أضف سؤال أو موضوع جديد          

نقاش خارج عالم السيارات الكذابين في المجالس

up 11 down 15
خارج الوسط الرياضي 106
قبل 2 سنه و 11 شهر



يا أخوان فيه موضوع مهم ودنا نتناقش فيه و غاثني غث وهو عن ( الكذابين في المجالس )

هذولا اللي تلقاهم في المجلس أو بالعمل أو الإستراحة مافيه شيء بهذه الحياة إلا وقد جربه أو مر عليه

أو مر على قريب أو صديق له . . . . .

يعني مثل لو نسولف بالدوام عن أثاث البيت يجيك ويقول أنا والله سويت كذا وكذا . . . .

نخش بسالفة السبليتات والمكيفات يقول والله أنا قد سويت كذا وكذا . . . .

تخش بسالفة ورش سيارات يجي ويقول أنا والله صار لي كذا وكذا . . . .

تخش بموضوع مقناص يجي ويقول والله حنا سوينا وفعلنا . . . .

تخش بموضوع . . . . . سفر , دراسة , جوالات , خشبان , حذيان , ثياب , قروض , العمال , الشغالات

النقليات , المزارع , التمور , الأكل , الخضار , البخور , العطور ,,,,,, حتى الله يعزكم الحمامات والحفظات ,,

كل شيء يعرفه كل شيء ,,,, حتى لو تقول أنا سافرت ومريت المحل الفلاني وربي يجيك ويقول أنا قد مريته

يعني مستحيل يقول ( لا والله ما أعرف ) أو ( لا والله ماقد مر علي ) أو ( والله مادري ) . . . . .

أنا أعرف إنهم ( كذابين ) لكن سبحان الله أنا تنقلت في العمل بين 3 أماكن وبكل مكان ألقى فيه هالنوعية من البشر

يعني اللي أذكره يوم كنا بزارين بالإبتدائي أنواع الأرانب وأنواع الكذب على بعض . . . .

لكن هذه من صفات الأطفال النفسية وهو الكذب والمبالغة وتضخيم الأشياء وتزول عندما يكبر الطفل

أنا ما أدري ليش هالأشكال يلجؤون للكذب وهم ( كبار ) وهم يعرفون إن الناس يدرون إنهم كذابين . . . . .

والمشكلة دائماً يخربون الموضوع اللي قاعدين حنا تناقش فيه للفائدة . . . . .

لدرجة إننا صرنا نحاول قدر الإمكان في العمل إن كان بيننا واحد من هالأشكال . . . .

مانسولف عشان يضف وجهه عنا . . . . وسبحان الله مايقعد 5 دقائق على بعض إلا وهو طالع لأنه ماحد عطاه وجه . . .

والمشكلة حتى لو تعطيها كاش على وجه وتفضحه ,, عادي عنده وجه مغسول بمرق تلقاه بكرة . . . .

يجيك نفس الطريقة ونفس العادة مايغيرها . . . . . ولاحظتهم إنهم يكثرون إذا كثروا القاعدين في الجلسة . . . .

يعني لو أنت لحالك مستحيل يجيك ويسولف معك . . . . .

أو حتى لو سولف بجلسة مستحيل يحط عينه بعينك إذا أنت تعرف إنه كذاب من قبل . . . .

يعني هل هو مرض نفسي أو نقص في الشخص نفسه أو عقله لا زال كعقل الطفل ماتغير ؟؟؟؟؟؟؟؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بعض الأشخاص عندهم حب التظاهر بمعرفة كل شي و يا ما أكثرهم  و في غيرهم اللي ينسب أي شي لنفسه يقول انا سويت كذا و كذا و انت اللي سويته و يكذب قدامك


up 0 down 0
افكار جديدة 662
قبل 2 سنه و 11 شهر



هذولا تقلهم انو معاك مكسيما بكس وبيفهم ويسيب المجلس ههههههههههههههه


up 0 down 0
zax_makkah 248
قبل 2 سنه و 11 شهر