ماهو افضل زيت تويوتا ديزل

شف غطا الزيت المكينة مكتوب عليه اللزوجة ان مالقيته فالكتلوج واحتفظ بالكتلوج تراك بتحتاجه مستقبلا لو تبي تغير فيوز -حساس- صيانة دورية

ماشاء الله
مبروك والله يعطيك خيرها ويكفيك شرها
كيف الديزل تنصح به دبل

الله يبارك فيك 
.توي شاري

لكن بصراحة غيرت نظرتي عن الهايلكس

عزم وفزه ماشاء الله 
و180 تجيبه بالراحه 

أبو ناهض راجع الكتالوج جيداً ، أكيد بتلقى أنواع المحركات ومنها محرك الديزل والزيت الموصى به
أو تراجع الوكالة وهم بيعلموك على الزيت المناسب لسيارتك
بالنسبة لسعر فلتر الهواء 125 ريال سعر عادي جداً ولا يعتبر غالي .

واحد من الجماعه معه هايلكس ديزل واشوفه يحط بترومين عيار 40 ويقول ممتاز ولا ادري عنه

بيض الله وجيهكم على كل حال 

وعليكم السلام ورحمه الله

انا نزلت موضوع استشاره عن الهايلوكس الديزل قبل 5 شهور وجزمت عليه لدرجه اني دخلت قروب واتساب خاص فيهم لمده اسبوع وطلعت وبعدها صرفت النظر عن الموتر (( مب عيوب فيه لكن وضعي مايسمح ))

المهم القروب غالبيتهم شيبان مايدري وش الكتلوج ويروح للبنشري يغير له زيت شل روتيلا 20w50 حق التريلات أو بترومين 15w40 العلبه الرصاصية او الثاني بترومين 40 وعلبته زرقاء حق الدينات وغالبا يجي جركل 4 لتر

المصيبه الكبرى كل هالزيوت تصنيفها SL تصنيف قددددديم جدا ولا يناسب الا مكاين الحديد ومثلك عارف الهايلوكس من 2006 صارت ألمونيوم .. بالاضافه الى اللزوجات الغلط وكلها ثقيله وغير مناسبه وغير موجوده بالكتلوج

المهم مالك بالطويله استخدمو شل هيلكس الاسود 5w40 ومناسب لمحركات الديزل والبنزين مع انه (( غير مطابق )) وعيبه ريحه الديزل تلصق بالثياب لكنه افضل السيئين ومنتشر بالبناشر ومحلات بيع الزيوت بالجمله .. لكن اذا تبي شي ممتاز ومابعده كلام ومطابق بنسبه 100% عليك بزيت بولندي 5w30 تخليقي بالكامل يمشيك 10 الاف بالراحه وموفر للديزل ويقلل صوت المكينه والريحه ماتلصق بالثياب نهائيا .. عيبه الوحيد سعره 40 ريال للعلبه الوحده لكن يستاهل كل ريال يندفع فيه .. تواصل معهم وخذ 8 علب للتجربه وصدقني راح تدعي لي

هذا هو الزيت من شركه أرديسا وكان ب 40 وصار ب 30 ريال .. انزل تحت وشوف مواصفاته

http://www.adv-motors.sa/advancedvehicles/product/146

واذا يهمك التصنيف بالمقام الاول قبل درجه اللزوجه ؟ خذ زيوت امسويل تصنيفها CJ4

http://www.syntheticwarehouse.com/synthetic_diesel_oil.htm

وكيلها بالسعوديه اسمه (( الخيار الاسمى )) ولهم حساب بتويتر موضح فيه كل أرقامهم وفروعهم

ماقصرت يبو هيثم

لكن التصنيف غير اللزوجه

وش الاهم فيها

ياخواني طلع لي مشكله 

الزيت ماشي 1100كم

ويقول ناقص 

غير او زود

يعدين يطلع لي 

Average speed 43km/l

مدري وش السالفه

الي عنده خبره يفيدنا تكفون

حط زيت تريلات ههههههههه

رحة الشركة قالو زيت بلدها ١٥/٤٠موبيل دلفاك
وجابلي واحد معلومة يقول زيت بلدها هونداي١٠/٤٠
بلشنا معاد ندري وناعطاني مهندس سعودي
في الشركة يوم سويت الصيانة صورة الزيت الجالون الاسود

أبشركم شركة تايوتا جابت زيت تايوتا ديزل ١٥/٤٠

السلام عليكم ياربع الموتر جديد ولقيته ناقص حول النص ونا مغير زيت تيتان فكس وش المشكله فيه الي عنده خبر يفيدنا الله يعطيه العافيه 

انت ياللي تقول الزيت ناقص يمكن زيتك اللي صابه بسيارتك زيت محركات بنزين
زيت الديزل ٤٠ شل

أنا سالت الشركة تويوتا يغيرون لي زيت اسمه لكزس ٥*٣٠والبنشر يقول هذا حق بنزين وصرت اغير شل رميولا ١٥*٤٠والامور متيسرة هو لدينات والتدريبات والمعدات

بالنسبة للي يقول السيارة جديدة ويبين عندة الزيت ناقص علية ينتظر 24 ساعة ثم يقرأ وهي الطريقة الصحيحة لانه يبقى في رأس المكينة بعض من الزيت ما نزل

انا استخدم 20/40 وحاليا استخدمت ٢٠/٥٠ طبعا الاخير ثقيل نوعا ما ولكن يناسب الديزل

منواقع تجربة تايوتا شل روتلا ٤٠