أضف سؤال أو موضوع جديد          

مشاوره في تركيب بطارية للهايلوكس

up 3 down 0
moode 779 53
قبل 11 شهر



السلام عليكم 

كيف حالكم 

عندي هايلوكس بغير له بطارية بس المعروف الهايلوكس 55 امبير لو ركبت مثلا 80 او اقل بقليل امبير فيه مضرة للموتر طبعاً زيادتي للمبير عشان لمبات البر والثلاجه 


و وش افضل بطارية اللكتروني او عادي ام ماء ذي

وش افضل شركة مجربه طبعاً 

وجزاكم الله خيرا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خلك ع شد البلد...لان الدينموا..له قدرة معينة...فالبطارية الكبيرة تحتاج دينموا جهد اكبر...ان شاء الله فهمت المقصد
وزيادة 5 او 10 ان شاء الله مافيه ضرر....انا مركب 60 وسيارتي 55

المهم اذا انت راعي بررر...ركب بطارية اضافية..وخل لها اسلاك لوحدها ..شوفلك واحد يزبطها لك
فوائدها لراعي البر كثيرة.....واذا طلعات خفيفه..ولمبات واشياء بسيطة بطارية الوكالة تكفي وتوفي


up 3 down 3
salih-m 369
قبل 11 شهر



 
التسلسل من الافضل :

1 - اوبتما الامريكية تقريبا 1000 ريال سعرها
2- بانوسنيك
2 - هانكوك تدوم من سنة ونص الى سنتين  
3 دايو ممتازه وعمليه مجربه 
4-  اي سي ديلكو القديمه تجميع دبي ممتازه الان تجميع سعودي
5- موتر كرافت مخصصه للفورد  





الافضل بانسونيك وسعرها 300 وطالع وممتازه 


up 2 down 1



بطارية يواسا ممتازة جداً صناعة يابانية 
لكن اتوقع هالحين تصنع في تايوان 
وهانكوك وبانسونيك ممتازات 
لكن احرص على تاريخ الانتاج للمقفله 
اما اللي تتعبىء ماء ما فيه اي اشكال 
لان عمرها يبدأ من صب ماء الاسيد فيها 


up 1 down 0
nasser1430 858
قبل 11 شهر



كل واحد قام يخترع له شركه بطاريه ونسو يقلون لصحاب الموضوع هل يضر لو ركب 80 امبير عمومن 80 امبير كبيره ومااعتقد بتجي وبتركب على قاعده الهايلوكس
وانصحك تراجع الكتلوج لن اذا كانت البطاريه مناسبه والارقام مناسبه في كلتوج السياره يعني ارقام خفيفه مثلن مكتوب في كلتوج امبير الهايلوكس 50 لو ركبت 55 60 مافيه ضرر لكن 80 على حسب الدينمو اذا كان يتحمل الشحن راجع كتلوح المصنع افضل


up 1 down 1
سكودر 14893
قبل 11 شهر



ماقصرتو على الافادة شكرا لكم جميعاً 


up 1 down 0
moode 779 53
قبل 11 شهر



وعليكم السلام
سلمك الله
ركب 80 امبير ركبتها على هايلوكس_83


up 1 down 0
بريك الفهد 129
قبل 11 شهر



ابو حسين موتر كرفت تعبانه
قد جربها 3 او4مرات حدها سنه ونص
وتخرب مثلها مثل ايسيديلكو
وسعرها غالي وهي مثل عمر ايسيديلكو
والايسيديلكو من يوصل عمرها سنه
تبدا تملح اصابع البطاريه بشكل غير طبيعي
وتطلع مويتها من عند الاصابع
وعمرها على ذي الاعراض سنه ونص

طبعا موتر كرفت الي بالمحلات اقصد
مااقصد الي تنباع بالوكاله يمكن الوكاله افضل
بس سعرها نار اذكر انها500ريال وعليها


على العموم البطاريات اعمارهم وحده
وتختلف من سياره الى اخرى
عندنا سيارتين وحده قديمه ومافيها حوسه
تعمر البطاريه سنتين ونص بالراحه
والسياره الثانيه مليانه تعقيدات وكهرباء
البطاريه حدها سنه ونص
وكل السيارتين ايسي ديلكو

وحاليا اذا خربت البطاريه ابركب ارخص نوع بالسوق
لو يقولي بنقاليه مصنعينها بشقتهم اباخذها واحط فرق السعر بالجيب




up 2 down 1
d7ooom777 459
قبل 11 شهر



عندك حلين الحل الأول تركب دينمو مكسيما 110 أمبير وهو الأقوى أو تركب دينمو ثاني يعني يكون دينمو الهايلكس شد البلد مع دينمو أضافي نفس شد البلد وترهيم قاعده له وتركب سير أطول من الوكالة ويكون الدينمو الأضافي خاص في بطارية مستقله مع فاصل للبطارية عند شحنها بالكامل


up 1 down 0
aliexendr_8 84
قبل 11 شهر



هلا بك اخوي ... من تجربه سابقه معي هايلكس ركبت لها بطاريه كبيره وقصصت علي الفيوز كله اللي فالكبوت والريلي انقص فيه بعد
والفبوز اللي تحت الدركسون الهلكس لها امبير معين لان الدينمو مايتحمل امبيرات عاليه الا اذا بترهم دنمو مدري واذا قدرت ترهم علمني ابي ارهم لي دنمو يتحمل وبالتوفيق


up 1 down 0
thamer949 120
قبل 11 شهر



عليكم السلام ورحمة الله وبركاته 
افضل بطارية تدوم من سنتين واكثر اللي زود بمويه مقطره والاكترونيه الهانكوك تمشي سنه ونص وخذ امبير 55 ولا تزود ممكن تواجه مشاكل مستقبلا 


up 1 down 0
نواف الحربي4 327
قبل 11 شهر



باقادر هي الأفضل 


up 1 down 0
عادل20004 1
قبل 11 شهر