سيارتي اكملت 4 شهوو مسروقه ولم اجدها حتى الآن هل من حلول

الحلال ماضيع باذن وكل امرك لله من وكل امره لله بيشوف الخير ان شاء الله

جميع الشركات يوجد بها جهاز تعقب وتتبع المركبه بالنسبة للتأجير المنتهي بالتمليك في حال عدم السداد يتم سحب المركبه تستطيع مطالبة الشرطة بأعطائك خطاب موجه لشركة عبداللطيف جميل لتحديد موقع مركبتك

و السلام عليكم ورحمة لله

الحلال ما يضيع وحقك تاخذه في الدنيا او في الاخره

سئل إبن عمر رضي الله عنه عن الضالة فقال
: يتوضأ ويصلي ركعتين , ثم يتشهد ,
ثم يقول :اللهم راد الضاله , هادي الضلالة , رد علي ضالتي
بعزك وسلطانك ,فإنها من فضل عطائك ..

ونصيحه في جهاز للسياره للسرقهه قيمته فقط 650 ريال
انصحكم تحطونه

الله يعطيكم العافيه

ولكن ابي رأيكم وين ممكن احصله ؟

جرب اخوي تحط اعلانات وصور فوسائل التواصل مثل الواتساب وغيره وان شاء الله تلقاه 

والله يعينك الصراحة مايدري الواحد من فين يلقاها 

كل يوم رح لطعوس الثمامه باذن الله تحصله

شوف الطعوس على قول الشباب و الأحياء المشبوهة اللي عندكم في الرياض 
ولا تركز على اللوحة بس لان الاغلب بيغيروها حاول تلقى علامة مميزة في سيارتك 
مثل دقة قديمة او اثار ستكر كان على السيارة او رقم الشاصية اللي عندك في الأستمارة 
حاول تنشر صور للسيارة على وسائل التواصل الأجتماعي و اكتب رقمك على نفس الصورة 
يمكن احد شايفها واقفة في مكان او شي 

صراحة اهنيك على قوة الأمل والإيمان الي عندك وانت عارف ان السارق مايخاف الله

مفتاح سيارتك انسرق وين هل قريب من السياره او محل قريب من السياره ؟
ثانيا اسأل الشباب الي اعمارهم من13 الى 25 وقلهم وكلمهم اذا سمعو احد سرق اف جي وقل الي بيدلني عليها بعطيه مبلغ مالي 1000ريال او 2000 يمكن يجي من يعلم

طبعا تكلم الشباب الي في الحاره الي انسرق فيها مفتاحك

ذكرتني بجارنا كان عنده كرسيدا ٨٨ ورده ماشاء الله ومحافظ عليها اكثر من عياله 
انسرقت قبل أكثر من ١٠ سنوات .. وسألته قبل كم يوم لما صار عندنا سرقات في الحي 
قال شفتك ولا شفتها (( الله يرد ضالتكم او يعوضكم بخير منها )) .

والحراميه أسال الله ( ان يحرقهم في الدنيا قبل حريق الآخره )

كنت في النادي وانسرق جوالي من السياره وبلغت الدوريات وجلست انتظر البصمات تقريبا خمس ساعات وبصموا السيارة بعد 3 اسابيع اتصلوا علي الشرطة وتطلع تطابق بصمات والحمد لله مسكوه طلع ورع عمره 18 باقي في الثانوي وعليه سابقة في شهر 8 ماخذين الحياة جعرمه وهياط وأنا القوي شوف الحين مرمي ومفشل أبوه اللي القهر بيموته.
نسأل الله يرد لك ضالتك يارب لو عندك صوره للسياره تنشرها بتويتر يكون افضل

حاول تدور عليها بعيد عن الحي الي انسرقت منه 
لان الي سرقها بيطلع من الحي عشان مايطيح بالدوريات 
بمكان السرقه 

دور بالدخل المحدود النظيم النسيم  شوف بشوارع التفحيط 

وفالاحياء القديمه الشوارع الثلاثيه الاماكان المشبوهه. 

والله يردها لك. عطنا رقم اللوحه والحروف. واللون. ومن اي 
حي انسرقت. يمكن. احد منا يشوفها بااحد الشوارع 

شوف الويكند بالثمامه تلقى تجمعات شباب بعد الساعه 10

شوف تركي الاول كل يوم الساعه 12 ممكن يتقاوم فيه 

باذن الله تحصلها بالثمامه والله يردها لك سليمه 

خويي انسرق شاص من عند البيت (( بسطحه )) ولا حصله الا بعد ٩ شهور في حوش كله سيارات كانت النيه تشليحها الله يرد ضالتك

مشكورين على ردود، اخ ايمن ممكن مكان الحوش الي حصل خويك فيه سيارته ؟

أسال الله ان يرد لك ضالتك ويكفينا واياكم شر الأشرار وكيد الفجار قولوا امين

اعرف واحد انسرقت سيارتة من الرياض ودقو علية الشرطة بعد يمكن ٦/٨ شهور في حفر الباطن!!! وكانت منطولة هناك شهر محد بلغ عنها

هايلوكس غمارتين لون ذهبي انسرق عليه قبل ٨ سنوات والى الان ماحصلته موديل2009