ضمان بترومين هل أستفدت منه

ضمان وهمي. تعطلت بطارية السيارة عندي وهي مالها الاثمانية اشهر. وقالو حنا نفحص نقاط . بترومين ماتفحصها . السيارة اكسنت الوكيل الناغي

مع العلم اني سالتهم. عن بترومين قالو معتمدة لدينا. واذا حصل عطل يقولك. بترومين تغير لك زيت وفلتر بس. مايفحصون كل النقاط. ويلغون ضمانك. ووزارة التجارة تقول من حقة. يرفض دامك تسوي الصيانة برى. ولو مرة تصين برى يلتغي. الضمان

وزاره التجاره ماحددت على بترومين عشان يمشي ضمانك بالوكاله
الي فهمته انو اي مكان غير فيه زيت بس بشرط في فواتير يثبت
وبكذا الضمان يشملك سوا بترومين او غيره
وشوف لك ارخص مركز صيانه سريعه عندهم طباعه الفواتير وخلاص

ابو مزعل ايش علاقه البطاريه ببترومين ترا مالهم علاقه بالبطاريه سوا فحصو او لا
البطاريه تتغير على الضمان اذا اكترونيه مايحتاج صيانه ومنتهى مدة ضمانها

انا الي اسأل عنه بترومين نفسه مو الوكاله

اذا انا غيرت زيت مكينه عند بترومين وخبطت بسببهم انا ما لي في الوكاله ولا براجعهم كل موضوعي مع بترومين هل متجاوبين ولا ضمانهم ما له فائده

ماعندي علم اكيد يمكن يجيك حد صارت مشكله معهم ويفيدك
بس زي منت عارف حتى لو لك حق لازم يماطلونك
تقول مثلا خبطت غيرت زيت وصار الي صار قبل موعد التغير الثاني لزيت
بيقولو سو ستخدام من هالكلام الين يطفشونك
يبي لهم واحد طويل بال ويطاردهم
انا لما اغير عندهم زيت بترومين بنفس مركز بترومين مو عشان ضمان ولا حب فيهم
المقصد لانو برا اكثر الزيوت مضروبه والمركز يبيع زيوته الخاص به وصعب مغشوش
والفرق انه برا بالبناشر اغير ب 80 والفلتر من عندي
وبالمركز ب 96 والفلتر من عندي
ان شاء الله حد يفيدك بمعلومات اكيده

يا اخوان انا عندي نيسان صني ٢٠١٦ وكيلها بترومين
وديتها صيانة ١٠٠٠ مجانا بدون زيت.. !!!
وعلى صيانة ٥٠٠٠ قالوا تدفع ٣٢٠ علشان ٣ علب زيت بترومين ١٠..٣٠
وسيفون صيني مغشوش.. قلت ليه قالوا علشان صيانة اذا تبغاها تخش الضمان
واذا تبغى بدون ضمان زيت مع سيفون ٧٥ ريال..
طبعا في المنطقة الجنوبية لايوجد اي صيانة اوضمان لبترومين
ويوجد مركز صغير للعيسى صيانة خقيفة ..
الشاهد بترومين طلب مني غيار زيت بضمان ٣٢٠ بدون ضمان ٧٥ ريال
وكلها نفس الزيت والاعمال

طبغا سحبت عليهم وغيرتها برا ب٦٠ ريال وطز في ضمانهم

المشكلة عندنا بالسعودية ( تقريباً ) كل شيء ضايعه الطاسه وضايع حقك معها 
الوكالة تشوت ومحلات الصيانة تثبت و وزارة التجارة تسدد بس للآسف برا المرمى 

والشرطة ما لها دخل والقضاء والمحاكم حبالها طويلة طول عمر النبي شعيب عليه السلام

وانا وانت وهو وهي .. حقوقنا ضايعه .. لكن ما نقول الا حسبي الله ونعم الوكيل وكفى .

وتغيروا ف بترومين ليه وش السبب اغير زيت ب 1000 بعض الناس كل مره زيت وكل مره لزوجه وسيارته ماشيه 500

الحمد لله ما جاني منهم شي,  و مع ذلك ساحب عليهم عيال الفلبن نصابين و توجهت للحبيب الحمراني تاريخ نيسان في المملكة

مركز ون ستوب و دخلت عليهم اقوله زيت و فلتر يقوللي سم طال عمرك لا يقول تنظيف ما كينة او جير او نلمع او نسوي.

بينما الحرامية بترومين سويت عندهم تنظيف ماكينة من داخل قلت اجربها وللأسف ما حسيت بفرق خسارة على الفاضي.

وقاللي الفلبيني عبي بنزين كويس انا طول عمري اعبي 95.  المهم لو ببلاش ما اطب بترومين لا وكل يوم ثلاثاء غثوني برسايلهم

فلتر مايتي مجاني و 4 لتر زيت طيب سيارتي تاخذ خمسة لتر مع الفلتر, يعني اللتر الزيادة بيحاسبوني عليه يعني ما يستفاد من عرضهم.  

مرة ركبولي فلتر هوا تجاري حسبي الله عليهم و الحمد لله سيارتي ما صار لها شي.  


غاليين على شي فاضي ما يسوى.

فلاتر غير اصليه وتعامل الفلبينى منفس ومايفرق عن اى بنشر هادى واانتظار وغثا 

بترومين ضمانهم 48ساعه من تغيير الزيت مكتوب بالفاتوره المطبوعه اللي يعطونك
بالنسبه لخدمتهم فيه فروع جيده نوعا ما وفروع سيئه جدا والعماله نصابين
بشكل عام اسعارهم مبالغ فيها

عن نفسي بعيد عن بترومين اشد البعد 2 من اصحابي طقت مكاين سياراتهم سوناتا 2016 بسبب بترومين وللمعلوميه كان الناغي متعامل مع بترومين
ومعتمد بترومين الحين لا واتصل بنفسك وتاكد