أضف سؤال أو موضوع جديد          

للبيع استخدام شايب

up 9 down 0
f2016m 86
قبل 5 شهر



السلام عليكم ورحمة الله وبركاته وش معنا كلمة استخدام شايب هل يعني استخدام انظف من الغير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود



للمعلوميه استخدام جميع الشيبان بصفه عامه أسوأ بألف مره

من الشباب لحيث ان الشايب يترك السياره في نمره واحده

او يتركها في نمره خفيفه وهذا يضر بتروس القير وكذلك

يضعف بستم وشنبر المكينه وكذلك الشايب يأكل جميع

المطبات الصناعيه والحواجز والتحويلات ولا يقف عند شي

الخلاصه الشيبان اكبر مدمريين للسيارات


up 23 down 15



المشكلة بعض الشباب بفجر المكينه يوسع البساتم  ويطير العمر المكينة 
لاكن الشياب هانت  أغير الاستهلاكية تزين الأمور  اخذه وانا مطمئن


up 12 down 1
ملك الحلال 230
قبل 5 شهر



غالبيتهم يكونون محافظين

وعندنا شياب موديلاتهم جيوب فالثمانينات والتسعينات ماشاء الله سيارتهم نظيفة جدا وسياقتهم هادية ولا تشوف او تسمع اي عيب فالسيارة وكلامي هذا من واقع الرؤية والتجربة 


up 8 down 0



اتذكر كان عندنا شايب في الحاره معاه سياره ما يمسك بها خطوط ولا يروح بها وسط البلد
الموتر بودي نظيف جدا لكن ما قد سوا لها صيانه ابدا
حتى فحماتها باقي حقت الوكاله
تقريبا 8 سنوات او اكثر وهو بس يحركها للمسجد والمحلات اللي عالشارع ياخذ اغراض ويرجع البيت
ونشب له واحد الا يشتريها منه
ولما شراها تقريبا غير صوف ووجيه وفلتر القير غيره ثم وضبه وطلع له شغلات واجد قعد يصلح فيها واستغرب
قلت له الشايب مايدعس لها بس سعشق ويخليها تمشي وسنين ما صلح فيها شي فانت جيت وهي على وش انتهاء وخصوصا انك تمغط الموتر دوام وخطوط فطبيبعي تتحمل انت اهمال السنين



up 6 down 1
ali400ali 207
قبل 5 شهر



فيه شيبان سواقتهم احسن من الشباب و عندنا جار مطلع له يوكن 1996 ممشى توه 100 الف وكالة و محافظ عليه و للحين
فحصه بالوكالة هههه

و الله ادا ضرب مطب بالغلط يقول تعور قلبي


up 4 down 0
bindakheel 662
قبل 5 شهر



نعم فيه شياب
يكر ولده
ولايكر السياره محافظ عليها
وفيه شياب ينزل صحراء ع سرعته و معلقها بنمر



up 3 down 0



الشيبان سياراتهم تحصلها نظيفه او معدومه
انت وحظك ومع ذلك تحصله عمره كله
ماطب الورش وﻻيدلها هههههه
وسيارته ماشيه بالبركه
مجرد انك تاخذها منه لو تروح البقاله فيها
ﻻزم تخرب على ايدك ههههههه
فلوسهم مبروكه ماشاءالله عليهم

المهم اذا بتاخذها من شايب شيك على المكيف اهم شئ
ترا عادي يمشي بسياره مكيفها صحراوي او خربان
واذا قلت له المكيف خربان يويلك منه



up 8 down 1
d7ooom777 812
قبل 5 شهر



الشيبان فيهم الفاهم اللي يحافظ على سيارته وفيهم الغشيم


السؤال هنا اذا عرضت ماكسيما أو تشارجر وقال استخدام شايب اعتقد انها ماتجي

أو استخدام دكتور او ضابط ومن هذه المصطلحات لتسويق البضاعة ؟؟؟


up 2 down 0
fsam 210
قبل 5 شهر



مايخالف استخدام شايب ولكن بعض كبار السن بعطيها ولده يوم وتلقاه حايسها حوس 


up 0 down 0
سرطوقا 79
قبل 5 شهر



بعض الشيبان ماشاء الله عليهم سيارته من وكالتها ما يعرف الصناعيه عندنا شايب معه ددسن 85 مطلعه وكاله وليومك معه ومحافظ عليه لدرجه شبك الوكاله الي عليه علامه85 باقي موجود ههههههه



up 1 down 0



يعني كويسه بس ع حسب بعضهم يعطيها ولده مايصونها بس اغلب شي ممتازه 


up 0 down 0



ماهو البلا من استخدام شايب 
مكيف مع دقة السوتش شغال 
جوانب السياره محكحكه
جلنط مايشده اذا وقف السياره 
زيت مايدري عنه 
صوت المكينه مره عالي شانق السياره في نمره 
غي الصناعيه يغشونه قطع تجاري حسبي الله عليهم 
بالعربي سيارات مندمره 


up 1 down 0
فخامة عنزي -205
قبل 5 شهر



ماسألت نفسك هالسؤال ,,, طيب يوم الشايب يعرف يسوق السيارة عجزان يوصلها للمعرض ؟؟؟؟؟؟؟؟؟؟

أو عجزان يركب معك أنت ياولده ويحضر للمعرض عشان يشرف على بيعة السيارة ؟؟؟؟؟؟؟؟؟؟؟؟؟

فلأنه مادام حريص على السيارة فأكيد يبي يكون حريص على بيعتها بالسعر الطيب اللي يرضيه صح وإلا لا ؟؟؟؟؟؟

لذلك هذا مصطلح أطلقه الشريطية النصابين ومن لا يخاف الله عشان يضحكون على الناس . . . . . .


اشهد لله ان بعض الكلام صدق
معايه سياراتين شليتها وكانت مع شيبان باثفندر وفورد
الفورد كان طيب وماغيرت فيه كثير وكان ممشاه قليل اصلا
اما الجيب على حسب كلام المهندسين والله ماقد انفك منها مسمار
من وكالتها من مساعدات ويايات وبطنه بالكامل مدمور والسيارة ماشية كثير فوق 300 الف ومستغرب كيف مشته ذا الفتره والي يسوقه مايحس ان مساعداته مفقعه او فيها شي والله حاجات كثيرة فكيتها ويقولون كيف صبرت 13 سنة ولاتغيرت
اغلب الشيبان يدق سلف ويمشي يشيك على الزيت والموية والكفرات والباقي مايهتم له مقصات جوزات رمان بلي وكل الخرابيط ذي مظروبه ويسمك بها خطوط لين ينفقع كبدها


up 0 down 0
11234 77
قبل 5 شهر



انا دائما اشوف اعلانات بموقع حراج اغلبها 
لسيارات استخدام الشايب. او استخدام دكتور 
المصطلحات الي زي كذا تلفت النظر. للمشتري 
ويفكر بينه وبين نفسه ان السياره اذا كانت مع شايب 
انها نظيفه والشايب مايفحط ومايسرع الى اخره......
او اذا كانت مع دكتور يعني وش الفرق اذا كانت مع 
دكتور او مع معلم او مع موظف بشركه او مع عاطل. 

يعني الدكتور بيحافظ على السياره اكثر من غيره. بحكم انه دكتور 



ما اشوف كلمة شايب مرغبه لشراء السياره لذيك الدرجه
يعني واذا كان شايب !؟ الشايب فيهم المحافظ وفيهم العكس والشباب كذالك فيهم اللعاب وفيهم المحافظ
واحيانا نكون سيارات الشاب انظف من سيارة الشايب



up 0 down 0
ابوناصر 454 654
قبل 4 شهر و 4 أسبوع



الفرق الملحوظ بين سيارات الشباب والشياب الممشى
غالبا تلاقي سيارات الشياب ممشاها قليل ؛ خبرك الشياب غالبا مشاويره وروحاته وجياته قليله عكس الشباب



up 1 down 1
ابوناصر 454 654
قبل 4 شهر و 4 أسبوع