أضف سؤال أو موضوع جديد          

مشكلة بالكرسيدا تقطيع بنزين

up 2 down 0
nawafwabs 17
قبل 2 شهر و 2 أسبوع



السلام عليكم ورحمة الله وبركاته

عندي مشكلة عويصه عذبتني وجابت لي المرض

بدت المشكله بعد ما ابوي اخذ السياره ووداها الفحص

رجعوها عشان كانت تطلع دخان مع الشكمان

ثم رجعوها وقال الوالد كتموا الدخان او شي من هالقبيل

ودخلوها الفحص ومشت ولما الوالد جابها البيت

تقطيع مو طبيعي اول مره اشوف السياره تقطع كذا

اذا دعست بنزين تكتم وتنتع وكانها بتطفي لازم ادبل الدعسه لحد ماتمشي

جلست فتره وصارت تطفي علي بنص الخط سوتها اكثر من مره

ودينها ونظفوا الكربريتر وصارت افضل بس باقي تقطيع

شوي الا وتطفي علي بعد ما ودينها بيوم

الحل الموقت كان انها احرك السلك اللي رايح من الكويل للابلتين

ثم اشغل وتشتغل معي و غيرنا السلك هذا وبرضو نفس المشكله

وبعدين وديناها مره اخرى وشالوا الفاصل اللي كنا مركبينه ( زر تضغطه ومايخلي السياره تشتغل لين تفكه عشان السرقه)

ماصارت تطفي لها ممكن شهرين بدون تطفي بس تكتم وتنتع في حالة اني جوا المدينة

بس اذا مسكت طريق طويل مستقيم تمشي السياره بدون اي مشكله

الا اذا دخلت في زحمه واشارات تبدى تكتم لما ادعس واعشق ولازم ادبل الدعسه عشان تمشي زين

اتمنى احد يفيدني بخصوص الموضوع
لاني غشيم وماعندي خبره بالسيارات

موديل السياره 85







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يوم نجح من الفحص اكيد ودوها لمحلات الفحص قفلو على الكربون وصار الاحتراق ضعيف عشان تنجح مشكلتك وزنية كربون 


up 1 down 0
benz lover 195
قبل 2 شهر و 2 أسبوع



تعرف لي مهندس كويس بالطائف


up 1 down 0
nawafwabs 17
قبل 2 شهر و 2 أسبوع



لاحظت حبايبنا اهل الطائف يحبون الكرسيدا
ماشاء الله وايضا شاهدت سيارات كرسيدا نظيفه
ايضا لاحظت آهالي الجنوب تجد عندهم هايلكسات مديلات بالتسعينات ونظيفه
و ايضا جيوب تويوتا مديلات قديمه
ولاكن نظيفه ويحبوها
عندنا بالقصيم يشترون وكاله ويجلدها ويهلكها ويحذفها



up 1 down 1
امير الاصيل 1627
قبل 2 شهر و 2 أسبوع



ماكرهت الكرسيدا الا من وزن الكربون الحل
تشوف الي وزن الكربون نفسه يرجعه او الله يعيينك تشوف لك
واحد ثاني يغير طقم اصلاح ويوزنه لك


up 0 down 0
بن سحمي 117
قبل 2 شهر و 2 أسبوع



ارجع للي عدل في وزنيه الكربون للوالد. و تاكد انه مافصل سلك من اسلاك البواجي. 


up 0 down 0
amer ahmed 313
قبل 2 شهر و 2 أسبوع



أبدا بحل بسيط ان نحلت كان بها و نعمة ،،، تشتري بخاخ اي سي ديسكو
و تفتح المسمار فوق الكلبريتور و تنظفه و السياره شغاله ولكن بعد أخذ مشوار بسيط لأجل التحمية و رجع ماصورة الهواء فوق الكلبرويتر وشد المسمار .


up 0 down 0
helali505 12
قبل 2 شهر و 2 أسبوع



فك البليتين تلقى بجنب راس الشاكوش اللي يوزع الكهرباء لأسلاك البواجي تلقى سبرنق ودقمه قيمتها 15 ريال غيرها واوزن الديلكو بعد ماتركبها


up 0 down 0
aliexendr_8 56
قبل 2 شهر و 2 أسبوع



النتعة من وزن الكربون

بس شرحك شكله من الشاكوش محترق سعره بحدود 15 او 20 ريال بدله و نظف الكبريتر واوزنه تمام و بدل البواجي افضل


up 0 down 0
bindakheel 579
قبل 2 شهر و 2 أسبوع



الله يعطيكم العافية ع المساعده، الشاكوش هذا كيف شكله
ابي اعرف بالضبط عشان م يضحك علي الباكستاني ويغير شي ثاني


up 0 down 0
nawafwabs 17
قبل 2 شهر و 2 أسبوع