اشتري سيارة معدل فيها الشاصي. ؟

اذا تعديل بسيط ما يضر

الشاصي تأثر و ما طلعت الايرباقات !!!!!

شلون حادث خفيف وتعدل الشاصي ؟؟
نصيحة .. لايلعب عليك الشريطي
الشاصي المعدل بيطلّع صوت مستقبلاً
وبتمشي السيارة على جنب بعدين ؛ كأنها حيّة ههههه

ابعد عن الشر وغنيله 

ما لك والسيارة اللي فيها عله 
خذ غيرها وريح راسك 

مادام وصلت للشاص ابتعد منها 

انا اشوف السياره اللى شاصيها معدل او انعوج نهاية السياره
كل شي يتعوض ب السياره اللى الشاصي

انحشش عنها نصيحة لاتشتريها ولابريال

أسأل اللي جرب سيارة معدل الشاصي فيها، أغلب الناس يتكلمون بما سمعوا

لو سمحوا لك تجرب السيارة خذها خط وشوف اذا فيها ميلان او تحذف

وفي النهاية السيارة اللي معدل فيها الشاصي أنت تشتريها بثمن اقل بكثير مقارنة مع السليمة، لو ناسبتك وسعرها كان رخيص توكل على الله

حتى لو اخذتها بتظل موسوس حتى لو تعديلها ممتاز .خلاص مالك ومالها

^ شكلك ماتعرف شي الشاصي معروف اذا فيه ضرر 
انحش عن السياره كلها مشاكل  مو نفس ماتقول 
اغلب الناس يتكلمون بما سمعوا
انا انغشيت بددسن شاصيها مضروب من تحت باب السايق
ويكسر القير يبي لك كل اسبوع تركب قير وقيمة التصلح من ٤٠٠٠
ل ٦٠٠٠ وهي ددسن وفوق هذا السياره مفحوصه فحص دوري
والشاص معدل  وثاني شي السياره اللي معدل شاصيها 
يوم تمشي ورا السياره وهي ماشيه قدامك تشوفها تمشي على جنب
واذا جيت تبي تبيع ماتجيب لك قيمه 

والشي الثاني تقول السيارة اللي معدل فيها الشاصي انت تشتريها بثمن اقل 
ولو ناسبتك سعرها رخيص توكل على الله 
تحسب يوم تشتريها تبي توفر كم قرش ترا تبي تحط دبل قيمتها
تصليحات وماتظبط واذا جيت تبيع تبيع بتراب الفلوس تنشب بحلقك
وتطفر بك  لو قيمتها مثلا ٢٠ الف واللي سليمه ٢٥ اشتري ام 25 
واريح راسي احسن ماخذ ام شاصي ب ٢٠ واصلح فيها ب ١٠ الالف 
ووماتظبط وابيعها ل ٨ الالف

انا امتلكت سيارات فيها الشاصي ما ورطت في سيارة معدلين الشاصي حقها لحوج !
وقلت للرجال جرب السيارة في الخط إن كان بها ميلان او تحذف وإن كانت راسيه توكل على الله

بعدين كيف فرق السعر 5 الف ؟
السيارات اللي فيها الشاصي سعرها ما يجي نص قيمتها سليمه

واللي يشتري سيارة فيها الشاصي يسوقها داخل المدينه ويقضي مشاويره عليها بدال ما يكد سيارته الأساسيه

اخي الكريم الشاص هو الاساس او مقود توازن او ثبات السياره ماتلاحظ بعض السيارات ادا كان فيها شاصي تمشي على جنب والشاص لو كان مضروب تشوف السياره معك بالخط ترجف فا انتبه والله الموفق

كييييف وصلت الشاص والارباق ما خرج . هذا حاجتين . يا اما الايرباق مجددخ بجديد او العداد مفصول والحساس او الاحساس خربان .

اذا التعديل مزبوط والسعر زين اشتر 
روح لسمكري مطنوخ يشوف موزن صح ولا  
اذا موزون ومعدل ممتاز لاتخاف بس انتبه اذا مكسور وملحم 

بالنسبه للارباك والله ما يطلع اذا الضربه ما جت على الحساس
خوي الله فكه تخيلوا جمل وضرب في الصدام الامامي وطار على 
التنده ومسح التنده ولا طلع ولا ارباك كامري ٢٠١٧

انا سبق وجتني صدمه وتضرر الشاص ورحت لورشة ممتازه وعدله تعديل ممتاز ولا صار اي شي للسياره 

والحمد لله الأمور تمام 

الي في التعليقات كبروا الموضوع دامك جربتها وارتحت لها خذها وتوكل

الشاص اذا الضربة بسيطة عادي 

اما اذا الطعج كبير فابعد عنها 

ونصيحةلك انت الي تحدد اذا تشوفها انها غامضة وما ارتحت لها وكثرة الوساوس ابعد عنها 
وجمع وخذها اصفار اذا كان الفارق بسيط ولا انظف منها

ممكن تاخذها كاستخدام داخل المدينة في حال امورها لاباس بها خطوط ماتصلح ابد خطيرة

معي النترا 2014 ومسوي حادث عليها والظربه جات في الرفارف مع الجنب ومعدل الشاصي وارباقاتها ما طلعت لان جسر الصدام ما جاه شي