أضف سؤال أو موضوع جديد          

سيارتي اكملت 4 شهوو مسروقه ولم اجدها حتى الآن هل من حلول

up 11 down 8
ثقتكم -92
قبل 2 شهر و 4 أسبوع



اللهم رد لكل مسلم ضالته وين ممكن احصل سيارتي المسروقه صار  لها اربع شهور ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحلال ماضيع باذن وكل امرك لله من وكل امره لله بيشوف الخير ان شاء الله


up 3 down 1
المتوكل 777 337
قبل 2 شهر و 4 أسبوع



جميع الشركات يوجد بها جهاز تعقب وتتبع المركبه بالنسبة للتأجير المنتهي بالتمليك في حال عدم السداد يتم سحب المركبه تستطيع مطالبة الشرطة بأعطائك خطاب موجه لشركة عبداللطيف جميل لتحديد موقع مركبتك


up 0 down 0
aliexendr_8 56
قبل 2 شهر و 4 أسبوع



و السلام عليكم ورحمة لله

الحلال ما يضيع وحقك تاخذه في الدنيا او في الاخره

سئل إبن عمر رضي الله عنه عن الضالة فقال
: يتوضأ ويصلي ركعتين , ثم يتشهد ,
ثم يقول :اللهم راد الضاله , هادي الضلالة , رد علي ضالتي
بعزك وسلطانك ,فإنها من فضل عطائك ..

ونصيحه في جهاز للسياره للسرقهه قيمته فقط 650 ريال
انصحكم تحطونه





up 4 down 1
بايع الدنيا 66 1223
قبل 2 شهر و 4 أسبوع



الله يعطيكم العافيه

ولكن ابي رأيكم وين ممكن احصله ؟


up 4 down 3
ثقتكم -92
قبل 2 شهر و 4 أسبوع



جرب اخوي تحط اعلانات وصور فوسائل التواصل مثل الواتساب وغيره وان شاء الله تلقاه 

والله يعينك الصراحة مايدري الواحد من فين يلقاها 


up 1 down 1
ابو حسين.......... 369
قبل 2 شهر و 4 أسبوع



كل يوم رح لطعوس الثمامه باذن الله تحصله


up 0 down 1
بريق الرياض 257
قبل 2 شهر و 4 أسبوع



شوف الطعوس على قول الشباب و الأحياء المشبوهة اللي عندكم في الرياض 
ولا تركز على اللوحة بس لان الاغلب بيغيروها حاول تلقى علامة مميزة في سيارتك 
مثل دقة قديمة او اثار ستكر كان على السيارة او رقم الشاصية اللي عندك في الأستمارة 
حاول تنشر صور للسيارة على وسائل التواصل الأجتماعي و اكتب رقمك على نفس الصورة 
يمكن احد شايفها واقفة في مكان او شي 



up 2 down 1
shadowz33 1085
قبل 2 شهر و 4 أسبوع



صراحة اهنيك على قوة الأمل والإيمان الي عندك وانت عارف ان السارق مايخاف الله


up 0 down 0
chevrolet zr1 526
قبل 2 شهر و 4 أسبوع



مفتاح سيارتك انسرق وين هل قريب من السياره او محل قريب من السياره ؟
ثانيا اسأل الشباب الي اعمارهم من13 الى 25 وقلهم وكلمهم اذا سمعو احد سرق اف جي وقل الي بيدلني عليها بعطيه مبلغ مالي 1000ريال او 2000 يمكن يجي من يعلم


up 0 down 0
Pro rare 398
قبل 2 شهر و 4 أسبوع



طبعا تكلم الشباب الي في الحاره الي انسرق فيها مفتاحك


up 0 down 0
Pro rare 398
قبل 2 شهر و 4 أسبوع



ذكرتني بجارنا كان عنده كرسيدا ٨٨ ورده ماشاء الله ومحافظ عليها اكثر من عياله 
انسرقت قبل أكثر من ١٠ سنوات .. وسألته قبل كم يوم لما صار عندنا سرقات في الحي 
قال شفتك ولا شفتها (( الله يرد ضالتكم او يعوضكم بخير منها )) .

والحراميه أسال الله ( ان يحرقهم في الدنيا قبل حريق الآخره )


up 2 down 2
nasser1430 538
قبل 2 شهر و 4 أسبوع



كنت في النادي وانسرق جوالي من السياره وبلغت الدوريات وجلست انتظر البصمات تقريبا خمس ساعات وبصموا السيارة بعد 3 اسابيع اتصلوا علي الشرطة وتطلع تطابق بصمات والحمد لله مسكوه طلع ورع عمره 18 باقي في الثانوي وعليه سابقة في شهر 8 ماخذين الحياة جعرمه وهياط وأنا القوي شوف الحين مرمي ومفشل أبوه اللي القهر بيموته.
نسأل الله يرد لك ضالتك يارب لو عندك صوره للسياره تنشرها بتويتر يكون افضل


up 1 down 0
aliyy-2010 208
قبل 2 شهر و 4 أسبوع



حاول تدور عليها بعيد عن الحي الي انسرقت منه 
لان الي سرقها بيطلع من الحي عشان مايطيح بالدوريات 
بمكان السرقه 

دور بالدخل المحدود النظيم النسيم  شوف بشوارع التفحيط 

وفالاحياء القديمه الشوارع الثلاثيه الاماكان المشبوهه. 

والله يردها لك. عطنا رقم اللوحه والحروف. واللون. ومن اي 
حي انسرقت. يمكن. احد منا يشوفها بااحد الشوارع 


up 1 down 0
سبحان الرازق سبحانه 2377
قبل 2 شهر و 3 أسبوع



شوف الويكند بالثمامه تلقى تجمعات شباب بعد الساعه 10

شوف تركي الاول كل يوم الساعه 12 ممكن يتقاوم فيه 

باذن الله تحصلها بالثمامه والله يردها لك سليمه 


up 1 down 0
ابوسعــــود 227
قبل 2 شهر و 3 أسبوع



خويي انسرق شاص من عند البيت (( بسطحه )) ولا حصله الا بعد ٩ شهور في حوش كله سيارات كانت النيه تشليحها الله يرد ضالتك


up 1 down 0
ايمن البديوي 22
قبل 2 شهر و 3 أسبوع



مشكورين على ردود، اخ ايمن ممكن مكان الحوش الي حصل خويك فيه سيارته ؟


up 2 down 2
ثقتكم -92
قبل 2 شهر و 3 أسبوع



أسال الله ان يرد لك ضالتك ويكفينا واياكم شر الأشرار وكيد الفجار قولوا امين


up 2 down 0
راجي المثوبة 63
قبل 2 شهر و 3 أسبوع