو علي على المشاركه ..الحمد لله على السلامه


up 1 down 0
midnight_963 524
قبل سنه و شهر



مشكور على الإفادة جزاك الله خير 


up 1 down 0
الفارس المتألق 186
قبل سنه و شهر



وعليكم السلام
بذكر اللي حصل معي من باب الإفادة
كانت عندي تولع لمبه البطارية ولبة الدركسون مع المشي تولع حق غمزة وتطفي وما عرفت المشكلة وقتها الا يوم ضرب الكمبيوتر وخسرت 1200﷼ برمجة
وبعد البرمجة باقي اللمبة تغمز مرات وتطفي مثل اول
وفي الاخر فحصت السيارة بنفسي عند البيت لان الكهربائييين على قولك يصرف لك اي شي
واتضح المشكلة ان احد الكويلات يسوي التماس يعني الكويل شغال بس يسوي التماس كيف مدري وغيرته بواحد مستعمل خذيته مت ورشة صديقي والحمدلله الامور مية المية
طريقة الفحص مدري اذا صحيحة او لا لكنها فادت معي
كنت مركب هذيك اللمبة الحمراء اللي تغمز ومسجل رود ماستر شاشة
واذا السيارة واقفة ادعس بنزين لمبات المسجل اللي تشتغل مع الطبلون تغمز وتطفي واللمبة الحمرا تتذبذب في غمزتها يعني الكهرباء ماهي مرتاحة
ورحت فصلت الكويل الاول والسيارة شغاله وادعس بنزين وباقي اللمبة الحمرا ولمبات المسجل تغمز وتتذبذب
وجربت الحركة ذي مع كل الكويلات الاربع والكويل رقم أربعة اذا فصلته وادعس بنزين اللمبة الحمرا ولمبات المسجل ما تولع تبقى طافية بوضعها الطبيعي وغيرت الكويل والحمدلله من بعدها لمبة البطارية والدركسون ما تغمز ابد
واسف على الإطالة والله اعلم


up 5 down 0
ryyan555 669
قبل سنه و شهر



اذا ولعت بطارية هذي فحمات الدينمو حصلت لي في سيارتي النترا و الازيرا
شغل يد مع فحمات ب 50 سيارة النتر لان فكها سهل
شعل يد في فحمات ازيرا اخذ 100 لان فكها صعب جدا


up 1 down 0
محمد قاسم 1410 -33
قبل سنه و شهر



جزاك الله خير على المعلومة المفيدة.


up 0 down 0
بوحمد4445 76
قبل سنه و شهر



جزاك الله خير على النصيحة 


up 0 down 0
nasser1430 858
قبل سنه و شهر