بخصوص عبداللطيف جميل وسحب السياره ارجوا الدخول

انا كنت كافل واحد و تأخر قسطين و سحبوا منه السيارة

رحت معه و سدد القسطين و استلمها

الله يبارك فيك الاقساط عارفها .. لكن القصد اذا سحبوها وخذوها وش لهم عندي من مبالغ

اعرف واحد من الزملاء معه سياره اكسبيدشن من البنك الاهلي
ساحب عليهم 3 شهور وسحبو السياره وراح يبي يسترجع السياره
طلبو منه دفع الاقساط المتاخره وقيمة سحب السياره 1500 ريال ودفع قيمة قسطين حقت شهرين قادمه
وتخيل القسط الشهري 2200 يعني لازم يدفع لهم 12500 حاول تسدد قبل سحب السياره
ولعلمك على حسب الاتفاقيه اللي في العقدبعضهم يدفع الاقساط ويستلم سيارته وبعضهم يدفع غرامه وبعضهم مثل حالة صاحبي وسلامتك

سلمت ولاهنت

الكيلوات وش وضعها اذا سحبوها ولاعاد لي رغبة بالموتر بخليهم ياخذونه

وش حسابهم فيها ؟؟؟

زميلي في العمل مطلع كورولا من ابوجميل ونفس حالتك اللهم انه سحب 6 شهور
اللي صار معه مصيبة .. قفلو العقد وباعو السيارة وقالو ادفع قيمة الاستخدام وانهاء العقد واللي هو 26 الف !!!!
والكيلوات مسموح لك في السنة 32 الف تقريبا واحسب
الكيلو الزايد 80 هللة تزيد عشرة هللات يمكن بس ما تقل عن 80 هللة اكيد

الله يعينك
لازم تلتزم بالعقد لان ماراح يقدمون على فعل الا بالعقد موقع عليه
سدد قبل السحب والشكوى
واعرضها لتنازل لو تدفع للي بيتقبلها قرشين

الله يقطع الاقساط وسنينها 
عز الله انها هم وغم .. الله يعينك وبس 

الله يكون في عونك  ويفكك منهم 
الاجار تمليك اذلال الي ابعد حد 

ارجع للعقد فيه التفاصيل
وهذي مشكلتنا ما نقرا العقد وتعرف اللي لك
او عليك .....لازم تكون عندك صوره من العقد
تقدر تحاججهم اذا نصبوا عليك

دخلها كراج بيتكم وخلهم يسحبونها

شف يالحبيب انت شكلك وقعت العقد ولاقريت منه حرف واحد
ووقعت الاوراق ولاتدري وش فيها .
انا اعلمك من واقع تجربه مع عبداللطيف جميل
وشكوى قدموها ضدي بالمحكمه التنفيذيه
لك بسنه حسب العقد 30 الف كيلو متر مازاد عنه تحسب
عليك 50 هلله .
بعدين في حال ارجاع السيارة وفسخ العقد من طرفك
يحسب عليك الكيلو متر الزائد
تدفع 3 اقصاد فسخ عقد
يقيمون سعر الاجار اليومي لسيارة من 3 مكاتب اجار وياخذون
المتوسط ويضرب بمدة الايام الي استخدمتها مع الكيلومترات
الزايده مع 3 اقصاد فسخ عقد . يطلع عليك مبلغ صكه
انا كنت مثلك وقعت الاوراق ونا مغمض ماشوف ابي موتر بس
جلس سنه معاي وتنازلت لواحد ضحكوا علي خلوا الملف باسمي
والرجال سووو له تفويض انا كان همي فقط افتك من الاقصاد
راحت السنوات وانتهى عقد السيارة الرجال سحب عليهم طالبوه
بالدفعه الاخيره رفض يدفع قالوا سلم السيارة رفض
مادريت الى وهم مشتكيني بورقه وقعتها ونا مغمض الي هي
قيمة الدفعه الاخيرة سند لامرة اكلتها اكله اذا ماسددت وقفوا خدماتي
وسددتها وجبر واخذت ورقه من المحكمه موجه لشركه نقل السيارة
باسمي استطعت اسحب السيارة من الرجال ونقلتها بسمي وبعتها
لكن قسم بالله درس لن انساها ابد واستفدت منه كثير
مهما يكون لو معي سيارة اجار لن اتنازل لشخص اخر
ارجعها واتحمل جميع الشروط افك عمري من مرمطت المحاكم
وغيرها

موتري صحيت من النوم ماحصله مدري مسروق ولا مسحوب
0556193150